Initium Consulum.

Pulsis ab Urbe regibus, vix usque ad XV lapidem Roma tenebat imperium. Romanorum reges septem a Romulo usque ad Tarquinium Superbum imperaverunt annis 240, sive, ut quibusdam placet, 243.

Romae post exactos Reges primum consules duo a Bruto esse coeperunt; deinde tribuni plebis ac dictatores, et rursum consules rempublicam obtinuerunt per annos ferme 464 usque ad Julium Caesarem, qui primus singulare arripuit imperium olympiade 183.

Decimo septimo mare obtinuerunt Aeginetae annis 20 usque ad transitum Xerxis.

Censu Romae agitato, inventa sunt hominum 120 millia. Nono anno post exactos reges nova dignitas est creata, dictatura scilicet, et magister 0443B equitum, qui dictatori obsequeretur. Dictator primus Largius, magister equitum Spurius Cassius fuit.

Ann. ab Abr. (1510)

0443C

 

Olymp.

Persarum.

Macedon.

Romanorum.

Valerius Bruti consulis collega adeo pauper mortuus est, ut sumptu publico sepeliretur.

Hellanicus historiographus, et Democritus philosophus, et Heraclitus cognomento Tenebrosus, et Anaxagoras physicus clari habentur.

Pythagoras philosophus moritur.

Volsci Coriolos perdiderunt.

Aeschylus tragoediarum scriptor agnoscitur.

Latini contra Romanos rebellarunt.

Romae populus a patribus facta seditione discessit.

Martius, qui Coriolos ceperat, interventu matris Veturiae et uxoris Volumniae ab oppugnatione Urbis removit exercitum.

Bellum quod in Marathone gestum est, et ea quae de Miltiade scribuntur et Aristide, qui cognominabatur Justus.

Panyasis poeta habetur illustris.

Trecenti nobiles Fabiae familiae a Veientibus caesi.

Cum in Algido monte Romani milites obsiderentur, a dictatore Quintio Cincinnato liberati sunt.

Aegyptus recessit a Dario.

Gelo obtinuit Syracusas.

Ann. ab Abr. (1520, 1530)

0445

 

Olymp.

Persarum. (36)

Persar. V, Xerxes, filius Darii, an. 20.

Macedon.

Romanorum.

Pindarus et Simonides lyrici poetae insignes habentur.

Romae virgo Vestalis Pompilia deprehensa in stupro, viva defossa est.

Xerxes Aegyptum capit.

Aristides cum ignominia ejicitur.

Choerilus et Phrynicus illustres habentur.

Diagoras agnoscitur, et sectatores ejus physici philosophi.

Xerxes pontem in Hellespontiaco mari fecit

Xerxes cum Athenas venisset, incendit urbem sub principe Callia.

Bellum quod in Thermopylis gestum est, et apud Salaminam navale certamen.

Ann. ab Abr.

0447

 

Olymp.

Persarum.

14 Principium LXXI Jubilaei secundum Hebraeos.

Medorum.

Romanorum.

Athenienses Piraeum muro vallant.

Hieron Syracusis regnat.

Aeschylus tragoediarum scriptor agnoscitur.

Bellum quod in Plateis, et in Mycale.

Hieron post Gelonem Syracusis tyrannidem exercet.

Pindarus musicus clarus habetur.

Themistocles in Persas fugit.

Sophocles tragoediarum scriptor primum ingenii sui opera publicavit.

Romae virgo Vestalis Sunia deprehensa in stupro, viva defossa est.

Sophocles et Euripides clari habentur.

Herodotus historiarum scriptor agnoscitur.

Bacchylides et Diagoras Athenis plurimo sermone celebrantur.

Zeuxis pictor agnoscitur, ex cujus alii imaginibus, quas plurimas invitatus fecerat, lavacrum Byzantinorum appellatum arbitrantur.

Themistocles, hausto tauri sanguine, moritur.

Ann. ab Abr. (1540, 1550)

0449

 

Olymp. (79)

Persar. VI, Artabanus, menses 7, qui menses in ordine annus reputantur. (1)

Post quem Artaxerxes VII, qui Longimanus cognominabatur, an. 40.

1 Ea quae de Hester, et Mardochaeo scripta sunt, quidam affirmant sub hoc rege gesta, quod ego non puto; numquam enim Ezras de Hester siluisset, qui scribit hoc tempore Ezram et Neemiam reversos ex Babylone, et ea deinceps consecuta, quae ab his gesta referuntur .

Macedon.

Socrates nascitur.

39 Lapis in Aegon fluvium de coelo ruit.

42 Sicilia a populo regebatur.

Romanorum.

Ann. ab Abr.

0451

 

Olymp.

Persarum.

Macedon. (43)

Perdicas, XI, an. 28.

Romanorum.

Cimon juxta Eurimedontem Persas navali pedestrique certamine superrat: et Medicum bellum conquiescit.

Solis facta defectio.

Anaxagoras moritur.

Heraclitus clarus habetur.

Ezras sacerdos apud Hebraeos insignis agnoscitur, cujus aetate Pontifex Maximus habitus est Heliasib, filius Joachim, filii Jesu, filii Josedech. Fuit autem Ezras eruditissimus Legis divinae, et clarus omnium Judaeorum magister, qui de Captivitate regressi fuerant in Judaeam: Affirmaturque divinas Scripturas memoriter condidisse, et ut Samaritanis non miscerentur, litteras Judaicas commutasse.

Empedocles et Parmenides physici philosophi notissimi habentur. Zeno et Heraclitus Tenebrosus agnoscitur.

Pherecydes secundus historiarum scriptor agnoscitur.

Cratinus et Plato comoediarum scriptores clari habentur.

Aristarchus tragoediographus agnoscitur.

Romani per legatos ab Atheniensibus jura petierunt, ex quibus duodecim tabulae conscriptae.

Romae clarior Agon centenarius primus actus.

Trecentesimo secundo anno ab Urbe condita Decemviri creati, et post annum ejecti sunt propter Appium Claudium, qui Virginii cujusdam filiam contra Latinos in Algido militantis voluit auferre.

Crates Comicus, et Telesilla ac Bacchylides Lyricus, clari habentur: Praxilla quoque et Cleobulina sunt celebres.

Ann. ab Abr. (1560)

0453

 

Olymp.

Persarum.

Macedon.

Romanorum.

Templum Junonis, quod Argis fuerat, incensum.

Abaris Hyperboreanus Ariolus agnoscitur.

Tribuni plebis et Aediles Romae facti, Consulibus ejectis.

Athenienses et Lacedaemonii foedus XXX annorum ineunt.

Neemias Hebraeus, minister vinarius Artaxerxis regis , concedente sibi domino suo, 20 ejus anno de Babylone venit in Judaeam, et 32 anno muros, urbemque restituit. Scribit Ezras opus fuisse completum sub pontifice Joade filio Joasib, cui successit Joannes filius suus, qui temporibus Alexandri Macedonis fuit.

Huc usque Hebraeorum divinae Scripturae annales temporum continent: ea vero quae post haec apud eos gesta sunt, exhibemus de libro Machabaeorum, et Josephi, et Africani scriptis, qui deinceps universam historiam usque ad Romana tempora persecuti sunt.

Herodotus cum Athenis libros suos in concilio legisset, honoratus est.

Melissus physicus agnoscitur.

Euripides tragoediarum scriptor clarus habetur, et Protagoras sophista, cujus libros decreto publico Athenienses exusserunt.

Romae rursus Consules creati.

Phidias eburneam Minervam facit.

Fidennates contra Romanos rebellant.

23 Theaetetus mathematicus agnoscitur.

Ann. ab Abr. (1570, 1580)

0455 γίνονται ἔτη υ((koppa))′, εὕροι ἂν αὐτὰς ἐπὶ Νέρωνα Ῥωμαίων αὐτοκράτορα περαιουμένας, καθ᾽ ὃν πολιορκεῖσθαι ἀρξαμένη ἡ πόλις μετὰ β′ ἔτος Οὐεσπασιανοῦ τὴν ἐσχάτην ἅλωσιν ὑπομένει. Euseb. apud Sync. p. 199.

Ὁ Πελοποννησίων καὶ Ἀθηναίων πολεμος, κ. τ. λ. Syncell. pag. 205.

Βακχυλίδης μελοποιὸς ἐγνωρίζετο. Sync. ibidem.

Ἀθηναίους ἐπιέσεν ὁ λιμός. Idem ibidem.

Θουκυδίδης . . . ἤκμαζεν. Syncell. pag. 202.

Εὔπολις καὶ Ἀριστοφάνης κωμικοί. Sync. p. 205.

Πῦρ ἐκ τῆς Αἴτνης . . . ἐῤῥάχη. Idem ibidem.

Σεισμῶν γεγονότων ἡ πρὸς Λοκροῖς Ἀταλάντη σχισθεῖσα νῆσος ἐγένετο. Idem ibidem.

]

 

Olymp.

Persarum.

Macedon.

Macedon. XII, Archelaus an. 24.

Romanorum.

Aristophanes clarus habetur, et Sophocles poeta tragicus.

Gens Campanorum in Italia constituta.

Democritus Abderites, et Empedocles, et Hippocrates medicus, Gorgias, Hippiasque, et Prodicus, et Zeno, et Parmenides philosophi insignes habentur.

Socrates, qui scholam congregavit, plurimo sermone celebratur.

Neemiam, qui muros Jerusalem construxit, consummasse opus 32 anno Artaxerxis regis Persarum, Ezras memorat. Si quis ab hoc tempore LXX hebdomadas a Daniele scriptas numeret, quae faciunt annos 490, reperiet eas in regno Neronis expletas, sub quo obsideri Jerusalem coepta, secundo postea Vespasiani anno capitur.

Initium belli Peloponnesiaci.

Bacchylides carminum scriptor agnoscitur.

Athenienses pestilentia laborant.

Thucydides agnoscitur.

Pericles moritur.

Eupolis et Aristophanes scriptores comoediarum agnoscuntur.

Ex Aetna monte ignis erupit.

Terraemotu apud Locros, scissa Atalante, civitas facta est insula.

Ann. ab Abr. (1580, 1590)

0457

 

Olymp.

Persarum. (40)

Persarum VIII, Secundus Xerxes, menses 2. Post quem Sogdianus, IX, menses 7. Cui succedit Darius, X, cognomento Nothus, an. 19.

Macedon.

Aegyptiorum.

Aegyptus a Persis recessit, et rursum Aegyptiorum renascitur Dynastia XXVIII. Et regnavit Amartheus, primus Saites ann. 6.

