Acta Apostolicae Sedis - Commentarium Officiale232

- Rudimenta vel profundior cognitio linguae Graecae antiquae aut

adeptio cuiusdam secundae linguae modernae, praeter eam requisitam in

primo cyclo, vel profundior huius cognitio.

3º in tertio cyclo:

Determinent Facultatis Statuta an et quae disciplinae speciales, cum exerci-

tationibus et seminariis, tradendae sint. Necessarium erit aliam novam

linguam discere aut unam ex illis prius cognitis perdiscere.

Art. 61 [Docentes ecclesiasticae Facultatis Philosophiae]

a) Facultas habere debet, tamquam stabiles, saltem septem docentes rite

qualificatos ita ut ii institutionem cuiusque materiae obligatoriae fundamen-

talis praebere possint (cfr Ord. Art. 60, 1º; Art. 45, § 1, b).

Praesertim in primo cyclo saltem quinque stabiles docentes habeantur

oportet ita distributi: unus in metaphysica, unus in philosophia naturae,

unus in philosophia hominis, unus in philosophia morali et politica, unus in

logica et philosophia cognitionis.

Quod ad alias materias, sive obligatorias sive optabiles, facultas auxilium

aliorum docentium quaerere potest.

b) Docens aptus fit ad docendum in facultate ecclesiastica si gradus

academicos requisitos in ecclesiastica Facultate Philosophiae consecutus

fuerit (cfr Ord., Art. 17).

c) Docens vero qui nec Doctoratum canonicum nec Licentiam canonicam

possidet, adnumerandus est uti professor stabilis ea tamen lege ut praeditus

sit institutione philosophica quatenus ad materiam et ad methodum congrua

institutioni in facultate ecclesiastica propositae. Ad candidatos de idoneitate

docendi in ecclesiastica Facultate Philosophiae iudicandos, perpendere opor-

tebit: peritiam necessariam in materia iis assignata; congruam aperitionem

ad universitatem scientiae; in publicationibus et in navitate didactica adhae-

sionem veritati quam fides docet; intellectionem satis profundam concordis

necessitudinis inter fidem et rationem.

d) Curandum erit ut ecclesiastica Facultas Philosophiae semper maiorem

partem habeat docentium stabilium qui possideant Doctoratum ecclesiasti-

cum in philosophia, vel Licentiam ecclesiasticam in quadam scientia sacra