ARTICULUS II.

Inquo differt ab immortalitate patriae ?

Secundo quaeritur, In quo differt ab immortalitate patriae 2

Et videtur, quod alia sit.

1. Dicit enim Augustinus : " Alia est immortalitas carnis quam in Adam accepimus : alia vero quam in resurrectione per Jesum speramus. Ille factus est immortalis ut non possit mori si non peccaret, moreretur aufem si peccaret. Filii vero resurrectione non potuerunt ultra peccare nec mori . "

2. Item, Augustinus in libro VI super Genesim ad litteram : " Id quod in Adam perdidimus, secundum quemdam modum recipimus per Christum, et secundum quemdam modum non recipimus : non ilaque recipimus immortalitatem spiritualis corporis quam nondum habuit Adam, sed recipimus justitiam ex qua per peccatum lapsus est homo . " Ex hoc accipitur, quod immortalitatem spiritualis corporis quam habebimus post resurrectionem, non habuit Adam, Ergo non est eadem immortalitas.

3. Item, Augustinus in libro . VI super Genesim ad litteram : " Aliud, est non posse mori, sicut quasdam naturas immortales creavit Deus, aliud est autem posse non mori, secundum quem modum primus homo creatus est immortalis: quod ei praestabatur de ligno vitae, non de constitutione naturae . " Ex hoc iterum accipitur, quod immortalitas resurrectionis quae est non posse mori, alia est ab immortalitate primi hominis quae fuit posse non mori..

4. Item, Immortalitas primi hominis fuit a gratia innocentiae: immortalitas autem resurrectionis est a statu gloriae : ergo non. sunt eadem.

Sed contra :

1. Eadem est potentia sub dispositione et necessitate : posse vero non mori et non posse mori se habent sicut dispositio et necessitas : ergo eadem est potentia ad utrumque. Cum igitur immortalitas secundum unum modum sit potentia, eadem est immortalitas in statu innocentiae et in statu gloriae.

2. Item, Potentia ad mori et potentia ad necessario mori est una : ergo ab oppositis una erit potentia ad posse non mori, et ad necessario non mori.

3. Item, Liberum arbitrium in Angelis unum, est, et primo modo potuit non peccare ante confirmationem, et post confirmationem non potuit peccare : ergo a simili, eadem est immortalitas, quae primo potest non mori in statu innocentiae, et postea non potest inori in statu gloriae.

Solutio. Dicendum, quod quodammodo est eadem, et quodammodo diversa. Si. enim consideretur status et efficietis proximum et dispositio recipientis, tunc erit diversa : una enim est in statu gloriae qui est status plenae per- lectionis : altera vero in statu viae, qui est status progredientis ad Deum non plene perfecti. Similiter efficiens proximum in una est dotes corporis, in altera vero cvaiia innocentiae. Adhuc autem dispositio proxima in una est spiritualitas corporis glorificati, in altera autem fuit corpus animale susceptibile tamen vitae perpetuae propter justitiam innocentiae. Justum enim fuit quamdiu anima vitae suae adhaesit per obedientiam, quae est Deus, quod tamdiu per susceptionem vitae adhaereat ei corpus quod erat sub ipsa. Si vero consideretur prima potentia ad immortalitatem sine dispositionibus adaptantibus eam, tunc erat semper eadem immortalitas utrobique secundum quid, et non simpliciter. Et per hoc patet solutio ad totum.