Acta Apostolicae Sedis - Commentarium Officiale234

[Adaequatio normarum ad iter philosophiae inclusum in primo cyclo Instituti

in theologia affiliati]

§ 3. Ratione habita reformationis itineris philosophiae inclusi in primo

cyclo philosophico ac theologico qui Baccalaureatu in theologia concluditur,

institutio philosophica in Instituto theologiae affiliato conformetur oportet

iis quae circa rationem studiorum statuta sunt (cfr Ord., Art. 51, 1º); numerus

docentium stabilium duos saltem recensere debet.

Normae transitoriae

Art. 65 Statim ut praesens Decretum vigorem sortiatur, abrogantur

articuli 72, 81 et 83 Constitutionis apostolicae Sapientia christiana atque

articuli 51, 52, 59, 60, 61 et 62 Ordinationum.

Art. 66 Omnia Instituta academica ecclesiastica theologiae et philoso-

phiae ad hoc Decretum sunt accommodanda ab initio anni academici

MMXII-MMXIII.

Quae hoc Decreto statuuntur Summus Pontifex Benedictus XVI, in Audientia

infrascripto Cardinali Praefecto recenter concessa, rata habuit et confirmavit,

innovatos articulos 72, 81 et 83 Constitutionis apostolicae « Sapientia christia-

na » in forma specifica approbavit, contrariis quibuslibet non obstantibus, atque

publici iuris fieri iussit.

Datum Romae, ex aedibus eiusdem Congregationis, in memoria sancti

Thomae Aquinatis, die XXVIII mensis Ianuarii, A.D. MMXI.

Zenon Card. Grocholewski

Praefectus

e Ioannes Ludovicus Bruguès, O.P.

a Secretis