ARTICULUS VII.

De furore et gaudio et hujusmodi quae

ponit Dionysius, qualiter conveniant Angelis? Postea dicit Dionysius furibundum quidem significare ipsorum intellectualem fortitudinem : cujus novissima, id est, perfectissima imago furor est. Et tangit hoc quod etiam habetur in III Ethicorum : Furorem autem ad virtutem, id est, fortitudinem referunt. Fortes enim esse videntur et qui propter furorem ut ferae ad. insurgentes feruntur : quoniam et fortes irascibiles sunt : mobile enim furor ad periculum : unde et Homerus : Virtutem, id est, fortitudinem immitte furori, et virtutem in furore erige. Et fortes per nares ejiciebant iram, et ebulliunt sanguinem.

" Ipsam vero concupiscentiam significare aestimo amorem divinum. "

Postea tangit fluvios, currus, et rotas, quae connexa leguntur Angelis, sic dicens : " Ignea quidem (lumina significant divinos promotus, copiosam ipsis et non deficientem affluentiam donantes, et vivifica nutrientes foecunditate. " Et tangit duo quae sunt in flumine, scilicet fluxus continuus, qui notat abundantiam donorum coelestium, et irrigationem ex humido refrigerante, quod inducit foecunditatem.

" Currus autem significant conjunctivam similitudinum societatem : nam in curru conjungitur rota rotae aequalis altitudinis et magnitudinis ad subvehenda onera. Sic Angeli ejusdem ordinis ad ministerium peragendum sui ordinis conjunguntur. "

Rotae autem pennatae quidem cum sint, in ea quae ante conspectum sunt inconversibiliter et inflexibiliter euntes per rectam et justam viam, significant exeuntis operationis earum virtutem in eamdem sine flexu et recte sectam viam simul omni e aram intellectuali rotatu supermundane directo. " Hoc est quod rotae pennatae velocitatem operum significant, quae opera semper sunt in conspectu angelicae providentiae sine declinatione et flexu a recta et justa via, ita quod intellectus rotatus secundum cujus rationem supermundanam ab eodem in idem veniens in recte sectam viam dirigatur. Primo enim per imperium opus exit a Deo, et directivum secundum formam utilis et honesti iterum redit in laudem et gloriam imperantis.

Vel aliter, " Igneae siquidem et deiformes rotae revolutiones quidem habent circa idipsum optimum semper mobili motu. Revelationes vero secretorum manifestatione, et circumsubjectorum reductione et altarum illuminationum in ea quae subjecta sunt deductiva perfectione. " Et tangit Dionysius duplicem rationem, secundum quod rota dicitur esse in medio rotae, scilicet unam rationem circa thronum Dei, secundum quod volvuntur semper circa idem ipsum optimum ab optimo principio per optimum gubernatorem in optimum finem. Et secundum quod revolvunt se a primo per inferiora rursus in primum deductiva perfectione.

Ultimo tangit gaudium Angelorum dicens, quod " coelestes essentiae acceptrices omnino non sunt ejus quae secundum non est passibilis delectationis. Congaudere autem dicuntur Deo deperditorum inventione juxta deiformem epulationem, et etiam in providentia et salute in Deum redeuntium deiformitatem, et incorruptionis laetitiam, et illam beneficenliam ineffabilem, in cujus participatione saepe facti sunt viri sancti per deificos divinarum illuminationum superadventus. "

Sed quia jam multa de beatis Angelis dicta sunt, de ignoratis petamus veniam, de bene autem dictis gratiae referantur Deo. Dicimus enim cum beato Dionysio, quod " quorum quidem supermundanam scientiam ignoramus, in ipsis nos alium lucis ductorem docentem desideramus. Quaedam autem tamquam dictis aeque parentia praetermisimus, commensurationi sermonis providentes, et super nos secretum silentio honorificantes . "