Romanorum.

Plato nascitur.

Lacedaemonii et Athenienses foedus percutiunt.

Eudoxus Gnidius clarus habetur.

Lacedaemonii ver sacrum destinantes, Heracleam urbem condunt.

Alcibiades profugus abiit ad Tisaphernem.

Clades quae Atheniensibus accidit in Sicilia.

Euboea ab Atheniensium societate discedit.

Euripides apud Archelaum, et Sophocles Athenis moritur.

Ann. ab Abr. (1600)

0459

 

Olymp.

Persarum.

Persarum XI, Artaxerxes, qui cognominatus est Mnemon, Darii et Parysatidis filius, an. 40

Macedon. Orestes XIII, an. 3.

Macedon. XIV, Archelaus, an. 4.

Macedonum XV, Amyntas, an. 1.

Aegyptiorum. (6)

Dynastia XXIX Aegypt. Mendesiorum. Nepherites, an. 6.

Post quem Achoris, ann. 12, dynastia XXIX Aegyptiorum.

Romanorum.

Dionysius in Sicilia tyrannidem exercet.

Sub hoc rege mihi videtur historia, quae in Hester libro continetur, expleta: ipse quippe est, qui ab Hebraeis Assuerus, et a LXX Interpretibus Artaxerxes vocatur.

Dionysius Syracusis tyrannidem exercet.

Ann. ab Abr. (1610)

0461

 

Olymp.

Persarum.

Macedon. (1)

Macedonum XVI, Pausanias, an. 1. (1)

Post quem Amyntas, XVII, ann. 6.

Post quem 0463 Argeus, XVIII, ann. 2.

Aegyptiorum.

Romanorum.

Athenienses sustinent tyrannidem.

Isocrates rhetor agnoscitur.

Democritus moritur.

Alcibiadem Pharnabazus interficit.

Cyri regis ascensus, de quo scribit Xenophon.

Tyranni Athenis oppressi.

Athenienses XXIV litteris uti coeperunt, cum antea XVI tantum litteras haberent.

Xenophon filius Grylli, et Ctesias clari habentur.

Socrates venenum bibit.

Templum rursus Ephesi incensum.

Socratici clari habentur.

Diogenes Cynicus agnoscitur.

Speusippus insignis habetur.

Dionysius in tyrannide perseverat.

Ann. ab Abr. (1620)

0463

 

Olymp.

Persarum.

Macedon.

Post quem rursum Amyntas, XIX, an 18.

Aegyptiorum.

Aegypti Psamuthes, an. 1 . (1)

Post quem Nepherites, menses 4. (1)

Et post eum Nectanebus, an. 18. Aegyptiorum XXX, dynastia, Sevenitarum. (1)

Romanorum.

Carthaginensium bellum famosum.

Eudoxus astrologus agnoscitur.

Galli Senones Romam invaserunt, excepto Capitolio.

Plato philosophus agnoscitur.

Tribuni militares pro consulibus esse coeperunt.

Evagoras in furorem versus cum regnaret Cypri.

Ann. ab Abr. (1630)

0465

 

Olymp.

Persarum.

Macedon.

Macedonum IX, Alexander, an. 1. (1)

Post quem Ptolemaeus Alorites, XXI, an. 4.

Perdicca, XXII, ann. 6. (1)

Aegyptiorum.

Aegypti Theo, annis 2.

Romanorum.

Magno terrae motu Helice et Bura Peloponnesi urbes absorptae sunt.

Praenestini a Romanis victi apud flumen Alliam per Quinctium Cincinnatum.

Athenienses principes Graeciae facti.

Isocrates rhetor agnoscitur.

Plato et Xenophon, necnon et alii Socratici clari habentur.

Theo rex Aegypti fugit in Arabiam.

Ann. ab Abr. (1640)

0467

 

Olymp. (104)

Persarum.

Persarum XII. Artaxerxes, qui et Ochus, an. 26.

Macedon.

Macedon. XXIII, Philippus, an. 26.

Aegyptiorum.

Aegyptiorum Nectanebus, an. 18.

Romanorum.

Dionysius rex Siciliae 19 anno moritur, post quem junior Dionysius regnum invadit.

Aristoteles XVIII aetatis gerens annum, Platonis auditor est.

Alexander Pheraeus agnoscitur.

Camillus Gallos, qui bollum Romanis intulerant, superat.

Ann. ab Abr. (1650)

0469

 

Olymp.

Persarum.

Macedon.

Aegyptiorum.

Aegyptiorum regnum destructum est.

Romanorum.

Demosthenes orator agnoscitur.

Aeschines orator agnoscebatur.

Ochus Apodasmo Judaeorum capta, in Hyrcaniam accolas translatos juxta mare Caspium collocavit.

Dionysius Sicilia pellitur.

Alexander Philippi et Olympiadis filius nascitur.

Dion Syracusis interimitur.

Hipparinus Dionysii filius Syracusis tyrannidem exercet.

Erinna poetria agnoscitur.

Ochus Aegyptum tenuit, Nectanebo in Aethiopiam pulso, in quo Aegyptiorum regnum destructum est.

Ann. ab Abr. (1660)

0471

 

Olymp.

Persarum.

Persarum XIII, Arses , Ochi filius, an. 4.

Post quem Darius, XIV, Arsami filius, an. 6. (1)

Macedon.

Macedon. XXIV, Alexander, Philippi filius, an. 12, menses 6 ((Al. 7)).

Romanorum.

Huc usque Manetho.

Ochus Sidonem subvertit, et Aegyptum suo junxit imperio.

Demosthenes Orator omnium fama celebratur.

Romani Gallos superant.

Dionysius Corinthum sub foedere navigavit.

Plato moritur, post quem Academiam Speusippus tenuit.

Romani cum Samnites duobus praeliis cecidissent, universos confines, quia a sua societate discesserant, in ditionem propriam redigunt.

Dionysius Corintho expulsus.

Descriptione Romae facta, inventa sunt civium CLX millia.

Judaeorum pontifex maximus Jaddus clarus habetur.

Speusippus moritur, cui successit Xenocrates.

Manasses frater Jaddi pontificis Judaeorum templum in montem Garizin construxit.

Ann. ab Abr. (1670, 1680)

0473

 

Olymp.

Persarum.

Macedon.

Romanorum.

Alexander adversus Illyricos et Thracas feliciter dimicans, subversis Thebis, in Persas arma corripuit, et apud Granicum flumen, regiis ducibus oppressis, urbem Sardeis capit.

Romanor. consul Manlius Torquatus filium suum, quod contra imperium in hostem pugnaverat, virgis caesum securi percussit.

Alexander, capta Tyro, Judaeam invadit, a qua favorabiliter exceptus, Deo victimas immolat, et pontificem templi honoribus plurimis prosequitur, Andromacho locorum custode dimisso, quem postea Samaritani interficiunt: ob quae ab Aegypto reversus Alexander Magnus eos suppliciis affecit, et urbem eorum captam Macedonibus ad inhabitandum tradidit.

Alexandria in Aegypto ab Alexandro condita, septimo anno regni ejus: quo tempore etiam Latini a Romanis perdomiti sunt.

Alexander obtinuit Babylonem, interfecto Dario, in quo Persarum regnum destructum est.

Alexander regnum Asiae anno regni sui 7 occupat, et tenet omnia annis 12.

Anaximenes, et Epicurus clari habentur.

Alexander Hyrcanos et Mardos capit, revertensque in Hammone Paraetonium condidit.

Alexander Aornim petram capit, et Indum amnem transgreditur.

Bellum Alexandri in India adversum Porum, et Taxillen.

Ann. ab Abr. (1690)

0475

 

Olymp. (114)

Aegypto primus regnavit Ptolemaeus Lagi filius, an. 40.

Macedon.

Macedon. XXV, Philippus, qui et Aridaeus, frater Alexandri, an. 7.

Romanorum.

Harpalus fugit in Atticam.

Romani Samnites subigunt, et colonias deducunt.

Alexander 33 aetatis suae anno moritur in Babylone, post quem translato in multos imperio, diversi regnaverunt.

Lydiam, et Thraciam, et Hellespontum Lysimachus tenuit.

Appius Claudius Caecus Romae clarus habetur, qui aquam Claudiam induxit, et viam Appiam stravit.

Macedonum duces in seditionem versi.

Agathocles Syracusis tyrannidem exercet.

Lamiacum bellum motum.

Perdicca adversus Aegyptios dimicat.

Ptolemaeus Lagi filius Jerosolymis et Judaea in ditionem suam dolo redactis, plurimos captivorum in Aegyptum transtulit.

Judaeorum pontifex maximus Onias Jaddi filius clarus habetur.

Ann. ab Abr.

0477

 

Olymp.

Alexandr.

Macedon.

Macedon. XXVI, Cassander, an. 19.

Romanorum.

Menander primam fabulam cognomento Orgen docens superat.

Theophrastus philosophus agnoscitur, qui a divinitate loquendi, ut ait Cicero, nomen accepit.

Theodorus Atheus agnoscitur.

Demetrius Phalereus habetur illustris.

Romani Samnites diutissime contra praeliantes , ad extremum in servitutem sui redigunt.

Menedemus et Speusippus philosophi insignes habentur.

Machabaeorum Hebraea historia hic Graecorum supputat regnum. Verum hi libri inter divinas Scripturas non recipiuntur.

In Asia primus regnavit Antigonus, an. 18.

Ann. ab Abr. (1700)

0479 0479

 

Olymp.

Alexandr.

Macedon.

Romanorum.

Romani Marsos, Umbros, et Pelignos superant.

Romani colonias deducunt.

Lysimachia in Thracia condita.

Ab hoc loco Edesseni sua tempora computant.

Cyprum Ptolemaeus invasit.

Theodorus philosophus Atheus agnoscitur.

Demetrius Phalereus ad Ptolemaeum veniens impetravit, ut Atheniensibus Democratia redderetur, id est, populi potestas.

Seleucus Antiochiam, Laodiciam, Seleucim, Apamiam, Edessam, Beroeam, et Pellam urbes condidit, quarum Antiochiam XII anno regni sui exstruxit.

Asiae.

Primus Seleucus Nicanor Syriae et Babyloniae, et superiorum locorum, regnavit annis 32.

Ann. ab Abr. (1710)

0481

 

Olymp.

Alexandr.

Macedon.

Macedon. XXVII, Antigonus et Alexander, filii Cassandri, an. 4.

Post quos Demetrius, XXVIII, an. 6.

Romanorum.

