Congregatio pro Episcopis 213

Ipse Summus Pontifex sedem episcopalem novae dioecesis statuit eadem

in urbe in qua usque ad praesens praelaturae sedes exstitit eiusque templum

praelaticium ad dignitatem ecclesiae Cathedralis evehit, cum iuribus

congruis.

Obidensi pro tempore Episcopo honores, insignia, privilegia iuraque tri-

buit, iisdem oneribus et officiis adstringit quibus ceteri Praesules Ordinarii

locorum gaudent ac adstringuntur.

Novam erectam dioecesim suffraganeam Ecclesiae Metropolitanae

Belemensis de Pará confı̀rmat eiusque Episcopum metropolitico iuri

Archiepiscopi Belemensis de Pará pro tempore subicit.

Ut Pastori erectae dioecesis in eius regimine validum tribuatur adiuto-

rium, Collegium Consultorum, ad normam iuris communis, instituatur.

Congruae sustentationi Praesulis novae dioecesis provideatur Curiae

emolumentis, fidelium oblationibus et bonis temporalibus omnibus quae ad

eamdem praelaturam pertinuerunt.

Circa seminarii dioecesani erectionem necnon candidatorum ad sacerdo-

tium formationem serventur praescripta iuris communis, prae oculis habitis

normis et regulis a Congregatione de Institutione Catholica statutis.

Selecti seminarii alumni, philosophicis ac theologicis disciplinis imbuendi

necnon sacerdotes ad studia complenda Romam, ad Pontificium Collegium

Pium Brasiliense, mittantur.

Simul ac Obidensis dioecesis erectio ad effectum deducta fuerit, eo ipso

clerus eidem praelaturae adscriptus novae dioecesi incardinatus censeatur.

Quod vero attinet ad novae dioecesis regimen, administrationem

bonorum, Administratoris dioecesani sede vacante electionem, fidelium iura

et onera, aliaque id genus, quae sacri canones praescribunt adamussim

serventur.

Eadem Sanctitas Sua memoratae praelaturae Ordinarium, Exc.mum

P.D. Bernardum Ioannem Bahlmann, O.F.M., dioecesis noviter evectae

Episcopum ac Pastorem confirmat.

Ad omnia perficienda Sanctitas Sua, Summus Pontifex deputat memora-

tum Apostolicum Nuntium vel, ı̀pso a sede absente, negotiorum Sanctae

Sedis in Brasilia gestorem, necessarias et opportunas iisdem tribuens facul-

tates etiam subdelegandi, ad effectum de quo agitur, quemlibet virum in

ecclesiastica dignitate constitutum, onere imposito ad Congregationem pro

Episcopis, cum primum fas erit, authenticum exemplar actus peractae

exsecutionis rimittendi.