Congregatio de Institutione Catholica 231

quantum fieri potest, lectione textuum auctorum praestantiorum. Addetur,

pro necessitate, philosophiarum localium studium.

Disciplinae fundamentales obligatoriae constituant oportet saltem sexa-

ginta centesimas partes numeri creditorum primi cycli; non vero superent

septuaginta centesimas partes.

b) Materiae obligatoriae adiunctae:

- Investigatio necessitudinum inter rationem et fidem christianam seu

inter philosophiam et theologiam, sub respectu systematico et historico, quae

prospiciat tam autonomiae camporum quam earum nexui.42

- Lingua Latina, ita ut studentes opera philosophica (praesertim aucto-

rum christianorum) Latine exarata intellegere possint. Usus linguae Latinae

intra primos duos annos comprobari debet.

- Quaedam lingua moderna praeter linguam patriam, cuius cognitio

comprobanda est intra finem tertii anni.

- Introductio ad methodum studii atque laboris scientifici quae oppor-

tune promoveat ad usum instrumentorum investigationis et ad exercitium

argumentationis.

c) Materiae additiciae optabiles:

- Elementa litterarum et artium;

- Elementa cuiusdam scientiae humanae vel cuiusdam scientiae naturalis

(e.g. psychologiae, sociologiae, historiae, biologiae, physicae). Praecipue

curandum est ut inter scientias et philosophiam nexus quidam statuatur.

- Alia quaedam disciplina philosophica optabilis: e.g., philosophia scien-

tiarum, philosophia culturae, philosophia artis, philosophia rei technicae,

philosophia sermonis, philosophia iuris, philosophia religionis.

2º in secundo cyclo:

- Disciplinae speciales, quae opportune in varias sectiones distribuantur

secundum diversas specializationes, cum propriis exercitationibus et seminariis,

quadam quoque commentatione conscripta.

42 Cfr Fides et ratio, 75, quo repugnatur « opinio illa ... sic dictae philosophicae "seiunctae" »

quae « ipsa sibi arrogat ius quidlibet sua in provincia excogitandi » et confirmatur quaedam iusta

autonomia: « philosophia legitime affectat se sui iuris esse inceptum, quae videlicet secundum

suas ipsius leges agit, quae suis unis viribus innititur ».