Congregatio de Institutione Catholica 221

praebere potest subsidium quod efficaciter etiam in culturalia et socialia

proposita impellere valet.13

7. Hac de re philosophia quae intra Universitatem excolitur in primis

vocatur ad excipiendam provocationem exercendi, explicandi ac tuendi « am-

pliora spatia » rationis, ostendens quod denuo fieri potest ut « spatia nostrae

rationis dilatentur [...], ut theologia, philosophia et scientiae mutuo coniun-

gantur, earum autonomia vicissim plene servata, sed habita quoque conscien-

tia intrinsecae unitatis quibus consociantur ».14 In institutionali ratione,

reperire « hunc magnum logon », « hanc rationis amplitudinem », «magnum

munus est Universitatis ».15

IV. Institutio philosophica in Institutis ecclesiasticis altiorum studiorum

8. Ecclesia erga philosophiam magnam iugiter nutrivit sollicitudinem.

Etenim ratio - qua creatio omnem personam dotavit - una est pennarum

quibus homo ad veritatis contemplationem attollitur, et sapientia philoso-

phica exstat tamquam culmen quod ratio consequi potest.16 Hac in societate,

quae notionibus scientificis et technicis affluit, nimis tamen relativismi

infestata, solum prospectus sapientialis 17 ad visionem integrantem adducit

atque fiduciam restituit in facultate qua ratio fruitur veritati serviendi. En

ratio cur Ecclesia philosophicam rationis formationem apertam ad fidem

vehementer incitet, sine autem confusione nec seiunctione.18

9. Philosophia insuper necessaria est ad formationem theologicam. Nam

« theologia reapse semper philosophico indiguit adiumento atque indiget ».19

Ipsa, perscrutationi favens Verbi Dei revelati, sua cum indole veritatis

transcendentis ac universalis, vitat ne ad experientiae religiosae gradum

sistat. Merito dictum est quod « discrimen theologiae post Concilium ex

13 Cfr Caritas in veritate, 5. 14 Benedictus XVI, Allocutio ad IV Conventum Nationalem Ecclesiae in Italia (19 Octobris

2006): AAS 98 (2006), 809. 15 Cfr Benedictus XVI, Allocutio ad legatos scientiarum apud studiorum Universitatem

Ratisbonensem (12 Septembris 2006): AAS 98 (2006), 728-739. 16 « Fides et ratio binae quasi pennae videntur quibus veritatis ad contemplationem hominis

attollitur animus »: Fides et ratio, Initium. 17 Cfr Fides et ratio, 106. 18 Cfr Fides et ratio, 77; Deus caritas est, 10, 29. 19 Fides et ratio, 77.