Seleucus Babyloniam obtinuit.

Judaeorum pontifex maximus Simon Oniae filius clarus habetur, cui cognomentum Justo fuit propter sollicitam in Deum religionem, et in cives suos pronam clementiam.

Demetrius rex Asiae, cognomento Poliorcetes, Samaritanorum urbem vastat, quam Perdicca construxerat.

Censu Romae agitato, inventa sunt civium Romanorum CCLXX millia.

Legati Alexandrini a Ptolemaeo primum Romam missi amicitias impetraverunt.

Menander comicus moritur.

Romani Gallos, Tyrrhenosque superant: et Sabinorum terra sorte dividitur.

Asiae. (18)

Asiae Demetrius II, qui et Poliorcetes, annis 17.

Syriae.

Ann ab Abr. (1720)

0483

 

Olymp.

Alexandr.

Aegypti II, Ptolemaeus Philadelphus, an. 38.

Macedon.

Pyrrhus, XXIX, menses 7. Post quem Lysimachus, XXX, an.

Ptolemaeus, XXXI, cognomento Ceraunus, anno 1. Meleagrus, XXXII, mens. 2. Antipater, XXXIII, dies 45. Post quem Sosthenes, XXXIV, an. 2.

Romanorum.

Seleucus in eas urbes, quas exstruxerat, Judaeos transfert, jus eis civium et municipalem ordinem cum Graecis aequali honore concedens.

Judaeorum pontifex Eleazarus frater Simonis suscepit templi ministerium, filio Simonis Onia parvo admodum derelicto.

Serapis ingressus est Alexandriam.

Conditae a Romanis Ariminum et Beneventum.

Seleucus in Cilicia, capto Demetrio, Syriae et Asiae pariter imperavit.

Sostratus Gnidius Pharum in Alexandria construxit.

Romani Crotonem capiunt.

Asiae.

Syriae.

28 Demetrius semetipsum Seleuco tradit.

Ann. ab Abr. (1730)

0485

 

Olymp.

Alexandr.

Macedon.

Antigonus Gonatas, XXXV, annis 36.

Romanorum.

Ptolemaeus Philadelphus Judaeos, qui in Aegypto erant, liberos esse permisit: et vasa Eleazaro Pontifici Jerosolymarum votiva transmittens, divinas Scripturas in vocem Graecam ex Hebraea lingua per LXX Interpretes transferri curavit, quas in Alexandrina bibliotheca habuit, quam sibi ex omni genere litteraturae comparaverat.

Antigonus cognomento Gonatas Lacedaemonem obtinuit.

Una virginum Romanarum in corruptione deprehensa percutitur.

Milo Romanis Tarentum tradidit.

Romani Calabriam, Messanamque tenuerunt.

Aratus agnoscitur.

Syriae.

Syriae et Asiae post Seleucum regnavit Antiochus Soter, II annis 19.

Ann. ab Abr. (1740)

0487

 

Olymp.

Alexandr.

Macedon.

Romanorum.

Argenteus nummus primum in Urbe figuratus.

Polemon philosophus moritur. Post quem Arcesilas et Crates clari habentur.

Romani colonias deduxerunt, multaeque urbes in Sicilia eis junctae.

Romae virgo Vestalis in stupro detecta, laqueo vitam explet.

Zeno Stoicus moritur, post quem Cleanthes cognoscitur.

Romani Syracusas capiunt.

Nicomedes rex Bithyniae Astacum urbem amplians, Nicomediam nuncupavit.

Romani Carthaginenses navali certamine superant, et centum Libyae urbes capiunt.

Erasistratus medicus agnoscitur.

Syriae.

Syriae Antiochus, III, qui vocabatur Theos, an. 15.

Ann. ab Abr. (1750)

0489

 

Olymp.

Alexandr.

Aegypti III, Ptolemaeus Evergetes, annis 26.

Macedon.

Romanorum.

Antigonus Atheniensibus reddit libertatem.

Judaeorum pontificatum post Eleazarum avunculus ejus Manasses accepit.

Carthaginenses XC Romanorum naves in Sicilia capiunt, Metello consule in fugam verso.

Parthis a Macedonum imperio recedentibus, primus regnavit Arsaces, unde Arsacidae dicti.

Judaeorum pontifex Onias, Simonis Justi filius, clarus habetur, qui consueta regi Ptolemaeo tributa non reddens, ad iram eum compulit. Verum Josephus, inter suos nobilis, legatus a Judaeis ad Ptolemaeum missus, cum familiaritatem regis ob plurima in eum meruisset obsequia, dux Judaeae et regionum finitimarum constituitur.

Censu Romae agitato, inventa sunt hominum CLX millia.

Syriae.

Syriae IV, Seleucus Callinicus, annis 20.

Ann. ab Abr. (1760, 1770)

0491

 

Olymp.

Alexandr.

Macedonum XXXVI, Demetrius, ann. 10.

Antigonus, XXXVII, annis 15.

Romanorum.

Romae templum Vestae incensum.

Q. Ennius poeta Tarenti nascitur, qui a Catone quaestore Romam translatus, habitavit in monte Aventino, parco admodum sumptu contentus, et unius ancillae ministerio.

Virgo Vestalis Romae a servo corrupta, propria manu se interemit.

Judaeorum pontifex maximus Simon, Oniae filius, clarus habetur, sub quo Jesus filius Sirach Sapientiae librum componens, quem vocant Panareton, etiam Simonis in eo fecit mentionem.

XL ferme millia Gallorum a Romanis caesa.

Syriae.

Seleucus. Ceraunus, V, annis 3. (1)

Ann. ab Abr. (1780, 1790)

0493

 

Olymp.

Alexandr.

Aegypti V, Ptolemaeus Philopator, annis 17.

Macedon.

Macedonum XXXVIII, Philippus, annis 42.

Romanorum.

Caria et Rhodos ita terraemotu concussae sunt, ut Colossus magnus rueret.

Ea quae in tertio Machabaeorum libro scripta sunt, sub hoc Ptolemaeo gesta referuntur.

Victi Judaei , et LX millia armatorum ex numero eorum caesa sunt.

Romae virgines Vestae ob stupri reatum terra obrutae.

Syriae.

Antiochus Magnus, VI, annis 36.

Ann. ab Abr. (1800)

0495

 

Olymp.

Alexandr.

Aegypti V, Ptolemaeus Epiphanes, annis 24.

Macedon.

Romanorum.

Eratosthenes philosophus agnoscitur.

Romani, Marcello consule, Syracusas capiunt.

Romani subjugant Capuam et Siciliam.

Antiochus rex Syriae, victo Philopatore Ptolemaeo, Judaeam sibi sociat.

Levinus cum rege Asiae Attalo amicitiam facit.

Judaeorum pontifex maximus Onias, filius Simonis, insignis habetur , ad quem Lacedaemoniorum rex Arrius legatos mittit.

Scipio Hiberiae multas urbes recipit.

Naevius comicus Uticae moritur, pulsus Roma, factione nobilium, ac praecipue Metelli.

Ptolemaeus Epiphanes, Scopa principe militiae destinato, Judaeam capit, et plurimas Syriae civitates.

Plautus ex Umbria Sarsinas Romae moritur, qui propter annonae difficultatem ad molas manuarias pistori se 0497 locaverat; ibi quoties ab opere vacaret, scribere fabulas, et vendere sollicitius consueverat.

Syriae.

Ann. ab Abr. (1810)

0497

 

Olymp.

Alexandr.

Macedon.

Romanorum.

Juxta Theram apparuit insula, quae vocatur Hiera.

Antiochus, Scopa superato, Syriae urbes recepit, et Judaeis voluntate conjungitur.

Romani Graecos liberos esse jusserunt: et universa Hiberia imperata fecit.

Antiochus Judaeorum erga se cognita voluntate, magnis eos muneribus donat, et per epistolas crebris laudibus prosequitur.

Post praelium, quo in Thermopylis est victus Antiochus, hoc inter Romanos et eum convenit, ut mille talenta per annos singulos vectigalis nomine solveret.

Romani multas colonias deduxerunt.

Antiochus in amicitiam Ptolemaei regressus pacem cum eo fecit, et Cleopatra filia sua uxore ei tradita, dotis nomine Syriam, Phoenicen, Samariam, Judaeamque concedit.

Eumenes, frater regis Attali, qui Eumeniam in Phrygia condidit, clarus habetur.

Secundus liber Machabaeorum apud Judaeos hujus temporis gesta continet.

Syriae.

Ann. ab Abr. (1820)

0499

 

Olymp.

Alexandr.

Aegypti VI, Ptolemaeus Philometor, annis 35. (1)

Macedon.

Romanorum.

L. Livius tragoediarum scriptor clarus habetur, qui ob ingenii meritum a Livio Salinatore, cujus liberos erudiebat, libertate donatus est.

Cum ab Antiocho per legatos Hannibal reposceretur, cui se a Scipione victus sociaverat, ad Prusiam regem Bithyniae transfugit; quem cum rursus per Flaminium etiam ab eo Senatus repeteret, et tradendus esset , venenum bibit, et apud Libyssan Bithyniae sepultus est.

Simon praepositus templi Jerosolymorum, ad Apollonium Phoenicis ducem confugiens, multis ei muneribus repromissis, sacerdotium sibi vindicare coepit: quo Seleucus audito, Heliodorum mittit ad negotium providendum: qui cum Judaeam venisset, inique judicans, et multa perperam gerens, divinis adversus se signis deterretur, et ad Seleucum revertitur. Onias autem sacerdos curaverat, ut Simon profugus fieret.

Hyrcanus Josephi ducis Judaeae filius, cum ad Ptolemaeum perrexisset, honorifice ab eo susceptus est. Verum fratres ejus seditione contra eum mota, magnarum calamitatum Judaeae genti causa exstiterunt.

Statius Caecilius comoediarum scriptor clarus habetur: 0501 natione Insuber Gallus et Ennii primum contubernalis: quidam Mediolanensem ferunt. Mortuus est anno post mortem Ennii, et juxta Janiculum sepultus.

Seleucus, VII, qui et Philopator, an. 12.

Ann. ab Abr. (1830)

Olymp.

Alexandr.

Macedon.

Syriae.

Ann. ab Abr.

0503

 

Olymp.

Alexandr.

Macedon.

Macedonum XXXIX, Perses, annis 10.

Romanorum.

Aristobulus , natione Judaeus, Peripateticus philosophus agnoscitur, qui ad Philometorem Ptolemaeum explanationum in Mosen Commentarios scribit.

