Acta Apostolicae Sedis - Commentarium Officiale224

V. Praesens reformatio studiorum philosophiae

13. Congregatio de Institutione Catholica, suum obiens munus validiora

reddendi lineamenta Ecclesiae, intuitu maioris efficientiae in evangelizatione,

nunc advertit necessitatem reformandi quasdam partes Constitutionis

apostolicae Sapientia christiana et Ordinationum huius Dicasterii.36 Praesens

reformatio studiorum ecclesiasticorum philosophiae tendit ad Instituta

ecclesiastica altiorum studiorum sustinenda ut nostri temporis ecclesiali

culturalique vitae apta adiumenta praebere possint.

14. Aperte distinguendum est inter studia apud ecclesiasticas Facultates

Philosophiae et iter philosophicum quod constituens pars est studiorum apud

Facultates theologicas et Seminaria. In institutis in quibus simul adsunt

ecclesiastica Facultas Philosophiae et Facultas Theologiae, cum philosophiae

cursus pertinentes ad primum cyclum quinquennalem theologiae explentur

- secundum specificam indolem ac normas vigentes - apud Facultatem

Philosophiae, auctoritas quae rationem studiorum determinat est decanus

Facultatis Theologiae, dummodo legem vigentem servet et artam coopera-

tionem cum Facultate Philosophiae confirmet.

Cum ad institutionem theologicam tendat et ad talem finem instruatur,

hoc iter philosophicum non perducit ad assequendum gradum academicum in

philosophia canonice validum, sed studiorum philosophicorum testificatione

concluditur sine valore tituli academici, et tantummodo proposita ad confir-

mandos - congruenter ad novas normas - cursus frequentatos et credita

adepta in institutionis philosophicae ambitu.

15. Haec reformatio tres perficiendi provincias complectitur:

a) Facultas ecclesiastica Philosophiae

Anno MCMLXXIX Constitutio apostolica Sapientia christiana, tres cyclos

Facultatis Philosophiae ordinans,37 primum cyclum ad duos annos confirma-

vit.38 Experientia plus quam triginta annos habita ad hanc conscientiam

pedetemptim perduxit nempe quod, ad perfectius consequendos fines in

praefata Constitutione apostolica declaratos pro philosophia ac maxime ut

36 Cfr Ioannes Paulus II, Const. apost. Sapientia christiana, art. 93: AAS 71 (1979), 469-499. 37 Cfr art. 81. Cfr Pius XI, Const. apost. Deus scientiarum Dominus (24 Maii 1931),

art. 41-46: AAS 23 (1931), 241-262. 38 Cfr Sapientia christiana, art. 81a.