235. Lessus Paenitentis.

1. O Deus omnipotens,

rex archangelorum,
Tu creator omnium,

dominus caelorum,
Tua magna gloria

sit desuper thronum,
Dona mihi veniam

scelerum meorum.

2. Vaeh, vaeh mihi misero,

multum nam deliqui,
Vitae innocentiam

penitus amisi,
[Atque multa] scelera

turpiter commisi,
[Haec agendo per]didi

viam paradisi.

3. Vitiorum totus sum

sordihus pollutus,
Multis malis vitiis

multum sum imhutus,
Unde meus animus

intus est confusus,
Coram tuis oculis

non appareo tutus.

4. Vaeh, vaeh mihi misero,
quis me adiuvabit
Nisi Christus Dominus?
quis humiliabit

Mortuus sum, impium
hostem superabit.

5. Vaeh, vaeh mihi misero,

multum sum turbatus
Propter prava opera,

in quibus sum lapsus ;
Unde meus animus

multum est gravatus,
Quia dono Domini

factus sum ingratus.

6. Lingua, manus, oculi

Deum offenderunt,
Pedes, crura, viscera

equidem fecerunt,
Aures impiissimae

mala audierunt,
Membra quidem omnia

valde peccaverant.

7. Dignus sum omnimodo

poena infernali
Propter opera huius

prava mundi [mali],
Que dilexi nimium,

studio carnali
Vixi tamquam pecudum

mente bestiali.

8. Nosco certe, Domine,

nosco mea mala,
Qui sum malus nimium

multum et avarus,
Ipse iam confiteor

tibi voce clara,
Ut dimittas omnia,

quae commisi vana.

9. Sis milii remedium

in confessione,
Ut valeat confessio

in oratione
Florere, o Domine,

pro devotione,
Fac me tecum vivere

in regno [Sione].
10. O redemptor omnium,

actor pietatis,
O salvator omnium

(et) dator sanitatis,
Lava meas maculas

[Et] salva me miserum

a meis peccatis.
11. Tu de caelis veniens

pie descendisti,
De Maria virgine

carnem suscepisti,
Et crucis patibulum

[libens subiisti],
Pretiosum sanguinem

tu pro me fudisti.

12. Ergo, sancte Domine,

plenus bonitate,
Dona mihi veniam

tua pietate,
Imple meam animam

tua sanitate,
Fac me tecum vivere
in regno beate.
13. O vos sancti angeli

et virtutes caeli,
Adiuvate miserum

vos, amici Dei,
State in auxilium

peccatoris mei,
Ut per vos inveniam

locum requiei.

14. (O) vos sancti apostoli,

Iesu Christo cari,
Martyres, scholastici,

confessores clari,
Rogo a periculis

per vos liberari,
Ut in caelis merear

semper coronari.

15. O vos sanctae virgines,

castae purissimae,
Mihi quoque misero

pie subvenite,
Me indignum famulum

vestrum custodite,
Facite participem

gloriosae vitae.