240. De Commendatione uniuscniusque ammae

1. Age, Deus, causam meam,
Ne reputes facta mea,
Tibi commendo animam,
Aeterne rex, Deus.

2. Benedicte, sancte pater,
Qui regnas in trinitate,
Tu dona in terra pacem,
Benigne, fortis Deus.

3. Caelos fecisti gloriare,
Domine, per tuum natalem,
Fac nos gaudentes celebrare,
Clementissime Deus.

4. Deus, qui regnas in altum
Et coronas omnes sanctos,
Libera nos a malo actu,
Dominator Deus,

5. Ecce, in die iudicii
Qualis ego ero miser,
Qui tanta peccata feci,
Excelse iudex, Deus?

6. Fortis fuisti in cruce,
Domine, per tuam virtutem
Tu nos perduc ad veram lucem,
Fortissime Deus.

7. Gemma, iudex, iudica me,
Quem peccantem non punisti,
Exaudi paenitentem, Christe,
Gloriose Deus.

8. Hodie redemptor venit,
Ovem perditam requirit,
Quam reportet ad ovile,
Tu nobis veniam concede,
Honor regni, Deus.

9. Immensae divinitatis,
Lapsos revoca a peccatis,
Indulge sceleratis,
Fidem reforma desperatis,
Iuste iudex, Deus.

10. Karitate nos illustra

Iter rectum nobis demonstra,
Gradiamur via angusta,
Klarissime Deus.

11. Lacrimantem consolasti
Mariam, te deprecantem
Indulgentiam donasti,
Misericors, et nobis parce,
Lux et lumen, Deus.

12. Magnam suscepisti in cruce
Latronis confessionem,
Dedisti remissionem,
Aufer nobis peccati molem.
Magne magister, Deus.

13. Ninivitarum pepercisti,
Paenitentes exaudisti,
Iram tuam avertisti,
Et nobis miserere, Christe,
Nec nos derelinquas, Deus.

14. Omnibus auxiliasti,

Prostratum David levasti,
Paenitentem exaltasti,
Sanctum spiritum redonasti,
Omnipotens Deus.

15. Petri luctum acceptasti,
Tu negantem non culpasti,
Demergentem liberasti,
Nobis indulge, pater sancte.
Pater noster, Deus.

16. Quatriduanum iam sepultum
Excitasti de sepulcro,
Pristinum dedisti vultum,
Remitte crimina, indultor,
Qui nos creasti, Deus.

17. Regulum te deprecantem
Filiam resuscitasti,
Sanguinis fluxum constagnasti,
Exaudi nos te deprecantes
Rex et rector, Deus.

18. Surdis auditum dedisti,
Caecis lumen reddidisti,
Claudis gressum direxisti,
Facinora nostra dimitte,
Salvator mundi, Deus.

19. Tolle lectulum, mandasti,
Paralyticum sanasti,
Incredulis fidem donasti,
Misericors et nobis parce,
Trinus et unus Deus.

20. Uiduam audisti flentem,
Filium te prosequentcm
Suscitasti rex excelse,
Audi orantes paenitentes
iUstus et misericors Deus.

21. Xriste, qui es venturus iudex,
Audi precem peccatoris,
Libera a temptatione
Et ab inferno inferiore,
Xriste, filius Dei.

22. Ymnum dicant paenitentes,
Laudes canant convertentes,
Tua promissa retinentes,
Qui non vis mortem delin-
quentis,
Ymmense et nunc Deus.

23. Zelator est invidus draco
Videns gregem liberatum,
Quem ligaverat in peccato ;
Adiuva nos, mundi salvator,
Zelotis nomen, Deus.