ARTICULUS III.

Utrum posi peccatum possibile fuit consequi immortalitatem ?

Tertio quaeritur, Utrum post peccatum possibile fuit consequi immortalitatem per esum ligni vitae ?

Et videtur3 quod sic :

1. Lignum enim vitae effectum habebat continuandi vitam, ut dicit Augustinus in libro VI super Genesim ad litteram: ergo si post peccatum fuisset comestum, continuasset vitam.

2. Item, Hoc probatur per Eliam et Henoch, quibus continuat vitam, ut dicit Augustinus.

3. Item, Hoc videtur per verba posita in Genesi, III, 22, quia dicit Dominus post peccatum ; Num ergo ne forte mittat manum suam, et sumat eliam, de ligno vitae, et comedat, et vivat in aeternum.

Sed contra :

In quocumque die comederis ex eo, morie morieris ^ id est, necessitati mortis subjacebis, ut dicit Augustinus,

Item, Sancti communiter dicunt, quod ante peccatum potuit homo non mori, sed per peccatum factum est, quod non posset non mori.

Juxta hoc iterum quaeritur, Si post peccatum comedisset de ligno vitae et continuasset vitam, utrum eamdem immortalitatem habuisset quam prius?

Et videtur, quod sic, Prima enim immortalitas fuit in statu animaris corporis et cibi sustentanda, et similiter secunda.

Sed contra :

Dicit etiam Augustinus , quod Elias et Henocli revertentur sub Antichristo ad debitum illud solvendum, quo omnes debitores facti sumus in Adam : sed in prima immortalitate nullus hoc debitum non persolvisset: ergo non esset eadem immortalitas.

Juxta hoc iterum quaeritur ulterius, Utrum pro quolibet peccato horno necessitati moriendi in corpore fuisset addictus?

Et videtur, quod non. Sunt enim quaedam peccata in quibus corpus non communicat animae, sicut infidelitas, et quaedam inanis gloria de spiritualibus : injustum autem esset ut corpus cum anima societatem in paena haberet, nisi etiam societatem in culpa habuisset : ergo si in talibus peccatis peccasset Adam, non necessario fuisset mortuus in corpore.

Sed contra :

1. Multa peccata sunt tantum secundum unam potentiam animae, pro quibus tamen totus homo est condemnatus : aergo similiter pro peccato spiritus condemnari debuit etiam corpus.

2. Item, Dicunt Sancti, quod peccatum induxit mortem per hoc quod avertit animam ab incommutabili vita. Cum ergo hoc sit in omni peccato, omne peccatum induxisset mortem.

Pbaeteeea, Quaeritur de hoc guod habetur in libro Sapientiae : Deus mortem non fecit... Impii autem manibus ei verbis accersierunt illam . Mors enim est instrumentum justitiae judicantis, quam Deus inflixit primis peccantibus : ergo videtur, quod Deus fecit eam.

2. Item, Dicit Amos propheta : Si erit malum in civitate, quod Dominns non fecerit . Et hoc intelligitur de malo paeriae : ergo omnis poena a Deo est facta.

Ulterius etiam quaeritur, Qua justitia posteri condemnati sunt morte? Filius non portabit iniquitatem patris, et pater non portabit iniquitatem filii, dicit Dominus .

Solutio. Dicendum ad primum, quod peccatum induxit necessitatem moriendi. Unde per esum ligni vitae non fuisset ablata mortalitas: oporteret enim mori quantumlibet fuisset prolongata vita ante transitum ad gloriam. Et haec est sententia Augustini in libro VI super Genesim ad litteram.

Unde dicit Eliam et Henoch redituros, eo quod oportet nos exspoliari, et non possumus supervestiri, ut absorbeatur quod mortale est a vita. Hujus autem causa in quaestione de resurrectione ple- nius expedietur in loco illo ubi quaeretur de termino illo a quo est resurrectio. Ad objecta vero in contrarium, dicendum quod homo post peccatum numquam posset dici immortalis : quia per esum ligni vitae posset ei continuari vita, sed non sic, quin semper necesse essetmori ante transitum ad patriam : et hoc intendit Dominus cum dixit : Ne forte mittat manum suam, et sumat etiam de ligno vitae, et comedat, et vivat in aeternum .

Ad id quod ulterius quaeritur, Utrum pro quolibet peccato mortuus fuisset in corpore? Dicendum, quod sic.

Ad objecta in contrarium, dicendum quod potentia peccati non facit peccatum : quia operationes et actus particularium sunt et totius : et ideo totum condemnatur.

Ad id quod ulterius quaeritur, Utrum Deus mortem fecerit?

Dicendum, quod Deus est causa efficiens mortis et infligens et poenarum : sed peccatum hominis est causa meritoria : et sic intelligitur dictum Sapientiae,

Ad ultimum dicendum, quod mors est ex materia : uncie omnes partes illius materiae corruptibiles factae sunt : et quia omnes materialiter sumus in. primis hominibus, ideo omnes morimur, et quasi aquae dilabimur in terram . Dictum vero Prophetae de peccato actuali intelligitur, et non de originali.