Antiochus Epiphanes cum de regione Ptolemaeorum, quam subito invaserat, Senatus praecepto recessisset, in Judaeam venit, ibique Jesu, qui et Jason, fratri Oniae pontificatum tradidit; quo deinde expulso, Oniam cognomento Menelaum successorem ei dedit. Itaque ob sacerdotii dignitatem orta seditione inter principes, ingentium miseriarum semina pullulaverunt.

Antiochus Judaeorum legem impugnat: primum quidem omnem eorum provinciam ad idololatriam compellens, 0505 qui parere noluerunt, enecat: postea vero Jerosolymam ascendens, templum et vasa Dei quae ministerio fuerant consecrata, vastat: in templo, Jovis Olympii simulacrum ponit, in Samaria super verticem montis Garizin Jovis Peregrini delubrum aedificat, ipsis Samaritanis ut id faceret precantibus. Verum hoc in tempore Matathias quidam ex sacerdotibus, filius Assamonei, vico Modin, adversum Antiochi duces arma corripiens, fultus etiam auxilio filiorum, leges patrias vindicavit olympiade 153.

Syriae.

Antiochus Epiphanes, VIII, ann. 11.

Ann ab Abr. (1840)

0505

 

Olymp. (154)

Alexandr.

Macedon. (10)

10 Macedonum regnum defecit.

Romanorum.

Ennius poeta septuagenario major articulari morbo periit, sepultusque est in Scipionis monumento via Appia intra primum ab Urbe milliarium. Quidam ossa ejus Rudiam ex Janiculo translata affirmat.

Romani, superato Perse, Macedonas, Illyricos, et Galatas liberos esse jusserunt.

Judaeorum dux Judas, qui et Machabaeus, filius Matathiae, Antiochi duces de Judaea expellens, et templum ab idolorum imaginibus emundans, patrias leges post triennium suis civibus reddidit .

Syriae.

Antiochus Eupator, IX, an. 2.

Ann. ab Abr. (1850)

0507

 

Olymp. (155)

Alexandr.

Primus Judaeorum duae Judas Machabaeus, an. 3.

Judaeorum dux Jonathas. II, an. 19. (1)

Romanorum.

Menelao pontifice Judaeorum a juniore Antiocho occiso, qui prius Judaeam Epiphani Antiocho prodiderat, Alcimus alienus a genere sacerdotali, ambitione pontificatum invadit: ob quod Onias filius pontificis Oniae Aegyptum transmigrans, in Heliopolitano pago civitatem nominis sui condidit, templo ad similitudinem templi patrii constructo. Alcimus vero adversus Judam Machabaeum inimicitias gerens, post non multum temporis, Dei ira percussus interiit; ac sic cum omnium Judaeorum favore, Judae Machabaeo sacerdotium decernitur, qui dignitate suscepta, legatos Romam dirigit: decrevitque senatus Judaeos amicos et auxiliatores Romanorum habendos.

P. Terentius Carthaginensis comoediarum scriptor, ob ingenium et formam libertate donatus, in Arcadia moritur, qui primam Andriam, antequam aedilibus venderet, Caecilio multum se mirari legit.

Judas adversum Demetrii duces inito praelio occiditur, tribus annis pontificatu gesto.

Demetrius Soter, X, an. 12.

Ann. ab Abr. (1860)

0509

 

Olymp.

Alexandr.

Judaeorum.

Romanorum.

Aristarchus grammaticus agnoscitur.

Judaeorum dux Jonathas frater Judae, Bachide duce Demetrii Judaea expulso, pontificatum suscepit.

Pacuvius Brundusinus tragoediarum scriptor clarus habetur, Ennii poetae ex filia nepos, vixitque Romae quoad picturam exercuit, ac fabulas venditavit: deinde Tarentum transgressus, prope nonagenarius diem obiit.

Pseudophilippus regnat in Macedonia anno 1.

Alexander Antiochi, qui Epiphanes cognominatus est, filius, Syriae et Asiae imperans, Jonathan corona et multis insignibus donis prosequitur.

Romani, interfecto Pseudophilippo, Macedonas tributarios faciunt.

Samaritani et Judaei Alexandriae Ptolemaeo judicante contendunt de honoribus ex utraque parte templo suo deferendis, et superant Judaei.

Lucilius poeta nascitur.

Descriptione Romae facta, inventa sunt hominum CCCXXII millia.

Oppius Gallos capit: et Carthago in ditionem Romanorum 0511 per Scipionem redigitur, habens a conditione sui annos 668; ut vero alii affirmant, 748.

Syriae

Alexander, XI, an. 10, mens. 7.

Ann. ab Abr. (1870)

0511

 

Olymp.

Alexandr. (35)

Aegypti VII, Ptolemaeus Evergetes, annis 25.

Judaeorum.

Romanorum.

Jonathas dux Judaeorum pariter et pontifex cum Romanis et Spartiatis amicitias facit.

Alexandro filio Balae, regi Syriae, Ptolemaeus filiam suam tradidit uxorem.

Scipio Numantinos subvertit. Brutus Hiberiam usque ad Oceanum subigit.

L. Accius tragoediarum scriptor clarus habetur, natus Mansino et Serrano Coss. parentibus Libertinis, et seni jam Pacuvio Tarenti sua scripta recitavit: a quo fundus Accianus juxta Pisaurum dicitur: quia illuc inter Colonos fuerat ex Urbe deductus.

Syriae.

Demetrius, XII, an. 3.

Ann. ab Abr.

0513

 

Olymp.

Alexandr.

Judaeorum dux III, Simon, annis 8.

Romanorum.

Tryphon Jonatham pontificem Judaeorum interficit, et in sacerdotium fratris Jonathae Simon assumitur.

Tryphon Antiochum occidit Alexandri filium.

Ptolemaeus filiam suam Demetrio tradit uxorem cum regno quod postulerat Alexandro.

Tryphon Syriae regnum conatus invadere, Antiocho filio Alexandri interfecto ad extremum et ipse super moritur.

Post Demetrium regnavit universae Syriae frater ejus Antiochus, qui cognominatus est Sidetes.

Simoni, Judaeorum pontifici pariter et principi, Romani et Spartiatae, legatione ejus libenter excepta, amicabilia misere rescripta.

Bellum Servile ortum in Sicilia.

Primus liber Machabaeorum hujus temporis historiam continet.

Antiochus Sidetes rex Syriae adversus Judaeam arma corripiens, et Jerosolymam vallo circumdans, cum ad conditiones pontificem Simonem compulisset, recedit olymp. 162.

Attalus moriens regni sui populum Romanum instituit haeredem.

Syriae. (3)

Antiochus Sidetes XIII, an. 9.

Ann. ab Abr. (1880)

0515

 

Olymp. (163)

Alexandr.

Judaeorum. Hyrcanus, IV, qui et Joannes , an. 26.

Romanorum.

Simon Judaeorum pontifex interficitur , cui succedit filius suus Joannes, qui victis Hyrcanis, Hyrcanus cognominatus est.

Ptolemaeus expulsus Aegypto.

Arsaces Parthus Antiochum interfecit.

Servi, qui in Sicilia rebellabant, obsidionis necessitate compulsi, ad sua invicem cadavera devoranda conversi sunt.

Juxta Aeoliae insulas, igne ex flatu suscitato, apparuit insula, quae nunc Hiera vocatur.

Arverni nobilissima Galliarum urbs capta, et rex Vetuitus.

Syriae.

Demetrius, XIV, iterum an. 4.

Ann. ab Abr. (1890)

0517

 

Olymp.

Alexandr.

Aegypti VIII, Ptolemaeus Physcon, qui et Soter, annis 17. (1)

Judaeorum.

Romanorum.

Joannes dux Judaeorum et pontifex adversus Hyrcanos bellum gerens, Hyrcani nomen accepit, et a Romanis jus amicitiae postulans, decreto senatus inter amicos relatus est.

Narbonam coloniae deductae.

Hyrcanus pontifex Judaeorum Samariam, quae vocabatur Ectenias, et nostro tempore Sebaste vocatur, obsidione captam solo coaequavit; quam postea Herodes instaurans Sebasten in honorem Augusti appellari voluit.

Marcus Terentius Varro philosophus et poeta nascitur.

Antiochus Cyzicenus, Grypo ejecto, Syriam obtinuit: 0519 ac rursum Grypus, superato Cyziceno, eamdem recepit. Ita ex successione regnabant adversum se invicem dimicantes.

Syriae. (4)

Antiochus Grypus, XV, annis 12.

Ann. ab Abr. (1900)

0519

 

Olymp.

Alexandr.

Judaeorum.

Aristobolus, V, ann. 1. (1)

Romanorum.

Jugurtha contra Romanos dimicans capitur.

Rhodo terraemotu concussa, Colossus ruit.

Jonathas gloriose apud Judaeos principatum gerit.

M. T. Cicero Arpini nascitur, Matre Helvia, patre equestris ordinis ex regio Volscorum genere.

Cn. Pompeius Magnus oritur.

Aristobolus filius Jonathae rex pariter et pontifex, primus apud Judaeos diadematis sumpsit insigne, post 484 ann. Babylonicae captivitatis.

Syriae.

Antiochus Cyzicenus. XVI, ann. 18.

Ann. ab Abr. (1910)

0521

 

Olymp. (170)

Alexandr.

Judaeorum. Jannaeus, VI, qui et Alexander, ann. 27.

Romanorum.

Post quem regnavit Jannaeus cognomento Alexander, qui pontificatum quoque administrans, crudelissime civibus praefuit.

Turpilius comicus, senex admodum, Sinuessae moritur.

Caius Lucilius satirarum scriptor Neapoli moritur, ac publico funere effertur, an. aetatis 46.

Marcus Furius poeta, cognomento Bibaculus Cremonae nascitur.

Ducenta millia Cimbrorum caesa, et octoginta millia capta per Marium cum duce Teutomodo.

Caius Marius quinquies consul, juxta Eridanum Cimbros superat, et post de iis cum Catulo triumphat.

Thraces a Romanis victi.

Rursum in Sicilia bellum Servile consurgit.

Expulso de regno Ptolemaeo Physcone per matrem Cleopatram, 0523 et in Cyprum secedente.

Syriae.

Ann. ab Abr.

0523

 

Olymp. (171)

Alexandr. Aegypti IX, Ptolemaeus, qui et Alexander, an. 10.

Judaeorum.

Romanorum.

Aquilius in Sicilia bellum Servile compescuit.

Ptolemaeus rex Cyrenaeorum moriens Romanos testamento reliquit haeredes.

