ARTICULUS VI.

Quomodo proprietates ventorum, nubium, electri, aeris, lapidum, leonum, bouum, aquilarum et equorum conveniant Angelis secundum Dionysium ?

Postea tangit ventos, nubes, et electrum, et aes, et lapides, dicens, quod venti significant velocitatem et motum eorum transvectivum inferiorum in superiora.

Et quandoque etiam ventus significat deiforme eorum : eo quod ventus divinae operationis habeat imaginem, sicut dicitur etiam in Joanne : ''Spiritus ubi vult spirat : et vocem ejus audis, sed nescis unde veniat, aut quo vadat .

Nubes autem significant duo : nubes enim sunt quandoque disgregatae et lucidae, et tunc significant sacros intellectus occulti quidem luminis supermundane superrepletos prima apparitione, primam manifestationem pompose accipientes et ipsam copiose in ea quae sunt secundo lucide et proportionaliter distribuentes. Quandoque nubes sunt spissae pluviosae, et tunc significant genitalia, et vivificum et activum et perfectivum juxta intellectualem imbrium conceptionem, et excipientem sinum, scilicet cordis, humidis pluviis in vitales partes evocantem.

Electrum quidem., quoniam auriforme simul et argenteum,significat imputribile ut in auro quod non contrahit rubiginem, et simul largum et non minutum et incontaminatum splendorem, et aptam ut in argento et luciformem ut coelestem claritatem.

aeri autem secundum traditas rationes aut igneum aut auriforme attribuendum.

Lapidum autem multicolores species significare aestimandum, aut quasi albas luciforme, aut quasi rubeas auriforme, aut quasi pallidas juvenile aut novum, et per singulas species invenies anagogicam typicarum imaginum diiudicationem.

Postea tangit figuram leonum et boum et aquilarum et equorum , dicens : " Leonem significare censendum principale et robustum et indomitum et abditum ineffabilis deitatis, ut virtus assimilativum intellectualium vestigiorum circumvelamine, et mystice fortassis pretioso amictu secundum divinam

illuminationem in semet restituto itinere.

Et tangit proprietates leonis quinque, quarum prima est, quod est princeps ferarum. Secunda est, quod est robustum animal, sicut ostenditur in magnitudine extremitatum, sicut dicitur in. fine secundi Priorum, quod habere magnas extremitates signum est fortitudinis. Tertiaest,quod est indomitum, quia contemnit fortitudinem domantem. Quarta est, quod delet vestigia per tractum caudae, ne possit a venatoribus inveniri. Quinta est,quod circulum facit circa bestias quas insequitur, ne egrediantur. Et conveniunt haec Angelis, Primum, quia in intellectuali natura creata Angelus tenet principatum propter intellectum deiformem. Secundum, quia virtus ejus et robur excedit virtutem natura, ut patet in operatione signorum. Tertium, quia excedendo potestatem et cognitionem nostram, Angelus sub nostro intellectu et opere non mansuetatur, Quartum, quia vestigia per quae vadit in divina, sunt nobis incognita, et quasi deleta. Quintum, quia theophanias quas venatur. Angelus, quasi circulariter circumducit, et in seipsum restituit iter. Nam secundum Augustinum primo creaturae fiendae cognitionem in creatore accipit, deinde in propria natura cognoscit, et tertio quasi restituto in seipso contemplationis itinere cognitionem creaturae in laudem creatoris attollit.

" Ipsam vero bovis significare aestimo figuram firmum et novum et intellectuales sulcos revocans in susceptionem coelestium et gignentium imbrium, et custoditivum et fortissimum. " Et tangit proprietates bovis in laborando : boves enim firmi sunt durando in laboribus : novi per effectum, quia laboribus suis in novant terram, et scindendo sulcos aperiunt terram ad susptionem imbrium et custodiam seminum, et fortissimi sunt in adjuvamento diversorum laborum, sicut in triturando., et hujusmodi. Et haec conveniunt Angelis in effectu custodiae, sicut facile est aptare.

