ARTICULUS VI.

In quid cecidit Angelus malus quoad locum ?

Deinde quaeritur, In. quid cecidit quoad locum ?

Et videtur, quod in infernum. Quia

1. Dicit Petrus, quod rudentibus inferni detracti sunt . Rudentes autem inferni sunt rudentes trahentes in infernum : et ita ceciderunt in infernum.

2. Item, Locus poenarum aeternarum infernus est : cum igitur daemones in poenas aeternas ceciderunt, videtur etiam quod in locum poenarum fuerit casus eorum,

3. Item, Summae superbiae secundum justitiam debetur locus imus : irnus autem locus est infernus : ergo ceciderunt in infernum.

Sed contra :

1. Dicunt Sancti, quod in hoc caliginoso aere habitant cum hominibus : hic autem non est infernus : ergo in infernum non ceciderunt.

. 2. Item, In Apocalypsi, XII, 9 dicitur : Projectus est draco ille magnus, ei serpens antiquus. Ubi notatur, quod diabolus et Satanas projectus est in terram, et Angeli ejus cum. eo missi sunt. Item, infra, v. 12 : Vae terrae et mari, quia descendit diabolus ad vos, habens iram magnam. Ergo videtur, quod locus in quem ceciderunt, fuit terra.

3. Praeterea, Videtur quod alius fuit locus ejus ante passionem, et post passionem, et in die judicii erit alius iterum : quia dicitur, Apocalyp. XX, 1 et seq., quod Angelus qui habebat clavem abyssi et catenam magnam, apprehendit draconem serpentem antiquum, qui est diabolus et Satanas, et ligavit eum per annos mille : et misit eum in abyssum, et clausit, et signavit super illum. Et infra, v. 7, dicitur, quod cum consumpti vel consummati fuerint mille anni, solvetur Satanas de carcere suo, et exibit, ei seducet gentes quae sunt super quatuor angulos terrae, Gog et Magog. Et ex hoc accipitur, quod ante passionem fuit in terra cum hominibus, et per totum tempus gratiae usque ad tempus Antichristi, quod per mille annos designatur, sit ligatus : et iterum tempore Antichristi solvetur et futurus sit iterum in mundo.

Solutio. Dicendum, quod est duplex locus in quem ceciderunt Angeli, scilicet qui secundum debitum culpae est debitus casui eorum, et ille est infimus : et ille qui secundum ordinationem culpae est debitus casui, et ille est hic caliginosus aer, qui est circa nos : licet enim culpa daemonum et casus mala sint, tamen sapientia Dei de malis etiam bona ejiciens, ordinat ea ad profectum hominum per exercitium tentationum. Et ille caliginosus aer etiam dicitur inferius, sicut dicit Glossa super epistolam II Petri, II, 4, quamvis hunc inferiorem aerem quasi carcerem acceperint, qui quantum ad coelum infernus dicitur. Restat adhuc poena ultima judicii: quia paratus est ignis diabolo et Angelis ejus : non enim permittit eos Dominus consumi, sed servat ut gravius puniantur cum suis membris.

Et per hoc patet solutio ad primum.

An secundum dicendum, quod ratio illa tenet quantum ad locum qui est secundum debitum culpae.

Et similiter currit tertia ratio.

Ad alia autem quae objiciuntur in con-

trarium, dicendum quod locus ille est secundum ordinationem casus ad bonum hominum tentatorum.

Ad id quod objicitur de Apocalypsi, dicendum quod ligatio daemonis est coarctatio potestatis ejus per beneficium redemptionis : et solutio ejus est largitio potestatis ad tentantium. Quidam tamen dicunt, quod Lucifer princeps doemoniorum in abyssum inferni per Christum ligatus sit, ita quod per seipsum non praevaleat tentare homines, et in tempore Antichristi solvendus.