Seleucus ab Antiocho filio Cyziceni vivus exuritur.

Titus Lucretius poeta nascitur, qui postea amatorio poculo 0525 in furorem versus, cum aliquot libros per intervalla insaniae conscripsisset, quos postea Cicero emendavit, propria se manu interfecit, anno aetatis 44.

Syriae.

Ann. ab Abr. (1920)

0525

 

Olymp. (172)

Alexandr.

Aegypti X, Ptolemaeus, qui a matre fuerat ejectus, 0527 an. 8.

Judaeorum.

Romanorum.

Antiochus in Parthos fugiens, Pompeio se deinceps tradidit. Post quem Philippus captus est a Gabinio.

Hucusque Syria possessa per reges , in Romanam ditionem cessit.

Bellum adversum Romanos, Picentes, Marsi, Pelignique moverunt.

Lucius Pomponius Bononiensis, Attellanarum scriptor, clarus habetur.

Alexander matrem interemit.

Syriae. Syriae XVII, Philippus, an. 2.

Ann. ab Abr.

0527

 

Olymp.

Alexandr.

1 Regressus de fuga regnum obtinuit, quia Alexandrum, qui ante eum fuerat, ob interfectionem matris cives pepulerant.

Judaeorum.

Romanorum.

Plotius Gallus primus Romae latinam rhetoricam docuit, de quo Cicero sic refert: Memoria teneo, pueris nobis, primum Latine docere coepisse Plotium quemdam.

Caius Valerius Catullus, scriptor lyricus, Veronae nascitur.

Sallustius Crispus, scriptor historicus, in Sabinis Amiterni nascitur.

Sylla Athenienses vastat.

Descriptione Romae facta, inventa sunt hominum Cccclxiii millia.

Templum tertio apud Delphos a Thracibus incensum, et Romae Capitolium.

Jannaeus plurimas civitates capit.

Cicero Quintium defendit 26 anno aetatis.

P. Terentius Varro, vico Atace, in provincia Narbonensi nascitur, qui postea 35 annum agens, Graecas litteras cum summo studio didicit.

Ann. ab Abr. (1930)

0529

 

Olymp.

Alexandr. (8)

Aegypti XI, Ptolemaeus Dionysus, annis 30.

Judaeorum.

Judaeorum VII, Alexandra, annis 9.

Romanorum.

Vultacilius Plotus Latinus rhetor, Cn. Pompeii libertus et doctor scholam Romae aperuit.

Sylla Romam obtinuit, et post biennium moritur.

Roscio contra Chrysogonum defenso, Cicero Athenas secedit, et inde post triennium Romam regreditur.

Pompeius gloriosissime triumphavit.

Lepidus publicus hostis judicatur.

T. Quintius Atta, scriptor Togatarum, Romae moritur, sepultusque via Praenestina ad milliarium secundum.

Alexandra, quae et Salina, uxor Alexandri, Jerosolymis regnavit, ex cujus aetate Judaeos rerum confusio et variae clades oppresserunt.

Bellum gladiatorium in Campania.

Lucius Lucullus primus imperator appellatus est , victa Armenia, Mesopotamia, et Nisibi cum fratre regis capta.

Pompeius universam Hiberiam subjugavit.

M. Lucullus de Bessis triumphavit, capta Cabyle, et Tomis, et caeteris vicinis urbibus.

Ann. ab Abr (1940)

0531

 

Olymp.

Alexandr.

Judaeorum.

Hyrcanus, an. 34. (1)

Romanorum.

Crassus quoque triumphavit.

Virgilius Maro in pago, qui Andes dicitur, haud procul a Mantua nascitur, Pompeio et Crasso coss.

M. Porcius Cato stoicus philosophus agnoscitur.

Antiochia Syriae capta a Romanis.

Creticum bellum ortum, unde Metellus Creticus.

Lucus Daphnensium juxta Antiochiam a Pompeio Apollini consecratur.

Judaei Romanorum vectigales per Pompeium facti, et pontificatum apud eos suscepit.

Aristobulus et Hyrcanus filii Alexandrae, contra se de imperio 0534 dimicantes, occasionem praebuere Romanis, ut Judaeam invaderent. Itaque Pompeius Jerosolymam veniens, capta urbe, et templo reserato, usque ad Sancta sanctorum accedit, Aristobulum vinctum secum adducit, pontificatum confirmat Hyrcano, deinde Antipatrum Herodis Ascalonitae filium procuratorem Palaestinae facit.

Ann. ab. Abr. (1950)

0533

 

Olymp. (179)

Alexandr.

Judaeorum.

Romanorum.

Libya per testamentum Appionis regis Romanis relicta.

Horatius Flaccus, satiricus et lyricus poeta, Libertino patre Venusii nascitur.

Apollodorus Pergamenus, Graecus orator, praeceptor Callidii et Augusti, clarus habetur.

Pompeius, captis Jerosolymis, tributarios Judaeos facit.

Ea quae de Catilina, Cethego, Lentulo, consule Cicerone, Sallustius scribit , hoc gesta sunt tempore.

Cicero in exsilio annum facit, honorifice susceptus a Plantio.

Pompeius imperator appellatus.

Ann. ab Abr.

0535

 

Olymp.

Alexandr.

Aegypti Cleopatra, an. 22. (1)

Judaeorum.

Romanorum.

Caesar Lusitaniam, et quasdam insulas in Oceano capit.

Messalla Corvinus orator nascitur, et Titus Livius Patavinus scriptor historicus.

Virgilius Cremonae studiis eruditur.

Catullus 30 aetatis suae anno Romae moritur.

M. Callidius orator clarus habetur, qui bello postea civili Caesareanas partes secutus, cum Togatam Galliam regeret, Placentiae obiit.

Caesar Rhenum transiens, Germanos vastat.

Crassus consul cum filio suo apud Carras captus.

Ventidius, primus Romanorum, Parthos superat.

Curio promptus et popularis orator Romae habetur insignis; qui deinceps in Africa, pudore amissi exercitus, mori maluit quam evadere.

Virgilius, sumpta toga, Mediolanum transgreditur, et post breve tempus Romam pergit.

Simulacrum Olympiaci Jovis tactum fulmine.

Caesar Germanos et Gallos capit.

Principium belli civilis Caesaris et Pompeii.

Ann. ab Abr. (1960)

0537

 

Olymp. (183)

Alexandr.

Judaeorum.

Romanorum.

Diodorus Siculus Graecae scriptor historiae, clarus habetur. Finis Reipublicae, principiumque Romani imperii. Caius Julius Caesar primus apud Romanos singulare obtinuit imperium, a quo Caesares Romanorum principes appellati.

Romanorum primus C. Julius Caesar, an. 4, menses 7.

Ab hoc loco Antiocheni sua tempora computant.

1 Pompeius praelio victus, et fugiens, a spadonibus Alexandrini regis occiditur.

Marcus Coelius praetor, et T. Annius Milo exsul, oppressi, res novas in Thuriano, Brutioque agro simul molientes.

2 Ptolemaei cadaver cum lorica aurea in Nilo inventum.

Caesar in Aegypto regnum Cleopatrae confirmat ob stupri gratiam.

3 Romae Basilica Julia dedicata.

Decretum senatus, et Atheniensium ad Judaeos mittitur, qui per legationem amicitiam postularant.

Ann. ab Abr. (1970)

0539

 

Olymp. (184)

Alexandr.

Judaeorum.

Romanorum.

Cleopatra regio comitatu Urbem ingressa.

Prohibitae lecticis, margaritisque uti, quae nec viros, nec liberos haberent, et minores essent annis 44.

5 Nigidius Figulus pythagoricus et magus in exsilio moritur.

Antonius decernit Quintilem mensem, Julium debere dici: quia in eo fuisset natus Julius Caesar.

Cassius, Judaea capta, templum spoliat.

Idibus Martiis, C. Julius Caesar in Curia occiditur, et fasces statim suscepit Publius Dolabella.

Caii Caesaris corpus in rostris, ob honorem, concrematum.

Servius Sulpitius jureconsultus, et Publius Servilius Isauficus, publico funere elati.

Romae tres simul soles exorti paulatim in eumdem orbem coierunt.

Inter caetera portenta, quae toto orbe facta sunt, bos in suburbano Romae ad arantem locutus est, frustra se urgeri: non enim frumenta, sed homines brevi defuturos.

Romanorum II, regnavit Octavianus Caesar Augustus, an. 56, menses 6. (A quo Augusti Romanorum reges appellati.) (1)

1 Antonius adversum Caesarem Augustum bellum movet.

0541 Laberius, mimorum scriptor, decimo mense post Caesaris interitum, Puteolis moritur.

Publius mimographus, natione Syrus, Romae scenam tenet.

Cicero in Phormiano suo ab Herennio et Popilio occiditur, 64 aetatis suae anno.

Ciceronis caput cum manu dextra pro Rostris positum, juxtaque coronata imago Popilii militis, qui eum occiderat.

Ann. ab Abr.

0541

 

Olymp

Alexandr.

Judaeorum.

Romanorum.

3 Ovidius Naso nascitur in Pelignis.

Caius Falcidius tribunus plebis legem tulit, ne quis plus testamento legaret, quam ut quarta pars haeredibus superesset, si quatuor, aut minus essent. Si autem plus quatuor, medietas eo tenore, ut sive liberis, sive propinquis idem exteris pater sua legaret, illa pars quam Falcidius constituit, nisi pater interdixerit, et legatis fruentibus, et eisdem carentibus aequanimiter partiretur.

Curtius Salassus in insula Arada, cum quatuor cohortibus vivus combustus est, quod tributa gravius exigeret.

Vibium Maximum designatum quaestorem agnovit dominus suus, et abduxit.

E taberna meritoria trans Tiberim, oleum terra erupit, fluxitque toto die sine intermissione, significans Christi gratiam ex gentibus .

Antonium superat Augustus, et interveniente senatu, in amicitiam cum eo regreditur.

Cornificius poeta a militibus desertus interiit, quos saepe fugientes galeatos lepores appellat. Hujus soror Cornificia, cujus insignia exstant epigrammata.

0543 Templum Rhodiorum depopulatus est Cassius.

Secunda secessio Augusti et Antonii.

Ann. ab Abr.

0543

 

Olymp.

Alexandr.

Judaeorum.

Romanorum.

4 Cornelius Nepos scriptor historicus clarus habetur.

5

7 Fornii pater et filius clari oratores habentur, quorum filius consularis ante patrem moritur.

9 Sallustius diem obiit, quadriennio ante Actiacum bellum.

Marcus Bavius poeta, quem Virgilius in Bucolicis notat, in Cappadocia moritur.

