ARTICULUS V.

Utrum odor est sequela totius complexionis rei adorantis ?

Quinto quaeritur. Utrum odor sit sequela totius complexionis rei edomantis?

Videtur enim, quod sic.

Omnis passio causata per se ex quali- tatibus complexionantibus suum subjectum, est sequela complexionis totius: odor est passio hujusmodi: ergo est sequela complexionis totius. Major patet per se. Minor probatur ex supra dictis: quia in odore est siccum permixtum humido, et calidum faciens evaporare: et ex his principaliter constituitur corpus odoriferum.

Sed contra:

Idem corpus odoriferum est et saporosum, ut supra habitum est: si ergo odor esset sequela totius complexionis, ergo. eodem modo et sapor. Sed odor principaliter est in sicco et secundario in humido: sapor vero est e contra: ergo idem corpus erit principaliter ex sicco, et secundario ex humido: et principaliter ex humido, et secundario ex sicco, quod est impossibile.

Et juxta hoc quaeritur, Si odor est passio saporis, ut habitum est, quare non omnia corpora nobis bene sapiant, scilicet quae nobis bene odorant?

Hoc enim videtur per Philosophum in secundo de Anima, ubi dicit, quod animalia quaedam proportionabiliter habent odorem et humorem, id est, saporem. Dico alitem et dulcem humorem. Alia vero contrarium. Similiter autem et acer et austerus, acutus et pinguis est odor.

Eodem modo quaeritur de hoc quod ipse dicit in libro de Sensu ei sensato, quod mare habet odorem, et sol nitro est magis odorabile: et hoc manifestat: quia a sale fluit oleum, nitrum, autem magis terrae est.

Amplius, Lapis non odorat, quia est adiimus: ligna autem odorant, quia sunt enchima: et lignorum minus sunt odorabilia aquatica.

Amplius autem, Inter ea quae metallantur, aurum non odorat, quia est achimum: aes autem, id est cuprum et ferrum sunt odorabilia: et quando comburitur humidum in metallis, tunc scoriae

metallorum fiunt inodoriferae sive ino- dorabiles. Argentum vero et stannum magis odorant quam aurum, et minus quam ferrum et aes: eo quod sunt magis aquatica.

Solutio. Dicimus ad primum, quod sapor et odor sunt sequelae complexionum corporum odorantium: quia causantur a qualitatibus complexionabilibus

corporis: sed non oportet, quod eodem modo causantur ab eis quo illud complexionatum Et per hoc sapor consistit principaliter in humido: quia habet influere in partes nutriti, ut supra habitum est: odor autem principaliter in sicco calido, ut temperet frigiditatem et humiditatem cerebri.

Ad aliud dicendum, quod non in omnibus odor sequitur saporem: nec hoc dicit Philosophus, sed dicit, quod in quibusdam sic, et in quibusdam non. Causa autem est, quod quandoque in corpore odorabili humidum quod acutum est in ipso, est indigestum: et propter hoc dicit saporem acutum acrem, illud quod evaporat ex ipso per calidum quod facit ipsum evaporare. Hoc enim subtile est facile digestibile: et tunc erit odor dulcis: et hoc praecipue est in floribus, et in quibusdam fructibus pomorum acido runi. Et hujus signum est, quia si poma illa assantur vel elixentur, acquirunt etiam dulcem, saporem per decoctionem humidi.

Ad illud quod quaeritur ulterius, dicendum est, quod nihil est odoriferum nisi, quod est compositum et evaporati- vum vapore sicco, ut supra habitum est. Elementa ergo cum sint simplicia, non sunt odorabilia. Mare autem cum habeat admixtum vaporem siccum terrestrem adustum, qui causat in eo salsedinem, efficitur odoriferum: quia odor consistit in sicco vapore. Sal autem species terrae est, ut habetur in libro Meteororum: liquatur enim ex. humido

aquoso: generatur autem ex sicco terrestri combusto. Nitrum autem species est salis, et magis sicca. Et propter hoc de oleo plus extrahitur de sale, quam de nitro, sicut expertum est in alchimia: et hoc est, quia humidum aereum plus est in sale, quam, in nitro: et quia hoc facile vaporat, propter hoc sal magis est odoriferum quam nitrum.

Lapis autem generatur ex luto viscoso, et est compactus et terrestris, et ideo non vaporat, et propter hoc non habet odorem. Ligna autem plus habe rit de a ereo: cujus signum est, quia cremabilia sunt: et quia haec facile odorant, ideo sunt odorabilia: et per consequens ligna aquatica, quia magis sunt frigida et magis humida humiditate aquae, propterea sunt magis vaporativa, et propter hoc minus odorabilia.

Aurum vero quia lit ex puro sulphure et argento vivo optime commixtis calido commiscente et frigido congelante, ex bonitate commixtionis habet compactionem vehementem, et hujus signum est ejus ponderositas: et ex frigido congelante babet constrictionem pororum extrinsecus: et utrumque istorum prohibitivum est evaporationis, et consequens odoris. Cuprum autem et ferrum sic se habent, quod in cupro sulphur purum, argentum vero vivum non purum, et bene commixtum, neque aequale, quia de sulphure est plus: et propter hoc non est solidum in partibus, sed porosum est propter abundantiam sulphuris, et ideo est vaporativum, et per consequens odoriferum. Ferrum autem est ex sulphure lutoso viscoso, et argento vivo lutoso: et propter hujus viscositatem non potest separari aqueum argenti vivi: et ideo ferrum non est liquabile, sed mollificabile, et propter non bonam commixtionem est porosum et vaporativum, et per consequens odoriferum. Stannum aufem et plumbum sunt ex utroque impuro: sed vincit in eis aqueum argenti vivi: sed non habent compactionem partium: propter minorem igitur compactionem sunt magis odorifera quam aurum: propter aquam vero quae obstruit poros, sunt minus odorifera quam ferrum et aes: scoriae autem omnium istorum propter actionem calidi quod est apertivum pororum et evaporativum terrae et hujusmodi magis sunt odorabiles,