ARTICULUS II. De proprietatibus Dominationum

.

Secundo, Quaeritur de proprietatibus Dominationum, quas enumerat Dionysius in libro de Caelesti hierarchia, ubi dicit sic : " Sanctarum Dominationum manifestativam nominationem aestimo declarare absolutam quamdam et omni pedestri minoratione liberam anagogen, nullaque tyrannicarum dissimilitudinum ullo modo eam universaliter inclinatam, liberaliter severam dominationem, omni minutivae servituti superpositam, superiorem subjectione omni, et remotam ab universa dissimilitudine, et dominationis ince?sanler appetentem, et ad illius ipsius naturaliter subsistentis virtutis similitudinem, quantum possibile, et seipsam et quae post eam sunt, optime et speciose conformantem, ad nullum vane videntium, sed. ad proprie AdminBookmark universale conversam, et dominicae semper deiformitatis in participatione, secundum quod possibile est ipsi factam . "

1. Quaeritur ergo, Quid dicatur pedestris minoratio, et qualiter anagoge dicitur libera et absoluta ? Idem enim videtur esse liberum et absolutum.

2. Praeterea, Haec proprietas eadem videtur esse cum quarta, quae est, Dominationem omni minutivae servituti superpositam. Et similiter cum quinta, quae est, Superiorem omni subjectione.

3. Praeterea, Quid sint tyrannicae dissimilitudines ? Illae enim videntur ma-

gis removendae a Potestatibus, quarum est coercere daemones, quam a Dominationibus.

4. Praeterea, Dicit Basilius, quod in hoc differt rex a tyranno, quia rex consulit quod omnibus est utile, tyrannus vero quod sibi. Cum igitur talis utilitas non cadat in angelicam naturam, videtur quod superflue removetur tyrannica dissimilitudo.

5. Praeterea, Objicitur de hoc quod dicit, Dominationis incessanter appetentem. Hoc enim videtur esse ambitionis, propter quam daemon expulsus est de regno.

6. Item, Quaeritur de hoc quod dicit, Ad nullum vane videntium, etc. Quid dicatur ibi vanum?

. 7. Praeterea, Nullus Angelorum convertitur ad vanum, sed ad id quod est vere existens : ergo non videtur hoc esse proprium, sed commune potius.

8. Praetereae, Objicitur de hoc quod dicitur, Liberaliter severam. Liberalitas enim non videtur esse modus severitatis, sed virtus per se, quae est medium inter avaritiam et prodigalitatem.

9. Praeterea, Severitas non videtur esse conditio nobilitatis in domino, sed potius vituperii.

Solutio. Dicendum, quod istae proprietates multiplicantur secundum .ea quae faciunt dominium perfectum in natura, et habitu, et operatione. Natura enim quaedam ancilla est, ut prius habitum est, et haec est illa quae conversa est ad vanitatem mutabilitatis. Et contra hoc est proprietas nona quae dicit Dominationem Angelorum esse conversam ad proprie ens : id autem quod proprie est ens, est ens invariabile et immutabile : vana autem videntia sunt vanitatem experientia mutabilitate sui. Si autem penes habitus complentes Dominationem fiat consideratio, hoc erit duobus modis, scilicet in se, et in comparatione ad dominationem primam. Si in se, tunc aut secundum seipsum super esse quod est substantia dominii, aut secundum ea super quae est, aut secundum unum in comparatione ad alterum. Et si primo modo, tunc erit proprietas sexta, quae est, Remotam ab universa dissimilitudine : dominatio enim ab omni dissimilitudine dominium removet per hoc quod accipit multas bonitates a Deo, secundum quas superest aliis. Si autem secundo modo, tunc sunt proprietates tres penes tria super quae extollitur: extollitur enim super minorationem materiae, quae dicitur minoratio pedestris, eo quod conculcantur talia mutabilitate et miseria : et sic est proprietas prima quae est, Absolutam quamdam et omni pedestri minoratione liberam anagogen. Et dicitur absoluta in comparatione ad obligata materiae : libera autem in comparatione ad ea quae licet absoluta sunt a materia, variantur tamen in actibus suis secundum variationem corporum, sicut est anima intellectualis : acutius enim vel minus acute operatur intellectus secundum variationem corporis. Exaltatur etiam super hoc quod non mendicat illuminationes a rebus creatis sensibilibus sicut facit homo : et sic accipitur proprietas quarta, quae est, Dominationem omni minutivae servituti superpositam. Et hoc est quod dicit Commentator super idem verbum : " Sensibilia et corruptibilia servituti convenientia sunt: nam non permittunt ea quae vere sunt intelligere. " Elevatur etiam super modum percipiendi prout homo percipit has, scilicet secunda relatione: et sic accipitur proprietas quinta, quae est, Superiorem subjectione omni. Si vero tertio modo consideretur, tunc sunt duae proprietates penes contraria eorum in quibus male dominium comparatur ad subditos. Cum enim domini sit coercere subditum, potest esse coercitio remissa inducens dissolutionem. Et contra hoc dicitur, Liberaliter severam, quae est proprietas tertia : et ponitur liberaliter pro decenter, ut dicit Commentator. Potest etiam coercitio in-

clinari in furorem ad nocendum subditis : et contra hoc dicitur, Nullaque tyrannicarum dissimilitudinum ullo modo universaliter inclinatam, quae est proprietas secunda. Si autem respective in comparatione ad dominationem primam, hoc potest esse duobus modis, scilicet secundum appetitum ordinatum ad illum, et sic est proprietas septima, quae est, Dominationis incessanter appetentem. Et iste appetitus non est vitii, sed virtutis, scilicet ut exaltetur super ignominiosa deprimentia. Aut est secundum quod est participata dominatio prima : et sic est proprietas ultima, quae est, Dominicae deiformitatis in participatione, secundum quod possibile est ipsifactam. Si vero compleat dominium Fecundum operationem et acum, hoc est, quando potestas alta operatur ex virtute domini sui, sicut virtus prima : et sic est proprietas octava, quae est ad illius ipsius naturaliter subsistentis virtutis similitudinem, quantum possibile,et seipsam et quae post ipsam sunt, optime et speciose conformantem. Et dicit, quantum possibile, ad extensionem potentiae propriae : optime autem, propter hoc quod in operatione attingit finem optimum et ultimum : speciose vero propter hoc quod in tali actu dominii resultat in eo spe?io?itas dominii. dominii.

Et per haec dicta patet solutio ad omnia quaesita.