Congregatio de Causis Sanctorum 205

ACTA CONGREGATIONUM

CONGREGATIO DE CAUSIS SANCTORUM

IANUENSIS

Beatificationis et Canonizationis Servae Dei Mariae Plautillae (in saec.: Luciae

Cavallo), Religiosae professae Instituti Parvarum Sororum Missionariarum a

Caritate (1913-1947)

DECRETUM SUPER VIRTUTIBUS

« Servite Domino in laetitia » (Ps 100, 2).

Adhortatio antiqui Psalmistae Israelis in integra resonat vita Servae Dei

Mariae Plautillae: illa, Domino prorsus dedita, super omnia Eum dilexit

atque extraordinariam caritatem in constanti et laeta promptitudine erga

fratres indigentiores ostendit.

Maria Plautilla, in saeculo Lucia Cavallo, die 18 mensis Novembris anno

1913 in loco vulgo Roata Chiusani apud Centallo, provinciae Cuneensis, est

orta e paupere familia agricolarum. Matre orbata 12 annos nata, multa sa-

crificia obire debuit ut minores fratres sustentaret. Ab illo tempore sensu

laetitiae eminuit, quam semper servavit itemque continuam exhibuit diligen-

tiam in opere ac potissimum profundam pietatem et vehementem zelum,

quae in cotidiana Eucharistiae participatione significabantur atque in variis

paroeciae operibus. Hanc ob spiritalem viam, simul cum magna simplicitate,

parentum et amicorum admirationem sibi comparavit.

Adulescens, Lucia in animo alere coepit fervens desiderium vitam

religiosam amplectendi atque missionalem vocationem sequendi. Ad

eiusmodi propositum, parochus duxit eam ad Congregationem Parvarum

Sororum Missionariarum a Caritate, quam aliquot ante annos sanctus

Aloisius Orione condiderat. Serva Dei hanc in Congregationem prope