Congregatio de Causis Sanctorum 209

ingressa est noviciatum Scholarum Piarum apud suburbium Matritense,

vulgo Carabanchel. Ibi religiosam Scholarum Piarum vestem induit die 10

mensis Martii anno 1907, cui nomen inditum est Sororis Mariae Columnaris a

Sacro Corde. Noviciatum gessit cruce insignitum, quippe quae acerbitatem

probationis bis experta sit: prius ob aegritudinem et obitum Margaritae, et

aliquot post menses ob notitiam decessus patris, qui sibi mortem consciverat.

Supernaturali contuitu hos pertulit eventus, qui per virtutis exercitium ad

formandam et roborandam suam personalem indolem contulerunt. Quas

tribulationes forti passa est animo, et ita humanis demptis vinculis advenit

dies eius perpetuae Professionis, dies nempe 19 mensis Martii anno 1909.

Aestivo labente tempore, anno 1910, in Galliam, in urbem Le-Puy missa

est, ut Gallicam perficeret linguam. Ulterius destinata est in Collegium

Calasanctianum Caesaraugustae. Ibi varia explevit munera, docentis scilicet

et magistrae iuniorum, moderatricis ac praesidis Collegii Pompiliani, alterius

assistentis provincialis, magistrae noviciarum ac praesidis Collegii Calasanc-

tiani, quod munus exercebat anno 1931 quo in Argentinam est missa. Omni-

bus in his officiis et operibus exsequendis intensam peregit actuositatem

educationis, quam explevit gerens insimul haud communem vitam virtutibus

onustam.

In Argentinae fundatione, anno 1931, in lucem prolatae sunt dotes eius in

campo educationis et formationis. At primum propositum in irritum cecidit,

sed Serva Dei hunc casum sereno ac fidenti spiritu vixit. Dei Providentia

ducta et in eadem sperans, aliquot post penuriae oeconomicae menses, con-

stituere potuit scholam vulgo « 25 de Mayo », quae in urbe Corduba magnam

obtinuit auctoritatem. Novae subsecutae sunt fundationes. Die 16 mensis

Februarii anno 1932 erectus est Vicariatus Provincialis in Argentina, cuius

Maria Columnaris Vicariae munus assumpsit.

Capitulum Generale anno 1941 habitum elegit eam Moderatricem Provin-

cialem Aragoniae in Hispania. Provincialatum exsequens per duodecim

annos, 1941-1953, vastam explicavit operam: formationem spiritualem et

paedagogicam religiosarum professarum per altiora studia, curam formatio-

nis initialis noviciarum et iuniorum, conferentias ac visitationes frequentes

ad easdem, sollicitudinem de spirituali et intellectuali alumnarum forma-

tione, sedulam assistentiam religiosis sororibus aetate provectis et infirmis

praestitam, accurate fovens vitam fraternam apud communitates. Innume-

rae exortae sunt vocationes, quapropter novas potuit erigere domos in