Acta Apostolicae Sedis - Commentarium Officiale206

Derthonam est accepta, urbem videlicet provinciae Alexandriae; paulo post

in Institutum «Paverano » Ianuae translata est, ut egentibus serviret,

praesertim insanis, invalidis vel gravibus morbis affectis. Primis annis vitae

religiosae Maria Plautilla diploma etiam infirmariae est consecuta; expleta

novitiatus periodo, die 7 mensis Decembris anno 1937 in manibus sancti

Fundatoris vota religiosa nuncupavit.

Suo in munere explendo, Serva Dei mox excellentis et omnimodae

deditionis erga omnes infirmos exemplar exstitit. Illa revera, absque querela,

difficiliora etiam et acerbiora adiuncta serene obire noverat. Hanc ob

causam, Maria Plautilla statim uti authentica filia sancti Aloisii Orione

habebatur, vera caritatis testis profundaeque cum Domino familiaritatis et

consuetudinis. Singulos dies gerebat in alto spiritu humilitatis, silentii, ora-

tionis et meditationis. Domina fuit et religiosa plena profundae fidei atque

inconcussae spei, divinae voluntati prorsus dedita. Continuum exsequens

erga egentiores apostolatum, demonstravit se mitem ac fortitudine magno-

que animo praeditam. Etiam inter funestos eventus pyrobolorum iactuum

altero saeviente bello mundiali, quibus Institutum primis diebus mensis

Novembris anno 1942 affectum est, zelum demonstravit populo graviter

sauciato solamen ferendo.

Autumni tempore anno 1945, Maria Plautilla gravi cordis morbo correpta

est, forsitan ob fatigationem e continuis et intensis provenientem operibus.

Etiamsi instabiles habuerit valetudinis condiciones, numquam sibi pepercit

nec infirmis subvenire destitit. Ob physicum mentalemque statum, valetudi-

nis condicio in deterius ruit, ita ut Serva Dei alium cordis collapsum subiret.

Inter diuturnos morbos et dolores, Serva Dei, omnium affectu circumdata,

die 5 mensis Octobris anno 1947 Ianuae, apud Institutum «Paverano », pie

in Domino obdormivit.

Ob diffusam sanctitatis famam, a die 2 mensis Octobris anno 1986 ad

diem 6 mensis Octobris anno 1989, apud Curiam Archidioecesanam

Ianuensem Inquisitio dioecesana est acta, cuius iuridica auctoritas per

Decretum diei 1 mensis Februarii anno 1991 a Congregatione de Causis

Sanctorum est recognita. Parata Positione, disceptatum est, ad suetas

normas, an Serva Dei virtutes heroico modo exercuisset. Die 15 mensis

Septembris anno 2009 Peculiaris Consultorum Theologorum Congressus,

positivo cum exitu, habitus est. In Sessione Ordinaria die 4 mensis Maii

anno 2010 Patres Cardinales et Episcopi, audita relatione Ponentis Causae

Excellentissimi Domini Hieronymi Grillo, Episcopi emeriti Centumcella-