10 Antigonus contra Judaeos dimicans, tandem occiditur, a quo usque in praesens tempus Jerosolymitarum regnum destructum est. Siquidem Herodes post eum a Romanis constitutus est princeps alienigena, et nihil omnino pertinens ad Judaeam.

Herodes Antipatri Ascalonitae, et matris Cypridis Arabicae 0546 filius, a Romanis Judaeorum suscepit principatum: cujus tempore, Christi nativitate vicina, regnum, et sacerdotium Judaeae, quod prius per successiones minorum tenebatur, destructum est, completa prophetia, quae ita per Mosen loquitur: Non deficiet princeps ex Juda, neque dux de femoribus ejus, donec veniat, cui repositum est. Et ipse erit exspectatio gentium. In hoc etiam loco, Christus, quem Danielis scriptura praefatur, accepit finem. Nam usque ad Herodem, christi, id est, sacerdotes erant reges Judaeorum, qui imperare coeperunt a 65 olympiade, et ab instauratione templi sub Dario usque ad Hyrcanum, et ad 186 olympiadem, annis 433 in medio transactis: quos Daniel quoque significat, dicens: Et scies et intelliges ab initio sermonis respondendi, et aedificandi Jerusalem usque ad Christi principatum, hebdomades 7 et hebdomades 62. Quae 69 hebdomades faciunt annos 483, in quibus christi, id est, sacerdotes per unctionem consecrati regnaverunt usque ad Hyrcanum: quo extremo omnium a Parthis capto, Herodes Antipatri filius nihil ad se pertinentem Judaeam ab Augusto et senatu accepit: filiique ejus post eum regnaverunt usque ad novissimam Jerosolymitarum captivitatem, nequaquam ex 0547 successione sacerdotalis generis pontificibus constitutis, perpetuitate vitae secundum legem Moysi servientibus Deo. Ignobiles vero quidam, et alio tempore alii, et nonnulli unius anni, sive modico amplius, a Romanis imperatoribus sacerdotium emebant. Quae omnia etiam Daniel Propheta vaticinatur, dicens: Et post hebdomadas septem et sexaginta duas interibit chrisma, et judicium non erit in eo, et templum et sanctum corrumpet populus duce veniente: et caedentur in cataclysmo belli. Et in sequentibus: Et super templum, inquit, abominatio desolationum: et usque ad consummationem temporis, consummatio dabitur super desolationem.

Ann. ab Abr. (1980)

Olymp.

Alexandr.

Judaeorum.

Romanorum.

Ann. ab Abr.

0547

 

Olymp.

Alexandr. (18)

Judaeorum. Deficiente Pontificum principatu, Judaeis regnavit Herodes alienigena, an. 37. (1)

Romanorum. (11)

Herodes Ananelum quemdam de Babylone accitum, pontificem Judaeorum constituit, et post exiguum temporis Aristobulum fratrem uxoris suae, nepotem Hyrcani successorem ei dedit, quo post annum interfecto, rursum Ananelo reddidit sacerdotium.

Lunae, secundum Romanos, cursus inventus.

11 Antonii et Augusti foedus.

0549 Colonias deduxere Romani.

Augustus triumphavit pedestris certaminis triumpho.

Ann. ab Abr.

0549

 

Olymp. (187)

Alexandr.

Aegypti regnum. quod fuit in Alexandria, destructum est.

Judaeorum.

Romanorum.

12 Antonius Cleopatrae Arabiam tradidit.

13 Augusti et Antonii tertiae dissensionis exordium, quod repudiata sorore Caesaris, Cleopatram induxisset uxorem.

14 Nicetes, et Hibreas, et Theodorus, et Plution nobilissimi artis rhetoricae Graeci praeceptores habentur.

15 Cleopatra et Antonius semet interficiunt, et Aegyptus fit Romana provincia, quam primus tenuit Caius Cornelius Gallus, de quo Virgilius scribit in Bucolicis. Usque ad Cleopatram Ptolemaei, qui vocabantur Lagidae, in Aegypto regnaverunt annis 295.

Artorius medicus Augusti, post Actiacam victoriam naufragio perit.

Quidam ab hoc loco primum annum Augusti monarchiae supputant.

Caesar Augustus appellatus, a quo Sextilis mensis Augusti nomen accepit.

Cum ingenti triumphorum pompa Augustus Romam ingressus, et Cleopatrae liberi, Sol et Luna ante currum ejus ducti.

Nicopolis juxta Actium condita et agon Actiacus constitutus.

Augustus Romanis plurimas leges statuit.

Ann. ab Abr.

0551

 

Olymp. (188)

Judaeorum.

Romanorum.

16 Censu Romae agitato, inventa sunt civium Romanorum XL centena et LXIII millia.

Coloniae deductae.

Anaxilaus Larisseus Pythagoricus et Magus ab Augusto Urbe Italiaque pellitur.

M. Terentius Varro philosophus prope nonagenarius moritur.

Thebae Aegypti usque ad solum erutae.

17 Cornelius Gallus Forojuliensis poeta, a quo primum Aegyptum rectam, supradiximus, 43 aetatis suae anno propria se manu interfecit.

Trallis terraemotu consederunt.

18 Indi ab Augusto per legatum amicitiam postularunt.

Messala Corvinus primus praefectus Urbis factus, sexto die magistratu se abdicavit, incivilem potestatem esse contestans.

19 Augustus Calabriam et Gallos vectigales facit.

Munacius Plancus, Ciceronis discipulus, orator habetur insignis, qui cum Galliam Comatam regeret, Lugdunum condidit.

Marcus Lollius Galatiam provinciam facit.

Augustus, cum ei monarchia deferretur, renuit.

Ann. ab Abr. (1990)

0553

 

Olymp.

Judaeorum.

Romanorum.

20 Quintilius Cremonensis Virgilii et Horatii familiaris moritur.

22 Augustus Cyzicenos libertate privavit.

Pylades Cilix pantomimus, cum veteres ipsi canerent atque saltarent, primus Romae chorum et fistulam sibi praecinere fecit.

23 Tiberius ab Augusto missus occupavit Armeniam.

Atratinus , qui septem decim natus annis Coelium accuraverat, clarus inter oratores habetur: ad extremum morborum taedio in balneo, voluntate exanimatus, haeredem reliquit Augustum.

Cantabri res novas molientes opprimuntur.

24 Herodes apud Jerosolymam multas et magnas construxit aedes.

25 Virgilius Brundusii moritur, Sentio Saturnino et Lucretio Cinna coss.

Ossa ejus Neapolim translata in secundo ab urbe milliario sepeliuntur, titulo istiusmodi suprascripto, quem moriens ipse dictaverat:

Mantua me genuit, Calabri rapuere, tenet nunc
Parthenope, cecini pascua, rura, duces.

26 Herodes Samariam olim jam in cineribus sedentem, a fundamentis suscitans, in honorem Augusti Augustam, id est, Sebasten appellavit, et in Paneade id quod Panion vocatur, exstruxit.

Augustus Samiis libertatem dedit.

Ann. ab Abr.

0555

 

Olmyp.

Judaeorum.

Romanorum.

27 In Cypro plurimae civitatum partes terraemotu conciderunt.

Germanos in arma versos M. Lollius superat.

Varius et Tucca, Virgilii et Horatii contubernales, poetae habentur illustres, qui Aeneidum libros postea emendaverunt sub lege ea, ut nihil adderent.

28 Augustus Caium Agrippam adoptavit in filium.

Aemilius Macer Veronensis poeta in Asia moritur.

29 Tiberius Vindelicos, et eos qui Thraciarum confines erant, Romanas provincias facit.

30 Coloniae Berytum et Patras deductae.

Bosphorum Agrippa capit.

31 Cestius Smyrnaeus rhetor Latine Romae docuit.

Augustus a senatu pontifex maximus appellatur.

32 Herodes Caesaream in nomine Caesaris condidit, quae prius turris Stratonis vocabatur.

Herodes Anthidonam condidit, et Antipatridam: atque Herodionem in honorem patris Antipatri et suum exstruxit: innumerabilia quoque opera in singulis Syriarum urbibus, quas regebat, solertissime aedificavit.

33 Tiberius Caesar de captivis Pannoniis triumphat.

35 Horatius 57 aetatis suae anno Romae moritur.

Passienus pater, declamator insignis, diem obiit.

C. Julius Hyginus cognomento Polyhistor, grammaticus habetur illustris.

Tiberius, vastata Germania, imperator appellatur.

36 Herodes Hyrcanum, qui olim sacerdos Judaeorum fuerat, de captivitate Parthica regressum, et filium ejus, qui sacerdotio patris successerat, interfecit : sororem quoque ejus uxorem suam, cum duobus propriis filiis jam adolescentibus, et matrem uxoris occisae, socrum suam, crudelissime necat.

Ann. ab Abr. (2000)

0557

 

Olymp. (194)

Judaeorum.

Romanorum.

38 Tiberius de Rhetis, Vindelicis, Armenis, ac Pannoniis triumphavit.

Albutius Silo Novariensis clarus rhetor agnoscitur.

In insula Coo terraemotu plurima conciderunt.

39 Augustus Juliam filiam suam in adulterio deprehensam damnat exsilio.

M. Tullius Tyro Ciceronis libertus, qui primus notas commentus est, in Puteolano praedio usque ad centesimum annum consenescit.

Augustus gladiatorium ludum, et navale certamen exhibuit.

40 Melissus Spoletinus grammaticus agnoscitur.

M. Porcius Latro, Latinus declamator, taedio duplicis quartanae semet interfecit. Herodes ad ea quae supra crudeliter gesserat, etiam hoc addidit, virum sororis suae Salomae interfecit, et cum eam alii tradidisset uxorem, etiam hunc necat: Scribas quoque et interpretes divinae legis simili scelere occidit.

41. Tertullianus in eo libro, quem contra Judaeos scripsit, affirmat Christum 41 anno Augusti natum, et 15 Tiberii esse passum.

42 Edicente Caesare, ex senatusconsulto Quirinus in Judaeam missus, census hominum, possessionumque describit.

0559 Jesus Christus filius Dei in Betheleem Judae nascitur, quo anno coepit Christianorum salus: qui et primus annus Christianae salutis numeratur. Colliguntur omnes anni ab Abraham usque ad nativitatem Christi, anni 2015.

C. Caesar amicitiam cum Parthis fecit.

Xystus Pythagoricus philosophus agnoscitur.

