253. Canticum, quo incitantur servi Dei ad caelestem patriam

desiderandam.

1. Urbs sancta Ierusalem,

In caelis locata,

In te Deus Israel

Ponit adprobata,

Fertilis contrata,

Plena bonis Domini,

Tu promissa homini,

Qui servat mandata.

2. Locat in te Dominus

Adprobatos sane,

Te supremus angelus

Perdidit profane,

Vir ex te Dianae

Levi pulsu corruit,

Reverti non valuit

Ob scelus immane.

3. Expoliti lapides

Truduntur pressuris,

Hi plexi ut iaspides

Tuis insunt muris,

Et assueti duris

Facile te rapiunt,

Hi sibimet faciunt

Vim, de te in curis.

4. Nemo coronabitur,

Nisi qui laborat,

Fera cane capitur,

Qui bene odorat,

Qui illam explorat,

Non dat se inertiae,

Sed plenus saevitie

Ululando plorat.

5. Ave, dulcis regio,

Longe te videmus,

In maris periculo

Dura sustinemus,

Te forsan perdemus,

Stantes in hoc dubio,

Circumdati fluvio,

Sic metum habemus.

6. O beata civitas,

Strictam habens stratam,

Paupertas, humilitas

Hanc capit contratam,

O urbem beatam,

Quam sensus non colligit,

Visus non se porrigit

Ad tuam stimatam.

7. O dies pulcherrima,

O vita beata,

Nulla tibi vespera,

Dies dilatata,

Luce adornata,

Quando te videbimus,

Qui in scaeni gemimus

Foetida contrata?

8. Te securam patriam

A longe videmus,

Tremo, ne ob acria

Plura te perdemus,

Pocnam sustinemus,

Timor nos humiliat,

Quia nemo, qui sciat,

Qui in te intremus.

9. Viam habes arduam

Et hostes habemus,

Qui habent saevitiam,

Et eos timemus,

Paucam spem censemus,

Licet fit mens frigida,

Timet sibi ardua,

Quibus cedit scelus!

10. Nisi Dei dextera

Tres hostes prostrabit,

Mens effecta tremula

Nunquam his obstabit ;

Rarus, qui intrabit

Regnum tuum, Domine,

Intrans cum dulcedine

Canticum cantabit.

11. Omne bonum in te est

Sine omni malo,

uventus est grata res

Absque sene cano,

Carent veterano

Tui cives floridi,

Gaudent forma candidi

In corpore sano.

12. Aegritudo nulla est

Ibi nec senectus,

Agnus est illorum rex

Mitis et modestus,

A cunctis acceptus,

Vere magna gloria

Videre per omnia

Nuptiis effectus.

13. Christiana anima,

Quaere sacerdotem,

Confitere crimina

Et habebis dotem,

Habet nemo sortem,

Nisi lotus crimine,

Et probus in opere

Capit vivum fontem.

14. Pulchri erunt facie

Socii angelorum,

Qui hic squalent macie

Pro regno caelorum,

Hos Deus deorum

Coronabit gloria,

Fugabit contraria

Protector eorum.

15. Elevatus erit sol

Stans in oriente,

Septuplum splendidior

Propheta censente

Et ab occidente

Pendet luna iugiter

Lustrans septempliciter

Domino iubente.

16. Lux lunac contabitur

Quasi lumen solis,

Lux solis ornabitur

Septemplicis moris,

O quantum honoris

Iusti tunc accipient,

Quando hic propitient,

Sempiternis horis.

17. Et iustorum corpora

Quasi sol fulgebunt,

Propter grata opera,

Dum illustri erunt

Ut sol, nudi erunt,

Qui veste non indiget,

Quae cernit mens, ruminet

Cor, haec quanta erunt.

18. Si sic luna, insti, sol

Decoris habebunt,

Qualis horum conditor

Erit, quem colebunt?

Tunc omnes videbunt,

Quam est magni muneris

Lux lucis, fons luminis,

Cui inhaerebunt.

19. Nulla maior gloria,

Quam videre regem

Decorum in patria,

Cum tenebit sedem;

O beatam plebem,

Quae videbit Dominum,

Conditorem omnium,

Suum fovens gregem.

20. Haec est dies Domini,

Quam Abraham videbat

Gratam sui animi,

Propter quod gaudebat,

Hinc fidem habebat,

Quod ad hanc perveniat,

Si Deo adhaereat,

Qui mercem spondebat.

21. Merces magna Dominus

Non potest comprehendi,

Si hoc temptat animus,

Dignus reprehendi:

Non licet extendi

Ad impossibilia,

Nam abyssus nimia

Dat causam timendi.

22. Noscitur in hac via

A bonis et a malis

Divina essentia

Patens generalis,

Vis est naturalis

Cunctis nosse Dominum,

Qui creator omnium

Et pater primatis.

23. Videbunt in patria

Dei maiestatem,

Quos ducet ad atria

Monstrans claritatem,

Cernent bonitatem

Patris clementissimi,

Filii altissimi,

Girabunt suum patrem.

24. Sicut est, videbitur,

Et, quod est, scietur,

Sed, quod est. non sequitur.

Quod hoc perscrutetur,

Nam nunquam scietur,

Quod est Deus Sabaoth,

Nemo scit nec sciet hoc

Nec, quantus habetur.

25. Non fuisset Dominus

Magnus et immensus,

Si valeret animus

Hunc capere mensus,

Noster parvus sensus

Quaerens altitudinem

Feret raptitudinem,

Ut arens stat tensus.

26. Infinitum capere

Res, quae est finita,

Cum temptat hoc facere

Imbibit vetita,

Carebit contrita,

Cadens prae altissimis

Ruptis sibi intimis

Exibit a vita.

27. Reserabis, Domine,

Portam nobis caeli,

Ut sint tutae animae

Ab hoste crudeli,

Fac nos confoveri

In caelesti gremio,

Ubi a daemonio

Nequibimus laedi.

28. Qui cor mundum possidet,

Aditum habebit,

Opes qui non colliget

Et qui nullum laedit,

Nam qui mundus erit

Sine ulla macula,

Hic lucens ut facula

Regnum obtinebit.

29. Sed timendum nobis est,

Ne nos pereamus,

Quia carnis nostrae lex

Negat, quae optamus ;

Si hanc stimulamus,

Emittit suspiria,

Cursitat per devia

Studens, ut cadamus.

30. Ad orandum surgere

Caro non permittit,

Si temptamus legere,

Infirma sum, dicit,

Mole mentem vicit,

Claudit vitae ianuam

Nobis per pigritiam

Et gaudet, cum gliscit.

31. Semper vult comdere

Praecellentes escas

Et cogit nos quaerere

Species agrestas,

Nisi illacescas,

Deus, et hanc ferias

Mentique subicias,

Volabit post vespas.

32. Et cum avolaverit,

Nequaquam redibit,

Nam, ritum quem coeperit,

Eo interibit,

Raro usum vicit,

Carne facta stolida

Stulta fit et anima,

Cum non contradicit.

33. Trinitati gloria

Et honor aeternus

Et per cuncta saecula

Et per omne tempus,

Ut dies extremus

Nobis iucundissimus,

Christusque laetissimus

Ac vultu serenus.

34. Si quis cartam rapiat,

Fulmen hunc occidat,

Propter quia appetit,

Quod iustus declinat,

Si cupit, rescribat,

Vetita non rapiat,

Christum mente capiat

Et huic benedicat.