" ipsam dehinc aquilae figuram significare existimo regale et altiferum et citivolum et ad potentificum alimentum, acutum, et sobrium, et agile, et bene machinatum, et ad copiosum, et mul tolucentem radium divini solis desiderio in speculativarum virtutum sanis obtutibus immediate recto et inflexibiliter contemplativum. " Sunt autem hae proprietates aquilae, quod rex est avium volans alte et cito, et longe videns escam, et sensus habens sobrios, id est, quod spiritus visuales grossis vaporibus non turbantur ad obscurandum visum. Et est agilis ad dispositionem alarum ad motum : et bonas habet machinationes ad raptum praedae. Similiter coadunatum visum ad intuitum solis immediate recte et inflexibiliter. Et haec conveniunt Angelis, qui quantum ad naturam intellectualem regales sunt, quantum vero ad modum contemplandi accipiuntur aliae proprie talos, et quantum ad objectum contemplationis eorum quod est Deus sublimis. Et dicuntur altiferi quantum ad actum : cltivoli vero, quia intelligunt sine inquisitione et discussione intellectu deiformi, et quoad vim discretivam a limenti divini, quod eos facit validos et potentes, dicuntur acuti ad potentificum alimentum. Quoad hoc vero quia intellectus eorum non turbantur phantasmatibus, dicuntur sobrii. Agiles autem secundum motum indefessum. ad ddivinam voluntatem implendam. Secundum autom quod rapiunt animas diabolo subito et improvise, dicuntur bene machinati. Secundum vero quod contemplantur non per speculum et in aenigmate, dicuntur contemplativi ad copiosum, quod in omnia se diffundit : multo lucens vero, quia per seipsum. Et dicuntur contemplativi desiderio : quia contemplationis objectum movet et accendit desiderium, Speculativae vero virtutes dicuntur oculi mentis, intellectus scilicet agentis et possibilis. Et dicuntur sanis obtutibus,

quia collyrio gratiae et confirmationis peruncti sunt. Et dicuntur contemplari immediate, quia non per speculum : et recte, quia facie ad faciem : et inflexibiliter, ad differentiam raptorum, qui licet Dominum quandoque contemplentur, tamen deprimente sarcina miseriae iterum deflectuntur a lumine incircumscripto felicitatis aeternae.

Sequitur : " Illam vero equorum figuram significare aestimo obediens et fraenabile. Fraenum autem nihil aliud est quam ordinatio potestatis. Album quidem non lucidum, quam maxime divini luminis cognatissimum. Album enim secundum naturam causatur ex diffusione lucis in superficie clara. Eorum autem qui nigri sunt, abditum. Abditum enim eo quod nigrum, opacum est ex privatione lucis in superficie corporis. Dicitur autem hoc abditum non a privatione lucis simpliciter, sed quoad nos : sicut omnis lux excellens abdita est oculo, qui excellitur ab ipsa, secundum quod etiam dicitur Deus habitare in nebula vel in caligine : et per nebulam et caliginem supponitur lux inaccessibilis. Rubrum vero igneum et activum : quia scilicet incendunt ad amorem, et activi sunt ad consumptionem peccati, secundum quod etiam Seraphim labia Prophetae dicitur purgasse . Commixtorum quoque ex albo et nigro perfectiva virtute extremorum conjunctum : et prima secundis et secunda primis convertibiliter et provide connectens. Dictum est enim, quod nigrum significat abditum lucis inacessibilis nobis : et haec est theophania prima et proportionata primis. Album autem illuminationem significat apparentem nobis : et haec est theophania secunda proportionata secundis. Unde sicut album et nigrum sunt extremae species colorum, et conjunguntur in medio commixto : ita equi varii significant Angelos primas illuminationes recipientes, et secundas inferio- ribus dantes : et per hoc prima in secunda, et secunda in prima reducentes. "