ARTICULUS III. Utrum, anima regat corpus, et quomodo ?

Deinde,: Quaeritur de prima diffinitione animae, in qua conveniunt Augustinus et Remigius, quae est animam esse regnum corporis.

Et videtur, quod hoc non primo conveniat animae.

1. Regere enim est secundum rectificationem operum: anima autem primo facit corpus in actu.

2. Praeterea, Videtur quod non omni animae conveniat: regere enim attribuitur cognoscenti rectum et dirigenti in illo. Non autem omnis anima est cognitiva recti, verbi gratia vegetabilis.

3. Praeterea, Non omnes partes animae regunt, sed superiores tantum: inferiores autem reguntur: ergo videtur, quod anima non debeat tantum diffiniri ab actu regiminis, sed etiam a passione.

Solutio. Dicendum, quod regimen duobus modis dicitur, scilicet cognoscentis, et operantis. Et secundum perfectam rationem ipsius est utriusque: secundum diminutionem tamen quandoque est cognoscentis tantum, quandoque operantis tantum. Cognoscentis tantum, ut in rege malo, vel ratione perversa. Operantis tantum., sicut in natura, et in vi regitiva simpliciter, sicut ponunt medici in corpore animato: et hoc modo regere est formae conducentis materiam ad esse, et ad operationes naturales.

Et per hoc patet solutio ad primum : quia anima secundum quod est primus actus, conducit corpus ad esse; et secundum quod est actus secundus et motor corporis, conducit ipsnm ad operationes.

Ad aliud dicendum, quod regimen corporis universaliter convenit naturae et

Ad ultimum dicendum, quod si una potentia comparetur ad aliam, tunc convenit animae regi et regere secundum, diversas sui partes. Si autem comparetur ad corpus, tunc convenit omnibus potentiis animae regere tantum.

Et ita intelligitur de diffinitionibus quae dicunt ipsam regere corpus.