ARTICULUS III.

Utrum anima humana quae continet in se vegetabile, sensibile, et rationale, sit simplex, vel composita ?

Tertio quaeritur, Utrum anima humana quae continet in se vegetabile, sensibile, et rationale, sit simplex, vel composita? Et hic potest adduci tota disputatio quae supra habita est de simplicitate Angeli. Sed. quia quidam probant animam esse compositam ex. materia et forma, ponemus rationes eorum.

1. Et prima sit ista: Anima, hoc est, substantia quae est anima, aut habet formam, aut non. Si non, cum esse sit a forma, videtur quod non haberet esse. Si. autem habet esse, tunc habebit formam: et forma non est sine materia: igitur habet etiam materiam,

2. Item, Omnis species constituta in natura habet formam.: anima est talis species: ergo habet formam: et forma non est sine materia: ergo, etc.

3. Item, Omnes species tam spirituales quam corporales conveniunt in hoc quod sunt substantiae: ergo necesse est eis inesse substantiam communiter quae dat eis communem intellectum substantialitatis: hoc autem non potest esse forma, quia formis differunt a se invicem omnes substantiae naturales: ergo non erit nisi materia: ergo omnium substantiarum erit communis materia: ergo et animae: et materia non est sine forma: ergo, etc. 4. Item, Substantiae in corpore sunt multarum, actionum et operationum: omnis aufem actio et operatio a forma est: ergo anima habet formam, quae; cum non sit misi materia, habebit etiam, materiam.

4. Item, Substantia naturalis vel est forma, vel. materia, vel compositum: sed.

anima non est materia tantum, quia materia per se non habet esse: nec forma tantum, quia forma non habet esse nisi in materia tantum: ergo relinquitur, quod sit composita ex. materia et forma,

6. Item, Omne quod est hoc aliquid, differens ab alio, quod etiam est hoc aliquid, differt per formam quae est in ipso: anima est hoc aliquid, differens a substantia corporea et ab Angelis: ergo differt ab illis per formam quae est in ipsa: sed forma non est sine materia: ergo, etc.

7. Item, Nihii intelligitur nisi per formam: quod enim non habet formam, indeterminatum est et infinitum, cum omnis finitas et omnis determinatio sit a forma. Cum. igitur anima, intelligitur finita et determinata, habebit formam: sed forma non est sine materia: ergo, etc.

8. Item, Multiplicitas quae est in anima, scilicet quod ipsa est sentiens, intelligens, nutriens, et movens secundum locum, non potest esse a materia: ergo erit a forma: non autem a forma substantiali, quia unius tantum una est forma substantialis: ergo est a formis accidentalibus, quae multae sunt in homine, Formae autem accidentales non sunt nisi in composito ex. materia et forma, ut saepius probatum est supra. Ergo anima erit composita ex materia et forma.

9. Praeterea, Cum dicitur esse sensibile, esse rationale, ly rationale et ly sensitivum dicunt formas specificantes esse: et cum tale esse habeat anima, ipsa habebit esse specificatum per formam: et inde ut prius.

10, Item, Quaecumque sunt species coaequaevae in uno genere, per unam rationem participant illud genus: sed substantia corporea substantia est composita ex materia forma: ergo oportet, quod incorporea substantia etiam sit composita ex materia et forma. Si enim diceretur simplex, cum simplex sit ante compositum, non posset esse coaequaeva spe- cies cum substantia corporea, quae est composita.

11. Item, Substantiae omnes cum resolvuntur in sua principia, aut resolvuntur in unum, aut in duo, aut in plura duobus. Constat autem, quod non in unum, quia unum non potest facere compositum. Ergo in duo, vel in plura. Si. in. duo: ergo in duas materias, vel in duas formas, vel in unam materiam et unam formam. Non in duas formas, nec in duas materias: quia nec materia cum materia, nec forma cum forma facit compositum. Si. autem in unam materiam et unam formam, tunc habetur propositum, quod scilicet sit anima composita ex materia et forma. Si autem in plura duobus fit resolutio: tunc aut esset materia una et formae multae, aut multae materiae et una forma, aut multae materiae et multae formae. Si primo modo, tunc quodlibet compositum esset multa: quia quaelibet una forma facit unum per se. Si vero secundo modo, tunc unius formae actu essent multae materiae: et sic idem numero esset in diversis substantiis. Si tertio modo, tunc aut multae materiae et multae formae essent unius rationis, aut multarum. Si primo modo, tunc omnes essent superfluas praeter unam materiam et unam formam. Si secundo modo, tunc oporteret ponere multa principia materialia, et multa formalia similiter, quod absurdum est dicere. Iliae enim materiae aut differunt invicem, aut non. Si primo modo, cum omnis differentia sit per formam, tunc illae primae materiae jam haberent formas, et sic non essent primae, quia compositum ex materia et forma non est principium. Si secundo modo, tunc omnes essent una materia, et sic reditur ad primum.

12. Item, Dicit Philosophus in libro de Causis, quod intelligentia et anima est habens hyle, quoniam est forma: sed causa prima non habet hyle, quia est esse tantum.

13. Item, Alexander in libro de Intellectu et intelligibili dicit, quod anima

habet intellectum hylealem: hyleale autem est materiale: ergo anima composita est ex materia et forma.

14. Item, Numerus causatur ex divisione continui: et in numero post unum sequuntur duo: ergo videtur, quod in entibus post primum principium quod simpliciter est linum, deberent sequi duo causata ab ipso quae sunt principia compositionis rerum: et haec sunt materia et forma; ergo cum anima sit de consequentibus post principia, turn ipsa erit ex materia et forma.

Solutio omnium haram objectionum et similium habetur ex quaestione de simplicitate Angeli, Dicimus enim animam esse compositam, sed. non ex materia et

forma, sed ex eo quod est et quo est. Et quid appellamus quod est et quo est, et quomodo quod est differt a materia et quo est a forma, explanavimus ibidem. Sunt tamen qui dicunt animam causari ex materia prima, et unam esse materiam spiritualium et corporalium, propter supra habitas rationes: et hoc dicit expresse Collectanus, cujus rationes sunt praehabitae. Sed quia hoc non. est verum secundum Philosophum naturalem, non videtur nobis ita dicendum esse. Quomodo etiam anima sit simplex, et quomodo composita, ibidem diximus. Praeterea in quaestione de caelo distinximus quatuor modos simplicitatis in articulo, ubi quaeritur, Utrum caelum, sit simplex, vel compositum ?