Congregatio de Institutione Catholica 227

Pars Altera

Normae Constitutionis apostolicae Sapientia christiana

(Eae Ordinationum partes Constitutionis Apostolicae Sapientia Christia-

na, quae immutatae permanent, inclinatis litteris referuntur).

Ideo, omnibus attente perpensis, statuitur ut articuli 72a, 81 et

83 Constitutionis apostolicae Sapientia christiana sic innoventur:

Art. 72. a) [Curriculum studiorum Facultatis Theologiae]

Studiorum curriculum Facultatis Sacrae Theologiae complectitur:

a) primum cyclum, institutionalem, qui per quinquennium seu decem

semestria protrahitur, vel per triennium, si biennium philosophicum antea

requiratur.

Primum biennium praesertim impendendum est solidae institutioni

philosophicae, quippe quae necessaria sit ad studium theologiae congrue

obeundum. Baccalaureatus adeptus in ecclesiastica Facultate Philosophiae

substituit cursus philosophicos primi cycli consequendos in Facultatibus

Theologiae. Baccalaureatus autem in philosophia adeptus in Facultate non

ecclesiastica ratio non est plane dispensandi studentem a primi cycli cursibus

philosophicis in Facultatibus Theologiae.

Disciplinae theologicae ita tradantur ut organica expositio totius doctrinae

catholicae praebeatur, una cum introductione in methodum scientificae investi-

gationis theologicae.

Cyclus concluditur gradu academico Baccalaureatus vel alio congruo gradu

academico in Statutis determinando.

Art. 81 [Curriculum studiorum in ecclesiastica Facultate Philosophiae]

Studiorum curriculum Facultatis Philosophiae complectitur:

a) primum cyclum, institutionalem, in quo, per triennium, seu sex

semestria, cohaerens fit expositio variarum philosophiae partium, quae de mun-

do, homine et Deo tractant, necnon historiae philosophiae, una cum introductione

in methodum investigationis scientificae;