ARTICULUS I.

Utrum Angeli faciant in nobis intellectum divinum ?

Ad primum proceditur sic :

1. Dicit Dionysius in libro de Caelestihierarchia, quod " Archangeli Angelis communicant illuminationes, et Angeli nobis, secundum uniuscujusque illuminatoram analogiam . " Et ita videtur, quod dant nobis illuminationes, et ita faciunt in nobis intellectum divinum, 2. Item, Ibidem post aliquantum : " Prima quidem hierarchia manifestius : illa vero quae est post ipsam, occultius. Principatuum autem et Archangelorum et Angelorum manifestativam disposi-

tionem et humanis hierarchiis per consequentia praecipere, ut sit per ordinem ad Deum ascensus et conversio et communicatio et unitas.)) Exhoc accipitur idem.

3. Item, Augustinus in libro XII super Genesim ad litteram : " Sicut in ista luce corporea est caelum, quod supra terram suspicimus, unde luminaria clarent et sidera, quae corpora longe sunt meliora terrestribus : sic in illo genere spirituali, in quo videntur corporum similitudines luce quadam incorporali ac sua, sunt quaedam excellentia et merito divina, quae demonstrant Angeli miris modis : utrum visa sua facili quadam et praepotenti conjunctione vel commixtione etiam nostra esse facientes, an scientes nescio quo modo nostram in spiritu nostro informare visionem, difficilis perceptu et difficilior dictu res est , ''" Ex hoc accipitur quod Angeli formant in nobis visa sua miris modis : et ita manifestant nobis suas illuminationes.

4. Item, Angelus illuminat Angelum : ergo multo fortius illuminat animas.

5. Praeterea, Sicut supra saepe habitum est, lex hierarchiarum est per prima secunda reducere. Cum igitur Angelus sit primus, et anima sit secunda, anima reducitur per Angelum : ergo multo fortius illuminat animas.

6. Item, Habitum est supra in auctoritatibus inductis, quod Prophetae illuminati sunt per Angelos, sicut Zacharias qui ait : Angelus qui loquebatur in me . Et similiter antiqui patres, scilicet Abraham, Isaac, et Jacob, Moyses, et Josue, et alii qui docti sunt multa per Angelos. Ergo videtur, quod tradant nobis illuminationes.

Contra :

1. Dicit Augustinus, quod nihil est inter mentem nostram et Deum. Ergo videtur, quod sicut immediate descen- dunt illuminationes a Deo in summam hierarchiam, quod immediate debeant descendere in nos.

2. Item, Hoc idem videtur dicere Psalmista : " Audiam quid loquatur in me Dominus Deus .

3. Item, Sicut a Jesu secundum Dionysium superiores immediate in mente recipiunt illuminationes, ita et nos recipimus ante resurrectionem per praedicationem, et post resurrectionem quando duobus discipulis euntibus in Emmaus interpretabatur de omnibus Scripturis, etc. .

Solutio. Dicimus, quod animae recipiunt illuminationes ab Angelis. Sed notandum, quod aliud est immittere cogitationem, et aliud incendere, et dare illuminationem. Immittere enim (ut dicit Beda ) est intus creare et facere cognitionem : incendere autem est intus factam inflammare : et de his duobus erit sermo in quaestione de deceptionibus daemonum. Dare autem illuminationem est dare revelationem de aliquo intelligibili occulto.

Ad illud quod objicitur de Augustino, dicendum quod quantum ad beatificationem et rationem imaginis nihil est inter nos et Deum : immediate enim creavit nos ad imaginem suam, etiam immediate similiter sic beatificabit nos per seipsum : sed nihil prohibet quantum ad modum percipiendi illuminationes aliquid esse medium inter nos et ipsum.

Ad aliud dicendum, quod licet David dicat, quod Deus loquatur in ipso, ex hoc non sequitur, quin etiam per Angelum possint fieri tales illuminationes : quia dicit Dionysius in libro de Caelesti hierarchia : " Excellentes quidem ordines habent inferiorum ordinum illuminationes et virtutes, non autem partiti

pantes excellentium se sunt ultimi . " Unde quidquid inferior potest, et superior, sed non convertitur.

Ad ultimum dicendum, quod Christus nobis tradidit immediate illuminationes : quia ipse supremus illuminator est, qui omnia potest quae possunt inferiores, sed non convertitur.