PARTICULA I.

Utrum sapor sit qualitas simplicis, vel

compositi, vel utriusque ? Ad. primuni horum proceditur sic: i. Dicit Philosophus in II de Generatione ei Corruptione , et in libro de Anima, quod ex eisdem generamur et nutrimur: sed generamur ex compositis commixtis: ergo nutrimur ex eis. Cum ergo sapor sit nutrimenti passio et qualitas, erit sapor passio compositi et non simplicis.

2, Praeterea, Ad hoc ponit Philosophus quatuor rationes in libro de Sensu et sensato, cap. de gustu, objiciens contra quosdam Pythagoricos, sic dicens: " Cibum oportet esse compositum: etenim nutrimenta non sunt simplicia. Quocirca et superfluitas fit cibi hoc in ipsis, hoc vero extra, sicut in plantis. " Sensus est, quod nutrimentum propter hoc oportet esse commixtum: quia aliter per digestionem non separaretur superfluum a nutrimento: cum enim simplex sit ho- mogenium, non est ratio quare una pars objiciatur, altera autem sumatur in cibo: sed haec separatio superfluitatis quandoque fit in ipsis cibatis, ut in animalibus quae stomachos habent et ventres, quibus fit separatio puri ab impuro: quandoque extra ipsa cibata, ut in plantis, quae terram habent pro ventre, et propter hoc non egerunt. Secunda ratio est, quia nec aqua quae magis videturesse nutritiva vel nutrimentum, est nutrimentum, eo quod omne nutrimentum, quod omni mixto corpori est incorporabile, oporiet esse corpus mixtura. Tertia ratio est, quia si unum simplicium nutriret, tunc quodlibet simplex nutriret: quod falsum est: quia aer propter sui simplicitatem non nutrit. Quarta ratio est, quia cibi est locus receptibilis in corpore animato, ad quem non ingrediuntur simplicia, sed composita. Ex his concluditur,, quod cum sapor sit passio nutrimenti, quod sapor non est passio simplex, sed composita.

Contra hoc objicitur sic:

1. Omnis cibus incorporabilis est ei quod cibatur: ergo necesse est ipsum esse male terminabile in se, et tamen bene terminabile termino alieno: hoc autem est natura humidi: et ita videtur esse sapor principaliter passio humidi: et cum humidum sit simplex, videturesse sapor passio simplicis. Hoc etiam videtur velle Philosophus in libro II de Anima , ubi dicit quod sapor est humidi sicut odor sicci.

2. Praeterea, In libro de Sensu ei sensato videtur dicere, quod subjectum saporis est humidum aqueum,

3. Item, Quidquid est incorporabile ei quod alitur, faciens augmentum in ipso et habens contrarietatem, videtur esse alimentum: simplex est hujusmodi: ergo simplex potest esse alimentum: et ita sapor erit passio simplicis. Major patet per se. Minor probatur ex hoc quod simplex est quantum per corporeitatem,, et sic faciens augmentum et per substantiam est salvatum in mixto, et sic faciens nutrimentum.

Solutio. Dicimus, quod sapor est passio compositi corporis: eo quod omne alimentum commixtum compositum est: sicut enim probat Philosophus in libro de Sensu ei sensato, generatio saporum est ut in subjecto in humido et aqueo: ut in efficiente autem in calido digerente, quod est calidum ignis et solis: in sicco autem terreo est sicut in passivo terminante humidum aqueum. Et probatur hoc per experimentum. Cum enim saporosum incorporabile sit, necesse est ipsum esse humidum. Cum autem videamus in cibis et fructibus oblatis ad ignem et ad solem generari omnimodos sapores, patet quod causa efficiens saporum est caliditas. Similiter videmus salsum generari ex terrestri adusto in humido, et in aqua videmus generari multos sapores ex. hoc quod transeunt multa genera terrarum. Et ex his colligitur, quod sapores generantur ut a primis qualitatibus a calido igneo et sole digerente, et humido aqueo et terrestri sicco patientibus. Si autem sapores considerantur in se prout sunt unum genus qualitatis, sic extremi simplices sunt, eo quod non sunt compositi ex aliis saporibus, et medii sunt compositi, sicut in aliis objectis sensuum.

Ad primum ergo dicendum, quod nutrimentum quidem habet actum humidum in hoc quod fluit ad terminos alienos: sed tamen non est de natura humidi tantum, sed etiam, sicci terrestris et calidi ignei.

Ad aliud dicendum, quod verbum illud a Philosophi intelligitur, quod sapor est humidi sicut subjecti, et odor sicci vaporativi sicut subjecti.

Ad ultimum dicendum, quod prima l est vera, et secunda est falsa: quia simplex non est incorporabile ut nutrimen-

tum: et si commisceatur simplex in mixto, hoc non erit per virtutem nutritivam, sed potius per qualitates activas et passivas moventes ad mixtum.

ARTICULI TERTII