An. Dom. (1)

Ann. ab Abr. (2010, 2015)

0559

 

Olymp.

Judaeorum.

Romanorum.

An. Dom.

Ann. ab Abr.

0561

 

Olymp.

Judaeorum.

Judaeorum dux Archelaus, annis 9. (1)

Romanorum.

43 Augustus Tiberium et Agrippam in filios adoptat.

Judas Galilaeus ad rebellandum Judaeos, ne acquiescerent solvere tributa Romanis, cohortatur.

44 Herodes cum Christi nativitatem, Magorum indicio, cognovisset, universos in Bethleem parvulos jussit interfici.

47 Asinius Pollio orator et consularis, qui de Dalmatis triumpharat, 70 aetatis suae anno in villa Tusculana moritur.

Herodes morbo intercutis aquae, et scatentibus toto corpore vermibus, miserabiliter et digne moritur.

48 In Herodis locum filius ejus Archelaus , ab Augusto substituitur, et Tetrarchae fiunt quatuor fratres ejus, Herodes, Antipater, Lysias, et Philippus.

An. Dom.

Ann. ab Abr. (2020)

0563

 

Olymp.

Judaeorum.

Romanorum.

49 Fames Romae ita ingens facta, ut quinque modii venderentur denariis 27 semis.

Philisthion mimographus, natione Magnesianus, Romae clarus habetur.

50 Tiberius Caesar Dalmatas, Sarmatasque in Romanam redigit potestatem.

51 Athenodorus Tarsensis Stoicus philosophus, et M. Verrius Flaccus grammaticus, insignes habentur.

52 Athenienses res novas contra Romanos molientes opprimuntur, auctoribus seditionis occisis.

Jesus Christus in medio doctorum disputat, mirantibus illis, eo quod resistere sapientiae suae non poterant.

53 Messala Corvinus orator ante biennium quam moreretur, ita memoriam ac sensum amisit, ut vix pauca verba conjungeret, et ad extremum ulcere sibi circa sacram spinam nato, inedia se confecit, annos aetatis 72.

55 Augustus cum Tiberio filio suo censum Romae agitans, invenit hominum nonagies tercentena et septuaginta millia.

Sotio philosophus Alexandrinus, praeceptor Senecae clarus habetur.

56 Archelaus nono anno regni sui, in Viennam urbem Galliae relegatur.

0565 Defectio solis facta , et Augustus 76 aetatis suae anno, Atellae in Campania moritur, sepeliturque Romae in campo Martio.

An. Dom.

Ann. ab Abr.

0565

 

Olymp. (199)

Judaeorum principatum tenet Herodes Tetrarcha annis 24.

Romanorum III, Tiberius regnavit annis 23, vel 21, ut aiunt nonnulli.

1 Tiberius quasi coactus, et querens miseram et onerosam jungi sibi servitutem, imperium recepit.

Caius Asinius Gallus orator, Asinii Pollionis filius, cujus etiam Virgilius meminit, diris a Tiberio suppliciis necatur.

4 T. Livius historiographus Patavii moritur.

Ovidius poeta in exilio diem obiit, et juxta oppidum Tomos sepelitur.

Germanicus Caesar de Parthis triumphat.

5 Tredecim urbes terraemotu corruerunt, Ephesus, Magnesia, Sardis, 0567 Mosthene, Aegaee, Hierocaesarea, Philadelphia, Tmolus, Temnus, Cymae, Myrhina, Apollonia, Hyrcania.

An. Dom.

Ann. ab Abr. (2030)

0567

 

Olymp.

Judaeorum.

Romanorum.

6 Fenestella, historiarum scriptor, septuagenarius moritur, sepeliturque Cumis.

7 Tiberius multos reges ad se per blanditias evocatos numquam remisit: in quibus Archelaum Cappadocem, cujus regno in provinciam verso, Mazacam nobilissimam civitatem, Caesaream appellare jussit.

8 Pompeii theatrum incensum.

Tiberius Drusum consortem regni facit.

9 Drusus Caesar veneno periit.

10 Quintus Atherius, promptus et popularis orator, usque ad 90 prope annum summo honore consenescit.

11 Servius Plautus corrupti filii reus semet in judicio interficit.

12 Philippus tetrarcha Paneadem, in qua plurimas aedes construxerat, Caesaream Philippi vocavit, et Juliadem aliam civitatem.

An. Dom.

Ann. ab Abr. (2040)

0569

 

Olymp. (202)

Judaeorum.

Romanorum.

13 Pontius Pilatus procurator Judaeae a Tiberio mittitur.

14 Votienus Montanus Narbonensis orator in Balearibus insulis moritur, illuc a Tiberio relegatus.

Herodes Tiberiadem condidit, et Libiadem.

15 Joannes filius Zachariae in deserto juxta Jordanem fluvium praedicans, Christum filium Dei in medio eorum adesse testatur. Ipse quoque Dominus Jesus Christus hinc in populos salutarem viam annuntiat, signis atque virtutibus vera comprobans esse, quae diceret.

Computantur in praesentem annum, id est 15 Tiberii Caesaris, a secundo anno instaurationis Templi, quae facta est sub altero anno Darii regis Persarum, anni 548;—a Salomone autem et prima aedificatione templi, anni 1060;—a Mose, et egressu Israelis ex Aegypto, ann. 1539;—ab Abraham et regno Nini et Semiramidis, an 2044;—a diluvio usque ad Abraham 942;—ab Adam usque ad diluvium an. 2242.

16 Principium octuagesimi primi jubilaei secundum Hebraeos.

Jesus Christus filius Dei salutarem cunctis praedicans viam, miracula quae in Evangeliis scripta sunt, facit.

17 Jesus Christus filius Dei, discipulos suos divinis imbuens sacramentis, ut universis gentibus conversionem ad Deum nuntient, imperat.

18 Jesus Christus filius Dei, secundum prophetias, quae de eo fuerant 0571 praelocutae, ad passionem venit anno Tiberii 18, quo tempore etiam in aliis ethnicorum commentariis haec ad verbum scripta reperimus: Solis facta defectio, et tenebrae super universam terram. Bithynia terraemotu concussa, et in urbe Nicaena aedes plurimae corruerunt. Quae omnia his congruunt, quae in passione Salvatoris acciderunt. Scribit vero super his et Phlegon, qui olympiadarum egregius supputator est, in XIII libro ita dicens: Quarto autem anno 202 olympiadis, magna et excellens inter omnes, quae ante eam acciderant, defectio solis est facta; dies hora sexta in tenebrosam noctem versus, ut stellae in coelo visae sint, terraeque motus in Bithynia Nicaenae urbis multas aedes subvertit. Haec supradictus vir. Argumentum autem hujus rei, quod Salvator isto anno passus sit, Evangelium praebet Joannis, in quo scribitur, post decimum quintum annum Tiberii Caesaris, tribus annis Dominum praedicasse. Josephus etiam vernaculus Judaeorum scriptor, circa haec tempora die Pentecostes sacerdotes primum commotiones locorum, et quosdam sonitus sensisse testatur. 0573 Deinde ex adyto Templi repentinam subito erupisse vocem dicentium: Transmigremus ex his sedibus. Scribit autem memoratus vir, quod eodem anno Pilatus praeses secreto noctis imagines Caesaris in templo statuerit. Sed repugnantibus Judaeis, et cum quasi uno consilio ad mortem praeparati, nudatas illico cervices ad recipiendos ictus, omnes proni paraverant, Pilatus motus statuas jussit auferri. Et haec prima seditionis et turbarum Judaeis causa exstiterit.

An. Dom.

Ann. ab Abr.

Olymp.

Judaeorum.

An. Dom.

Ann. ab Abr.

0573

 

Olymp. (203)

Judaeorum.

Romanorum.

Ecclesiae Jerosolymorum primus episcopus ab Apostolis ordinatur Jacobus frater Domini.

Ex hoc loco considerandum, quantae deinceps calamitates Judaeorum gentem oppresserint.

19 Cassius Severus orator egregius, qui Quintianum illud Proverbium luserat, 25 exsilii sui anno summa inopia moritur, vix panno verenda contectus.

Stephanus lapidatur: Saulus ad Christum convertitur.

20 Pilatus post supradictam seditionem, quae ob Caesaris imagines fuerat concitata, sacrum thesaurum, quem Corbonam Judaei vocant, in aquaeductum Jerosolymorum expendens, secundae seditionis praebuit semina.

21 Sejanus praefectus Tiberii, qui apud eum plurimum poterat, instantissime cohortatur, ut gentem Judaeorum deleat: Philo meminit in libro Legationis II.

Jacobus frater Joannis Apostoli, jubente Herode rege, capite truncatus occiditur.

Petrus Apostolus ab Herode in carcerem trusus, et vinctus catenis duabus, mirabiliter ab angelo liberatur.

0575 Persius Flaccus Satiricus poeta Volaterris nascitur.

An. Dom.

Ann. ab Abr. (2050)

0575

 

Olymp. (204)

Judaeorum.

Judaeorum Agrippa, an. 7. (1)

Romanorum.

22 Agrippa filius Aristobuli, filii Herodis regis, accusator Herodis tetrarchae, Romam profectus a Tiberio in vincula conjicitur, eo quod publice Deum precatus fuisset, ut, mortuo statim Tiberio, Caium cunctorum dominum videret.

23 Pilato de Christianorum dogmate ad Tiberium referente, Tiberius retulit ad senatum, ut inter caetera sacra reciperetur. Verum cum ex consulto patrum, Christianos eliminari Urbe placuisset, Tiberius per edictum accusatoribus Christianorum comminatus est mortem: scribit Tertullianus in Apologetico.

Petrus Apostolus Antiochenam Ecclesiam fundavit, ibique cathedram adeptus, sedit annis 25.

Multi senatorum et equitum Romanorum interfecti.

Tiberius in Campania moritur in Lucullana villa.

Romanorum IV, Caius Caligula regnavit annis 3, menses 10.

1 Caius Caesar cognomento Caligula, Agrippam vinculis liberatum, regem Judaeae facit.

Caius semetipsum inter deos refert.

Flaccus Avilius praefectus Aegypti, multis Judaeos calamitatibus premit, consentiente Alexandriae populo, et crebris adversus eos clamoribus personante: synagogas quoque eorum imaginibus, statuis, aris et victimis polluit.

2 Refert Philo in eo libro, qui Flaccus inscribitur, haec omnia se praesente gesta, ob quae etiam legationem ad Caium ipse susceperat.

