Nationes Japhet.

IX. Gomer, et Magog, et Madai, et Jaynam, et Thobal, et Mosoch, et Thiras. Et filii Gomer, Aschonez, et Riphat, et Thogorma (( Al. Thogarma)). Et filii Jaynan Elissa, et Tharsis, Citii, Rhodii. Ab his divisae sunt insulae gentium in terra eorum, unusquisque secundum linguam suam in tribubus suis, et gentibus suis.

X. Sem filius Noe cum esset annorum C genuit Arphaxad secundo anno post diluvium. Et vixit Sem postquam genuit Arphaxad annis D et genuit filios et filias, et mortuus est. Arphaxad cum esset annorum CXXXV genuit Cainam. Et vixit Arphaxad 0073A postquam genuit Cainam annis Ccccxxx, et genuit filios et filias. Cainam cum esset annorum CXXX genuit Sala. Et vixit Cainam postquam genuit Sala annis CCCXXX, et genuit filios et filias, et mortuus est. Sala cum esset annorum CXXX genuit Heber. Et vixit Sala postquam genuit Heber annis CCC, et genuit filios et filias, et mortuus est. Heber cum esset annorum CXXXIV genuit Phalec. Et vixit Heber postquam genuit Phalec annis CCCLXX (( Al. CCLXX)), et genuit filios et filias, et mortuus est. Phalec cum esset annorum CXXX genuit Rhagau. Et vixit Phalec postquam genuit Rhagau annis CCIX, et genuit filios et filias, et mortuus est. Rhagau cum esset annorum CXXXII genuit Seruch. Et vixit Rhagau, postquam genuit Seruch, annis C, et genuit 0073B filios et filias, et mortuus est. Seruch cum esset annorum CXXX genuit Nachor. Et vixit Seruch postquam genuit Nachor annis CC, et genuit filios et filias, et mortuus est. Nachor cum esset annorum LXXIX genuit Thare. Et vixit Nachor postquam genuit Thare annis CXXV, et genuit filios et filias, et mortuus est. Thare cum esset annorum LXX genuit Abram, et Nachor, et Aram. Aram autem ante conspectum patris sui mortuus est, reliquitque filium, qui nominabatur Loth, quem socium habuit Abram. 0074A Ab anno diluvii usque ad nativitatem Abrahae sunt anni MLXXII. Thare iste post mortem filii sui Aram adduxit omnes suos de sua regione et provincia Assyriorum, ubi nati fuerunt, et Abraham, et Nachor, et Aram mortui filium, et venit in terram Charan et habitavit ibi annis CCV, et mortuus est in Charan, ubi habitavit in regione Chananaeorum. Hujus Tharae anno XXVIII, Assyriorum rex primus Belus mortuus est, quem Assyrii deum nominaverunt, et alii dicunt Saturnum, atque filio suo regnum tradiderunt: vocabatur autem Ninus. Hujus Tharae anno XLIX, Sicyoniorum in Graecia regnavit Europs, defuncto Aegialeo, qui primus Sicyoniorum regnavit: ex quo territorium Peloponnesiorum Aegialea vocabatur.

0074B XI. Nachor vir, Melcha conjux. Filii Melchae, Ox, Baux, Camuel, Cazat, Axau, Pheldas, Jeldath, Bathuel. Iste est, qui supra Bathuel, ex quo Rebecca: haec est uxor Isaac: concubina Regma. Filii Regmae, Chaman, Tabee, Tochos, Maacha. Nascuntur ergo ex Nachore et Melcha uxore filii octo, atque neptis (( Al. nepos)) Rebecca, quae fuit uxor Isaac: et ex Regma concubina nascuntur filii quatuor. Omnes ergo filii Nachor duodecim. Abraham maritus, Sara uxor, Filii Sarae, Esau, Jacob: concubina Agar, 0075A ancilla Sarae. Ismael. Filii Ismael, Nabaloth, Cedar, Nabdeel, Massa, Masna, Iduma, Masse, Codar, Thamam, Jethur, Naphas, Cedma. Filii Maziam quinque, Sephar, Gephar, Enoch, Abira, Begali. Cethura uxor Abrahae. Filii Cethurae sex, Zambram, Jectam, Madal, Madiam, Jesboch, Sobe. Filii Jectam tres, Saba, Theba, Dadan. Filii autem Dadan quinque, Raguel, Nabdeel, Assurum, Latusim, Jomim.

XII. Abraham primam aetatem apud Chaldaeos agebat: postea autem cum patre suo transmigravit in Charam terram Chananaeorum, ubi visus est illi Deus, dicens: Exi de terra tua, et de cognatione tua, et de domo patris tui, et veni in terram, quam tibi ostendam, et faciam te in gentem magnam, etc. (Gen. XII, 1) . Qui jussioni obaudiens, accepto filio 0075B Aram fratris sui, exivit cum eo, et venit in terram Chanaan, usque ad locum Sichem ad arborem excelsam, ubi visus est illi Deus, atque promissionem seminis, atque haereditatis dedit. Erat autem tunc annorum LXXV. Abraham autem vixit annis CLXXV, cujus tempora dinumerabimus, annis expositis. Sed quia temporibus patris sui Tharae insignia regnorum esse ceperunt, jam quidem 0076A quo anno fuerint, exposuimus. Modo autem temporibus Abrahae annum ad annum comparabimus (( Al. comparamus)), ut sciamus quid memoriae dignum, et quibus annis gestum sit: sive apud Hebraeos, sive apud Graecos, sive Barbaros, caeterasque gentes, quarum historiographi memoriam (( Al. memorias)) fecerunt.

XIII. Quando natus est Abraham, jam regnabat rex secundus, qui vocabatur Ninus filius Beli. Nam primus Assyriorum regnavit Belus annis LXV, quem Assyrii deum nominaverunt Saturnum. Quo defuncto, regnum accepit filius suus Ninus, qui regnavit annis LII. Hujus regni anno XLIII erat primus annus Abrahae. Sicyoniorum in Achaia regnabat rex secundus, cui nomen erat Europs. Nam primus eorum 0076B regnavit Aegialeus, ex quo Aegialea vocabatur quae nunc dicitur Peloponnesus, qui regnavit annis LII. Quo defuncto, regnavit Europs annis XLV, cujus annus XXII primus annus erat Abrahae. Necnon apud Aegyptios erat XVI potentia, sicut ait Manetho, per quam regnabant Thebaei annis CXC, quorum primus annus erat aeque primus Abrahae.