236. Lessus Paenitentis.

1. O pater Deus aeterne,
De caelis altissime,
Respice iacentem multis

Perforatum iaculis,
Singultibus in extremis
Suspirantem ultimis.

2. Invoco te, Iesu Christe,
Fili patris unice,

Cui est substantialis
Deitate similis,

Pietate factus homo
Virginis ab utero.

8. Advocatum te subnixe,

Spiritus paraclite,
Procedentem ab utroque

Flagito sanctissime,
Per te patrem filiumque

Credam omni tempore.

4. Unus es in trinitate,
Trinus unus, Domine,
Fabricator sempiterne

Lapsum stude reformare,
Prostratum erigere.

5. Heu, miser per peccatum

Attraxi exordium,
In peccatis sum conceptus

Parentum sceleribus,
Huic natus luctuosae,

Proh dolor, miseriae.

6. Ex quo natus visum cepi,
Auditum obtinui,
Tactum, gustum, odoratum

A te, factor omnium;
Talibus ditatus donis,
studui lasciviis.

7. Beneficium accepi,

Non servans, ut debui,

Sed perverse errabunda
Defluxit infamia,

Quod ad bonum datum fuit,
In malum se contulit.

8. Sicque crescendo decrescens,
Multa mala peragens,

Quae me vexit cum perversa
Gravitas infantia,

Hanc post sibi effrenata
Rapit pueritia.

9. Adulescens perpetravi
Mala quaeque potui,

Verbis, factis, totus foedus
Cogitationibus,

Vitia sic sum lucratus
Miser pro virtutibus.

10. Iuventute iam constrictus
Peccatis, sceleribus,

Catenatus sum inductus
Servus ut emptitius

Volens, nolens per diversa
Reatus facinora.

11. Unde magna cum virtute,
Heu, cepi deficere
Amans malum, vitans bonum

Deserensque optimum,
Mensque fuit ruitura
Per quaeque flagitia.

12. Iam tunc coepi cogitare
Saeculo me tradere,
Delectari atque eius

Oblectationibus,
Adversa nec ulla timens,
Salutem despiciens.

13. Hierusalem linquens sanctam,
Civitatem optimam,

Verae quae est pacis visio,
Descenderam Iericho,

Huius mundi ad defectum
Totum dedi animum.

14. Insperate laqueatus
Cecidi improvidus
In manus tandem latronum

Dire saevicntium,
Me quaerentium devorare
Leonina rabie.

15. Captum, caesum, vulneratum,
Spoliatum miserum

Reliquerunt semivivum
Ad terram depositum,

Duris flatibus spirantem
Paeneque exanimem.

16. Sic et omnis male captus,
Saeculo qui deditus

Sanctae pacis visionem
Dimittit Hierusalem,

Iericho lunae defectum
Adhuc tenens noxium,

17. Inde cadet in latrones
Videlicet daemones,
Vitiis misellum plagant,

Virtutibus spoliant,

Immortalitatem demunt,

Rationem nequeunt.

18. Iam velut ille captivus,
Cui nullus proximus,

Parens, notus et amicus ;
Doloris quis conscius,

Nisi pius Deus meus,
Super omnes providus?

19. Sacerdos currens transivit,
Viso me praeteriit,

Perdidit compassionem,
Non sciens se hominem,

Pietatem habens nullam
Seu misericordiam.

20. Ut sacerdos, sic levita
Ipsa tenens devia,
Minor gradu, par in actu,

Simili exhibitu,
Mente transit ipse prava
Cordis cum duritia.

21. Transiens Samaritanus
Visum flexit placidus

Et respexit me iacentem,
Lividum et debilem,

Magna sua pietate
Accessit humillime.

22. Custos qui Samaritanus,
Christus Dei filius,
Peccatores sauciatos
Respexit ut filios,
A respectu pio cuius
Recreatur spiritus.

23. Secum ducens in iumentum
Corpus quidem carneum,
Ecclesiae quo sanandum
Ducimur ad stabulum,
Plagis aptans legis vinum
Gratiaeque oleum.

24. Respice nunc, Iesu Christe,
Pietatis unicae
Flecte visum tuum ad me,

Flagito, piissime,
Ut respectus queam mea
Plangere facinora.

25. Respexisti quondam Petrum
Peccato obnoxium,

Qui respectus flevit dure
Divino ex munere,

Ad gratiam restauratus
Permansit apostolus.

26. Respexisti et latronem
Sceleratum hominem,
Ut te Deam maiestatis

Fateretur humilis,
Meruit sic paradisi
Portas tecum ingredi.

27. Respexisti et Mariam,
peccatricem animam,
Quae compuncta sub momento

Haud se dedit nuntio,
Pedibus sed provoluta
Deflevit flagitia.

28. Lacrimis eos rigavit
Et capillis abluit,
Frequentibus stillans guttis,

Ut careret maculis,
Perunxitque pretiosi
Fomento antidoti.

29. Multum est sibi dimissum,
Quod dilexit plurimum,
Passionem veneratur

Huius, a quo diligitur,
Eius capiti unguentum
Superfundens pisticum.

30. O sancta tua voluntas,
Creator, et bonitas,

Respicis qui te sperantes,
Ut a morte revoces,

Bonus pastor, oves tuas
Reportas in umeris.

31. Sic, sic, pastor nunc iacenti
Languido ac debili

Elevandum manum praebe,
Velis me erigere,

Ut erectus possim stare
Coram te, dulcissime.

32. Plagas meas simul omnes,
Novas atque veteres,

Studeas sic tu curare,
Quaeso, bone medice,

Sim ut per te hinc securus,
Sanatus languoribus.

33. Oleum infundens sanctam,
Vinum simul optimum,

Tuum ponens in iumentum
Perducas ad stabulum,

Pellens mortem, donans vitam,
Fac, tecum ut veniam.

34. Duobus largitis nummis
Donis fulto mysticis

Stabulario committe
Mei curam gerere,

In tua reversione
Respice me, Domine.

35. Hoc Deus, pater ingenite,
Natus unigenite,
Par spiritus ab utroque

Procedens paraclite,
Deus unus, sempiterne
Regnator per saecula.