ACTA BENEDICTI PP. XVI

LITTERAE DECRETALES

Quibus Beato Guidoni Mariae Conforti, Sanctorum honores decernuntur.

BENEDICTUS EPISCOPUS

servus servorum dei

ad perpetuam rei memoriam

« Quaerebam excellentissimum Guidonem Mariam Conforti tamquam

episcopalem effı̀giem in Italia maxime conspicuam illius felicis missionalis

motus, quem concitaverunt Benedicti XV Litterae encyclicae Maximum

illud. Ipsum quaerebam veluti illius plenitudinis ministerii sacri animarum

participem, quod episcopum coniungit cum missionario: Parmensis is quidem

Episcopus, sed per terrarum orbem missionarius » (Angelus Card. Roncalli,

postea beatus Ioannes XXIII).

Beatus Guido Maria Conforti inter praecipuos homines annumeratur qui

missionalem spiritum promoverunt in Ecclesia quique inter mediatum

saeculum XIX et priorem partem saeculi XX vixerunt. Natus est in pago

Ravadese nuncupato apud Parmam die XXX mensis Martii anno MDCCCLXV.

Eodem die Baptismi aqua est ablutus eique nomen Guido Iosephus Maria est

inditum. Anno MDCCCLXXVI Seminarium Parmense ingressus est ubi

diligenter, pie, oboedienter curricula absolvit. Tempore illo Seminarii rector

erat beatus Andreas Ferrari. Eo quod morbo ad speciem comitiali

An. et vol. CIV 2 Martii 2012 N. 3

ACTA APOSTOLICAE SEDIS

COMMENTARIUM OFF IC IALE

Directio: Palazzo Apostolico - Città del Vaticano - Administratio: Libreria Editrice Vaticana