ARTICULUS IV. Quid sit mobile in motu nutritivae?

Quarto quaeritur, Quid sit mobile in. hoc motu ?

Et objicitur sic:

i. Omnis motus est in mobili ut in subjecto: mobile autem est quod movetur a forma in formam. Cum igitur nihii moveatur hic nisi cibus, videtur quod cibus sit mobile in hoc motu. 2. Item, Nullum mobile est ejusdem dispositionis vel loci ante motum et post: illud quod nutritur, est ejusdem dispositionis et loci ante motura et post: ergo illud quod nutritur, in hoc motu non est mobile.

3. Item, Dicit Philosophus in II de Anima , quod in patiente et disposito videtur inesse actus. Et ibidem dicitur, quod cibus est patiens, et id quod nutritur, est agens. Ergo cum actus agentis sit molus, motus ille ut in mobili erit in cibo.

4. Item, Multis rationibus probatum est, quod movens et mobile non sunt idem. Cum igitur movens in hoc motu sit animatum, non potest idem esse mobile: et sic relinquitur, quod cibus sit mobile in hoc motu. Sed contra:

1. Omnis motus est in eo ut in subjecto quod denominat: nutritio denominat nutritum: ergo nutritio nutritur et movetur in hoc motu.

2. Praeterea, Per locum a conjugatis proceditur sic: Nutritio est motus: ergo quod nutritur, movetur: et quod movetur, est subjectum motus: ergo quod nutritur, est subjectum motus.

3. Praeterea, Hoc dicunt omnes Philosophi: si enim nutritio est influxus nutrimenti, quod recipit hunc influxum ut subjectum, videbitur esse subjectum motus.

Solutio. Hoc concedimus, licet quidam ex ignorantia scientiae dicant oppositum: dicunt enim illi, quod, salus est magis quies, quam motus: unde cum salvetur id. quod nutritur, magis quiescit quam moveatur. Sed. nos dicimus, quod, in salvato non est motus, neque proprie quies: salvatur enim forma et species totius membrorum: sed in eo in quo salvatur, motus est, hoc est, in partibus materiae effluentibus et refluentibus.

Ad primum ergo dicamus, quod alia ratio est in isto motu et in aliis motibus: iste enim motus tantum est in partibus materiae, et non de forma in formam. Concedimus tamen bene, quod cibus transmutetur: sed non transmutatur motu nutritionis, sed alterationis quae exigitur ad nutrimentum.

Ad aliud dicendum, quod nutritum ejusdem dispositionis est ante et post

secundum formam, sed non secundum partes materiae, ut palet ex praedictis.

Ad aluid dicendum, quod agens transmutationem nutrimenti est nutritum: sed restituens deperditum in partibus materiae est vis nutritiva in ultimo actu nutriendi, et patens in hoc actu est corpus animatum secundum materiam.

Ad ultimum dicendum, quod movens et mobile non sunt unum in essentia, sed bene possunt esse. unum compositum, ut anima et corpus, et vis nutritiva et corpus nutritivum.