Acta Apostolicae Sedis - Commentarium Officiale228

b) secundum cyclum, inchoatae specializationis, in quo, per biennium seu

quattuor semestria, specialibus disciplinis et seminariis consideratio philosophi-

ca profundius instituitur in aliqua philosophiae parte;

c) tertium cyclum, in quo, saltem per tres annos, maturitas philosophica

promovetur, praesertim dissertationis doctoralis elaboratione.

Art. 83 [diplomata a studentibus exhibenda]

Ut quis in primo cyclo Facultatis Philosophiae adscribi possit, oportet

studia antea requisita absolverit ad normam art. 32 huius Constitutionis

apostolicae.

Si studens quidam, qui cursus ordinarios philosophiae primi cycli Facul-

tatis Theologiae feliciter peregerit, deinde studia philosophica prosequi vo-

luerit ad Baccalaureatum in ecclesiastica Facultate Philosophiae obtinen-

dum, ratio necessario habenda est de cursibus in praedicto curriculo

frequentatis.

Normae applicativae (Ordinationes)

Art. 51. 1º a) [Curriculum studiorum Facultatis Theologiae]

(Eae Ordinationum partes Constitutionis Apostolicae Sapientia Christia-

na, quae immutatae permanent, inclinatis litteris referuntur).

Disciplinae obligatoriae sunt:

1º in primo cyclo:

- Disciplinae philosophicae ad theologiam requisitae, quales sunt imprimis

philosophia systematica et historia philosophiae (antiqua, mediaevalis, moder-

na, hodierna). Methodus systematice docendi, praeter introductionem gene-

ralem, partes principales philosophiae complecti debet: 1) metaphysicam

(philosophiam entis et theologiam naturalem), 2) philosophiam naturae,

3) philosophiam hominis, 4) philosophiam moralem et politicam, 5) logicam

et philosophiam cognitionis.

- Humanis scientiis exclusis, disciplinae stricte philosophicae (cfr Ord.,

Art. 60, 1º a) sexaginta centesimas saltem partes constituant oportet credi-

torum ex primis duobus annis. Pro singulis annis requirendus est numerus