QUAESTIO LXXIV.

De quantitate animae,

Deinde quaeritur de quantitate animae, quae praecipue secundum vires motivas animae consideratur.

Quod enim habeat anima quantitatem dimensivam, quidam, nituntur sic probare :

1. Anima est perfectio corporis : sed majoris perfecti major est perfectio : ergo in majori corpore major est anima : et hoc non potest esse nisi anima una ab alia differat quantitate : et sic anima habet quantitatem dimensivam.

2. Item, Quidquid habet partes commensuratas ei quod habet quantitatem, habet partes quantitativas : anima tales partes natet : ergo habet quantitatem. Prima pars patet per hoc quod quantitati nihil commensuratur nisi quantitas. Secunda probatur per hoc quod dicit Au- i a. X

gustinus, quod anima per suas partes est in omnibus partibus corporis.

3. Praeterea, Tertullianus haereticus, ut dicit Augustinus , per verbum Apostoli objicit ei 11 i III et. ili, habere quantitatem, (J XX i vocat animam interiorem hominem : homo autem habens est lineamenta quantitativa. Et quia multum disputatum est de hoc supra in diffinitionib iis animae, sufficiunt quae dicta sunt.

Solutio. Dicendum, quod duplex est quantitas, virtualis, et dimensiva. Dimensivam quantitatem nonhabet anima, sed virtualem. Et ad hoc intelligendum, notandum est, quod quantitas dimensiva est in infinitum divisibilis per intranea sibi: quantitas autem virtualis dividitur ad id quod extra eam est, non tamen, in infinitum : et hoc est in virtute activa ad maximum : in passiva vero virtute ad minimum, ut habetur in libro de Caelo et mundo , et supra explanatum est. Et ideo dicit Augustinus , quod quando quaeritur, quantus sit Hercules, duplex est quaestio, scilicet quantae molis, vel quantae virtutis.

Ad phimum autem dicendum, quod in majori, corpore major est anima, non quantitate molis, sed quantitate virtutis. Sed tamen duplex est virtus, una scilicet affixa membro, quae per accidens habet quantitatem, sicut calidum, frigidum, humidum, et siccum, quae perficiunt complexionem membri: et de hac potest concedi, quod in majori corpore major est anima. Alia est virtus fluens ab anima, et illa nonhabet quantitatem nisi

Ad aliud dicendum, quod anima commensuratur corpori sicut forma materiae, et non sicut mensura quantitativa mensurato.

Ad id quod objicit Tertullianus, qui causa est istius quaestionis, indignum est respondere, eo quod Augustinus dicit, quod sub ore ipsius eloquentissimo fatuissimum pectus habebat.