ARTICULUS II. De proprietatibus Archangelorum .

Secundo, Quaeritur de proprietatibus Archangelorum, de quibus dicit. Dionysius sic : " Ipsa autem Archangelorum sanctorum aequipotens quidem est coelestibus Principatibus. Est enim et eorum et Angelorum (ut dixi) hierarchia una et dispositio. Verumtamen quoniam quidem non est hierarchia nisi et primas et medias et ultimas virtutes habens, Archangelorum sanctus ordo .communica- tivae hierarchiae medietati extremorum recipitur. " Medietati, hoc est, in medio extremorum hierarchiae. Et communicativae, hoc est, quod uterque communicet. Unde sequitur : Etenim sacratissimis Principatibus communicat et sanctis Angelis. Ipsis quidem, scilicet Principatibus : quia ad superessentiale principum principaliter convertitur, et ad ipsum (ut possibile) reformatur, et Angelos vivificat secundum bene ornatos ejus et ordinatos et invisibiles ducatus. Istis vero, scilicet Angelis : quia et eis prophetico est ordini divinas illuminationes hierarchice per primas virtutes suscipiens, et Angelis eas deiformiter annuntians, et per Angelos nobis manifestans, secundum sacram uniuscujusque divinorum illuminatorum analogiam . "

1.Quaeritur ergo primo de hoc quod dicit, Archangelos esse aequipotentes coelestibus Principatibus, etc, : et cum hoc medios esse inter Principatus et Angelos.

2. Praeterea, Secundum proprietates est distinctio ordinum : quia ordines quorum est. proprietas una, videntur esse unus ordo : :sed converti ad superessentiale principium prius fuit . assignatum Principatibus, et modo assignatur Archangelis : ergo videntur esse unus ordo.

3. Praeterea quaeritur, Quis sit propheticus ordo, de quo loquitur in proprietatibus illis, ut quibus convenit cum Angelis. Inter eas proprietates dicit, quod convenit ei illuminationes divinas suscipere et Angelis nuntiare. Ergo videtur, quod conveniat Archangelis illuminationes nuntiare Angelis.

Solutio. Dicendum, quod aequipotentia intelligitur in actu hierarchiae : medietas autem in dispositione ordinis : et ita non est contrarietas. Medietatem autem illam ostendit nomen : Archangelus

enim princeps est nuntius ab AdminBookmark quod est princeps, et AdminBookmark quod est nuntius.

Proprietates autem assignatae quatuor sunt, in quarum tribus communicat cum Principatibus, et unica cum Angelis. Et illae quibus communicat cum Principatibus, accipiuntur secundum duos modos actus hierarchiae proprios, qui sunt converti in superius ad susceptionem illuminationis, et converti in interiores ad communicationem ejusdem : et hoc ultimo modo accipitur prima et tertia, quae est, quod Angelos vivificat, etc. Et dicitur vivificare reordinare ad verum unum per infusionem multarum illuminationum. : et infusio ista dicitur ducatus bene Ornatus, ad proportionem illuminationis ad actum, et ordinatus per comparationem ad gradum et finem, et invisibilis per modum illuminationis quae est spiritualis et intelligibilis. Secundum susci- pere vero illuminationes sunt duae proprietates, prima et secunda, quarum prima est secundum actum susceptionis, haec scilicet, Quia ad superessentiale principium principaliter convertitur. Secunda vero est quantum ad effectum illuminationis receptae, et haec est, Ad ipsum (ut est possibile) reformatur. Reformatio enim est effectus illuminationis receptae. Et dicitur super essentiale principium, hoc est, principium illuminationum pertinentium ad revelationem supramundanorum, de quibus supra dictum est. Sed. haec proprietas convenit Principatibus in quantum est principium illuminationum pertinentium ad Principatus. Proprietas autem ea in qua convenit cum Angelis, est recepta a superioribus nuntiare : sed non oportet, quod modus nuntiandi sit idem.