Acta Apostolicae Sedis - Commentarium Officiale210

Hispania et in Argentina; in Galliam et in Chiliam educationis opus extendit,

et portas aperuit missioni Ad Gentes, communitatem condens in Iaponia.

Serva Dei, munere fungens moderatricis provincialis, summam ostendit

prudentiam, operositatem et humilitatem, sincerum ac deditum amorem erga

Institutum, extraordinarium fervorem, omnino Dei voluntati obsequens,

necnon Sacrum Cor Iesu et Virginem Mariam singulari efferens cultu.

In capitulo Generali anni 1953, Mater Maria Columnaris Assistens Gene-

ralis electa est. Processa non obstante aetate, voluntatem Dei plene excepit,

in oboedientia exhibitam. Sexennium in munere Assistentis Generalis valde

frugiferum exstitit: experientiam obtulit regiminis et summum amorem erga

Institutum. Dum Moderatricem Generalem comitabatur, iter suscipere

potuit varias in domos Hispaniae, Cubae, Californiae et Iaponiae. Transiens

per communitates vestigium reliquit humilitatis, simplicitatis, caritatis,

intensae vitae orationis ac servitii sororibus praestiti. In memoria earum

quae cognoverunt eam haec vox unanimis resonat: « ... Dei anima erat,

sanctitate praeclara ».

Anno 1959, cum aetatis duodeoctoginta ageret annos, ab omni munere

soluta est. Tunc Narbonam in Gallia missa est, sed valetudinis difficultatibus

est affecta. Post brevem commorationem in vico vulgo Andéraz, in Navarra,

translata est in Collegium urbis Iuliobrigae, ubi extremos vitae suae annos

transegit, 1960-1966, omnes aedificans et quoad poterat praesertim infirmis

auxilium praebens. Pro sororibus communitatis «Regula vivens » exstitit,

simplex, in caritate dives, orans. Religiosae, alumnae, docentes et immo

operarii qui domum frequentabant, in Matre Maria Columnari quiddam

peculiare contuebantur, eius nempe extraordinarias virtutes. In odore

sanctitatis die 20 mensis Novembris anno 1966 animam exhalavit.

Ob eius famam sanctitatis, instructae sunt sive Inquisitio dioecesana

apud Archidioecesim Caesaraugustanam a die 30 mensis Aprilis anno 1991

ad diem 28 mensis Novembris anno 1992, sive Inquisitio Rogatorialis Cordu-

bae, in Argentina, a die 11 mensis Octobris ad diem 20 Novembris anno 1991.

Iuridica horum Processuum auctoritas a Congregatione de Causis Sanctorum

approbata est per Decretum editum die 3 mensis Decembris anno 1993.

Apparata Positione, disceptatum est, ut ex consuetudine, de virtutibus

heroicum in modum a Dei Serva exercitis. Positivo cum exitu, die 16 mensis

Octobris anno 2009 habitus est Congressus Peculiaris Theologorum. Purpu-

rati Patres et Episcopi, in Sessione Ordinaria die 5 mensis Octobris anno 2010

congregati, audito Ponente Causae Exc.mo D.no Lino Fumagalli, Episcopo