ARTICULUS V.

Quomodo proprietates membrorum hominis conveniant Angelis secundum Dionysium ?

Postea dicit Dionysius proprietates membrorum hominis convenire Angelis, sic dicens : " Est autem per singula, ut aestimo, corporalis nostrae multiplicis partitionis invenire coelestes virtutes, dicentes conspectivas quidem significare virtutes ipsum ad divina luminaria clarissimum respectum, et caetera quae cum suis expositionibus in quaestione de sensibus spiritualibus continentur. " Post proprietates vero quinque sensuum proprietates ponit aliorum membrorum dicens : " Palpebras deinde et supercilia, supple, significare dicimus divinarum visionum intelligentiae custoditivum. " Et attendit proprietatem naturae : quia cum disgregatio radiorum oculi dissipet visum, ordinavit natura praeeminentiam et nigredinem pilorum in superciliis, ut ex umbra utriusque coadunetur visus, et fortior fiat ad. visibile, et radius egrediens secundum adspectivos, vel immutatio rectilinea secundum naturales, in potens ascendere sursum recte ad locum convenienter et inconvenienter dirigatur.

Deinde sequitur : " Juvenilem vero et adultam aetatem illud innovantis semper virtutis significare dicimus. " Et attendit proprietatem virtutis augmentativae in juvenibus, quae semper innovando quantitatem innovat seipsam, secundum quod omnis virtus multiplicatur multiplicata sibi materia propria. Sequitur : " Dentes autem divisivum hoc inditae nutrientis perfectionis : unaquaeque enim essentia intellectualis donatam sibi a diviniore uniformem intelligentiam provida virtute

dividit et multiplicat ad inferioris ductricem analogiam. " Et intendit, quod natura facit dentes divisivos sibi ad convenientiam nutrimenti. Sic intelligentia superior solidum cibum spiritualem accipiens quasi masticans dividit in agalmata transformans usque ad analogiam, quae ducat usque ad. perceptionem inferiorum, secundum quod supra de distinctione hierarchiarum dictum fuit.

Sequitur: " Humeros autem et brachia et iterum manus, factivum et operativum et activum. Cor vero symbolum esse deiformis vitae, propriam vitalem virtutem deiformiter in ea quae praeintellecta sunt seminantis. " Et tangit proprietatem qua cor est principium vitae in animalibus, et effluit ex ipso semen vitae in ipsa membra corporis caetera. " Pectora iterum significare durum et custoditum, ut a supposito corde vivificae distributionis. " Et tangit hoc, quia natura munit cor ut principium vitae, thorace et ossibus duris, ne de facili laesionem patiatur ab incurrentibus extrinsecis. " Dorsa vero continuum simul cunctarum fertilium virtutum. " Quia in dorso onera portamus. " Pedes vero mobile et velox et cursibile in divina semper euntis motionis. " Pedes enim organa sunt ad motum processivum in animalibus. Propter quod et pennatos theologia sanctorum intellectuum figuravit pedes. Pennatum namque significat anagogicam velocitatem, et coelestis sursum versus itineris activum, et ab omni humili per sursum ferens remotum. Ipsa vero pennarum levitas nil terrenum, sed totum munde et sine gravitate in excelsum ascendens. Sequitur : " Nudum et discalceatum significat demissum et absolutum et immensurabile et purum eorum, id est, ab his, quae extra sunt appositione, et ad simplicitatem divinam quantum possibile assimilativum. "

Deinde coaptat Dionysi us A agelis proprietates vestium et instrumentorum, quae quandoque leguntur habuisse in manibus, sicut in Ezechiele, secures ha- bebant et funiculos ad metiendum, sic dicens : " Sed quoniam iterum simpla, scilicet in se, et multum varia, scilicet in symbolis, sophia et nudos vestit, et vasa quaedam dat ipsis ci?cumferre, et dat animorum coelestium sacros amicius et organa, instrumentum operum, secundum quod nobis possibile aperiamus. Claram quidem enim vestem igneamque significare aestimo deiforme juxta ignis imaginem et luculentum, propter eas quae in caelo quietes, ubi lumen et omnino invisibile dicendum, aut intellectualiter illuminans, ut Deus scilicet, aut intellectualiter illuminatum, ut Angeli. Sacerdotalem vero, scilicet vestem, significare aestimo ad divina et mystica speculamina ductivum, et totius vitae votum, id est, quia totam vitam ad sacra voverunt. Zonas quoque secundarum ipsarum custoditivum virtutum et congregantem eas habitum in seipsum unice converti et circularit?r cum facilitate casu carente a naturae similitudine circa seipsum circumferri. " Et tangit proprietatem cinguli : quia cingulus circa renes existens custoditloca in quibus semen foecunditatis congregatur. Similiter cingulus in seipsum conversus, congregat habitum exteriorem, et per hoc significat habitum gratiae continentem substantiam intellectualem spiritualiter. Similiter etiam circulariter et facile, ita tamen quod non cadit a similitudine naturae, id est, a perfectione gratiae, quae secundum naturam est, in peccatum quod est praeter naturam, circumfertur per circulum aeternitatis, quae est sine principio et sine fine.

Postea tangit instrumenta dicens : " Virgas etiam significare aestimo regale et principale rectaque omnia diffiniens. Tela vero et secures dissimilitudinum separativum, id est, peccatorum, quae faciunt dissimilem naturam a Une proprio, et discernentium virtutum acumen, id est, discretivarum virtutum sive cognitivarum acumen ad interiora discutienda, et efficax et actuosum, secundum quod

etiam dicit Apostolus de sermone Dei ad Hebraeos, IV, 12 : Vivus est enim sermo Dei, et efficax, et penetrabilior omni gladio ancipiti: et pertingens usque ad divisionem animae ac spiritus, compagum quoque ac medullarum, ei discretor cognitionum et intentionum cordis.

Sequitur : " Geometrica autem et tectonica vasa, id est, ad mensuram et aedificatoriam pertinentia significare aestimo fuudativum. et aedificativam et perfectivum, et quaecumque alia reducentis et convertentis sunt secundorum providentiae. " Quandoque etiam significant aliquid eorum quae circa nos agunt Angeli, sicut funiculus mensorum reaedificationem Jerusalem, et secures in manibus occisionem peccantium. Unde Dionysius : " Est autem quando et in nos divinorum judiciorum sint symbola illa quae acta sunt a sanctis Angelis organa. Aliis quidem dec1arantibus corrigentem disciplinam, aut punientem justitiam. Aliis vero ab angustia liberantem, aut disciplinae finem, aut prioris beneficentiae resumptionem, aut appositionem aliorum donorum parvorum, aut magnorum, sensibilium, aut invisibilium. "