ARTICULUS IV.

Utrum humidum aqueum est humidum in gustu ?

Deinde, Quaeritur de gustu ex parte medii.

Videtur autem, quod medium in gustu sit humidum aqueum.

Dicit autem Philosophus, quod hoc est insipidum. Unde sicut aer se habet ad colores quod est medium, eo quod nullius coloris est, sed est susceptibilis omnium colorum: ita humidum aqueum se habet ad sapores, et i t a esse videtur medium in gustu. Et hoc etiam videtur per Avicennam dicentem, quod gustus eget medio quod recipiat saporem, et sic in se non habens saporem: et hoc est humor salivae, qui pervenit ex instrumentis sal i va li bus. Idem videtur per Aristotelem in secundo de Anima , ubi dicitur, quod proprium gustus esse videtur potabile et non potabile. Non potabile autem dicitur pravum et corrumpit gustum. Potabile ante est humidum aqueum.

Et hoc videtur per rationem: Humidum enim est penetrativum propter subtilitatem. Cum igitur sapor ba b eat penetrare usque ad nervum linguae, et hoc non potest esse nisi per humidum: et sic videtur humidum aqueum esse medium in gustu. Sed contra: Ponamus, quod aliqua saporosa per se sint humida, sicut vinum et hujusmodi: ilia igitur per se possunt penetrare ad lin- guam, et sic non indiget humido salivati, quod dicitur esse medium in gustu.

Praeterea, Quaestio est Avicennae, Utrum humor aqueus recipiat saporem in commixtione partium rei saporosae, vel sine commixtione partium rei saporosae, secundum tantum permutationem saporis quo immutat ipsum humidum, sicut color aerem. Si primo modo, tunc non videtur humor esse medium necessarium, sed ad facile conjungendum saporem cum lingua: et hoc ideo est, quia aliter est sensatum in medio, et aliter in sensibili primo. In medio enim est in potentia tantum, sicut color est in. aere: in sensibili autem primo modo est in actu. Cum autem sapor commixtus humori aqueo sit actu in humore taii, non erit in ipso ut in medio tantum. Si secundo modo, tunc sapor aut est in humido secundum sui essentiam, aut non. Si primo modo, tunc non est medium, sed materia. Si secundo modo, tunc saporosum positum super linguam sine medio non sentietur, quod falsum est: quia secundum hoc gustus non esset tactus.

Solutio. Dicendum, quod medium in gustu est humidum aqueum, aut ex instrumentis salivalibus sumptum ab

extrinseco. Est autem medium et materia et non medium tantum, sicui aer in auditu, qui est medinm audiendi et materia soni, et non sicut in visu in quo est aer medium tantum et non materia coloris: et propter hoc dicit Avicenna, quod melius videtur sibi, quod sit medium ad hoc quod sapor faciliter conjungatur cum lingua, sine quo si sapor posset penetrare linguam, immutaret nervum gustativum linguae.

Et per hoc patet solutio ad id quod quaeritur primo, scilicet quid sit medium in gustu ?

Ad illud. quod postea quaeritur, dicendum quod sapores non generantur in aliquo humido tantum, sed oportet plures causas esse: et propter hoc oportet, quod nartes porosae commisceantur humido ad hoc quod fiat actum saporosum.

Et bene concedimus id quod objicitur, quod sapor non est in ipso ut in medio tantum, sed etiam ut in materia. Sicut autem de aliis sensibus dictum est, ita gustus est gustabilis et non gustabilis,, Non gustabile autem dicitur tribus modis, scilicet per privationem habitus, sicut insipidum est non gustabile i et per privationem harmoniae ad sensum, sicut excellens est non gustabile, quod corrumpit gustum: et per privationem harmoniae ad immutationem gustus secundum debilitatem immutantis., sicut non gustabile dicitur, quod pravum habet odorem.