0577 Passienus filius fraude haeredis suae necatus.

An. Dom.

Ann. ab Abr.

0577

 

Olymp. (205)

Judaeorum.

Romanorum.

3 Matthaeus in Judaea Evangelium primus scribit.

Caius cognomento Caligula, Memmii Reguli duxit uxorem, impellens eum, ut uxoris suae patrem esse se scriberet.

Pontius Pilatus in multas incidens calamitates, propria se manu interfecit: scribunt Romanorum historici.

Caius Petronio praefecto Syriae praecepit, ut Jerosolymis statuam suam sub nomine Jovis Optimi Maximi poneret: quod Judaei maxima negaverunt obstinatione.

Toto orbe Romano, sicut Philo scribit, et Josephus, in Synagogis Judaeorum statuae, et imagines, et arae C. Caesaris consecratae.

Plurimi nobilium a Caio interfecti.

Caius sorores suas, quibus stuprum intulerat, insulari exsilio condemnavit.

4 Caius omnes exsules jussit interfici.

Caius a protectoribus suis occiditur in palatio, anno aetatis suae 29.

Romanorum V, Claudius regnavit an. 13, mens. 8, dieb. 28.

1 Iste est Claudius patruus Drusi, qui apud Moguntiacum monumentum habet: Alibi legi, avunculus, quia frater matris Caii fuit.

2 Petrus Apostolus natione Galilaeus, Christianorum Pontifex primus, cum primum Antiochenam Ecclesiam fundasset, Romam proficiscitur, ubi Evangelium praedicans 25 annis ejusdem urbis episcopus perseverat.

An. Dom.

Ann. ab. Abr.

0579

 

Olymp.

Judaeorum.

Romanorum.

3 Marcus Evangelista interpres Petri, Aegypto et Alexandriae Christum annuntiat.

Primus Antiochiae episcopus ordinatur Evodius.

4 Agrippa rex Judaeorum an. 7 imperans moritur.

Post quem filius ejus Agrippa, a Claudio substituitur in regnum.

Prophetia Agabi, quae in Actibus Apostolorum famem in toto orbe futuram dixerat sub Claudio expletur.

Claudius de Britannis triumphavit, et Orchadas insulas Romano adjecit imperio, In cujus gloriae memoriam filium suum Britannicum appellavit.

Domitius Afer Nemausensis clarus orator habetur, qui postea, Nerone regnante, ex cibi redundantia in coena moritur.

Claudus Quirinalis Rhetor Arelatensis Romae insignissime docet.

Inter Theram et Therasiam exorta est insula habens stadia 30.

An. Dom.

Ann. ab Abr. (2060)

0581

 

Olymp. (206)

Judaeorum Agrippa superioris Agrippae filius, an. 26.

Romanorum.

5 Descriptione Romae facta sub Claudio inventa sunt civium Romanorum 68 centena et 44 millia.

Claudius circa haec tempora Fucinum lacum exsiccavit, 11 annos triginta hominum millibus sine intermissione operantibus.

Portum Ostiae Claudius exstruxit, dextra laevaque duobus quasi brachiis objectis.

6 Thracia hucusque regnata, in Romanorum provinciam redigitur.

Maria virgo Jesu Christi mater ad Filium in coelum assumitur, ut quidam fuisse sibi revelatum scribunt.

7 Sub procuratore Judaeae Cumano in diebus azymorum tanta est Jerosolymis orta seditio, ut in portarum exitu, populo corruente, 30 millia Judaeorum perierint.

8 Palaemon Vicetinus insignis grammaticus Romae habetur, qui quondam interrogatus, quid inter stillam et guttam interesset: Gutta, inquit, stat, et stilla cadit.

0583 M. Antonius Liberalis Latinus rhetor gravissimas inimicitias cum Palaemone exercet.

An. Dom.

Ann. ab Abr.

0583

 

Olymp.

Judaeorum.

6

Romanorum.

9 Fame facta in Graecia, modius sex drachmis venundatus est.

Tres simul soles apparuerunt, statimque simul in eumdem orbem coierunt.

10 Magna fames Romae.

Dionysius Areopagita praestabilis olim philosophus claret.

11 Claudius Felicem procuratorem Judaeae mittit, apud quem Paulus apostolus accusatus in defensionem sui perorat.

12 Philippus apostolus Christi apud Hierapolim Asiae civitatem, dum Evangelium populo nuntiaret, cruci affixus, lapidibus opprimitur.

13 Sub Felice procuratore Judaeae exstiterunt multi, qui populum sua persuasione deciperent, in quibus et Aegyptius quidam pseudopropheta fuit, qui plurimos sibi associans, in ipso magnarum rerum conatu per exercitum Felicis opprimitur. Scribit Josephus consentanea apostolorum Actibus, in quibus Paulo dicitur a Tribuno: Nonne tu es Aegyptius, qui ante hos dies concitasti, et eduxisti in desertum quatuor millia virorum?

14 Claudius moritur in Palatio, anno aetatis suae 64.

Romanorum VI, Nero regnavit annis 13, mensibus 7, diebus 28.

1 Hujus avunculus fuit Caius Caligula.

Felice regente Judaeam, seditio in Caesarea Palaestinae orta magnam Judaeorum multitudinem perdidit.

2 Festus in gubernatione succedit Felici, apud quem, praesente Agrippa rege, Paulus apostolus religionis suae rationem exponens, vinctus Romam mittitur.

Probus Berytius eruditissimus grammaticorum, Romae agnoscitur.

An. Dom.

Ann. ab Abr. (2070)

0585

 

Olymp.

Judaeorum.

Romanorum.

3 Statius Surculus Tholosanus in Gallia, celeberrime rhetoricam docuit.

4 Terraemotus Romae, et solis defectio.

5 Nero Agrippinam matrem suam et sororem patris interficit.

6 Nero tantae luxuriae fuit, ut frigidis et calidis lavaretur unguentis, retibusque aureis piscaretur, quae purpureis funibus extrahebat.

Nero Romae cithara contendens superat.

Festo in magistratu Judaeae succedit Albinus.

7 Jacobus, frater Domini, quem omnes Justum appellabant, a Judaeis lapidibus opprimitur: in cujus thronum Simeon, qui et Simon secundus assumitur.

8 Ante mensam Neronis fulmen cecidit.

Post Marcum Evangelistam primus Alexandrinae ecclesiae ordinatur episcopus Annianus, qui praefuit annis 22.

9 Persius Volaterranus, Satiricus poeta, moritur anno aetatis suae 29.

Thermae a Nerone aedificatae, quas Neronianas appellavit.

Nero Romae in citharistarum agone contendens omnes superat.

10 M. Annaeus Lucanus, Cordubensis poeta, in Pisoniana conjuratione deprehensus, brachium ad secandas venas medico praebuit.

Nero, ut similitudinem ardentis Trojae inspiceret, plurimam partem Romanae urbis incendit.

0587 In Asia tres urbes terraemotu conciderunt, Laodicia, Hierapolis, Colossae.

Albino procuratori Judaeae Cestius Florus succedit, sub quo Judaei contra Romanos rebellaverunt.

Junius Annaeus Gallio frater Senecae egregius declamator propria se manu interfecit.

An. Dom.

Ann. ab Abr. (2080)

0587

 

Olymp. (211)

Judaeorum.

Romanorum.

11 Non est acta (olympias), Nerone in suam praesentiam differente.

Duae tantum provinciae sub Nerone factae, Pontus Polemoniacus, et Alpes Cottiae, Cottio rege defuncto.

Multi nobilium Romae a Nerone interfecti.

Nero in olympiade coronatur, cerycas, citharistas, tragoedos, aurigas vario certamine superans.

Lucius Annaeus Seneca Cordubensis, praeceptor Neronis, et patruus Lucani poetae, incisione venarum, et veneni haustu periit.

12 Rursum Nero isthmia, pythia, actia celebrans, inter cerycas, tragoedos, et citharistas coronatur .

0589 Neroni in expensas centies centena millia decreto senatus annua subministrantur.

An. Dom.

Ann. ab Abr.

0589

 

Olymp.

Judaeorum.

Romanorum.

13 Nero cum caeteris viris insignibus et Octaviam uxorem suam interfecit, Cornutumque philosophum praeceptorem Persii in exsilium fugat.

14 Musonius et Plutarchus philosophi insignes habentur.

L. Annaeus Mella, Senecae frater et Gallionis, bona Lucani poetae filii sui a Nerone promeretur.

Primus Nero super omnia scelera sua, etiam persecutionem in Christianos facit, in qua Petrus et Paulus gloriose Romae occubuerunt.

Contra Judaeos, qui Cestii Flori avaritiam non ferentes, rebellabant, Vespasianus magister militiae a Nerone transmittitur. Vespasianus plurimas urbes Judaeae capit.

Flavius Josephus scriptor historicus, dux belli Judaeorum, cum a Romanis interficiendus esset, Vespasiano praenuntiat de morte Neronis, et ejus imperio: cujus rei causa vitam dono accepit.

Post Petrum primus Romanam Ecclesiam tenuit Linus annis 11.

Nero cum a Senatu quaereretur ad poenam, e palatio fugiens ad quartum Urbis milliarium, in suburbano liberti sui inter Salariam et Nomentanam (( Al. Numentanam)) viam semet interficit, anno aetatis suae 32, atque in eo omnis Augusti familia consummata est.

Post Neronem Galba in Hiberia, Vitellius in Germania, Otho Romae imperium arripuerunt.

M. Fabius Quinctilianus Romam a Galba perducitur.

Galba septimo mense imperii sui, in medio Romanae urbis foro, capite truncatur.

Vespasianus duobus praeliis superatos Judaeos ad muros compulit.

Otho tertio regni sui mense, apud Bebriacum propria manu occubuit.

Antiochiae secundus episcopus ordinatur Ignatius.

Vitellius octavo imperii sui mense a Vespasiani ducibus occisus, in Tiberim projicitur.

An. Dom.

Ann. ab Abr.

0591

 

Olymp.

Judaeorum.

Romanorum.

An. Dom.

Ann. ab Abr.

0593

 

Olymp. (212)

Judaeorum.

26 Judaeorum regnum defecit.

Romanorum VII, Vespasianus regnavit annis 9, mensibus 11, diebus 22.

1 Vespasianus apud Judaeam imperator ab exercitu appellatus, et bellum Tito filio commendans, Romam per Alexandriam proficiscitur.

Capitolium Romae incensum.

2 Titus, Judaea capta, et Jerosolymis subversis, sexcenta millia virorum interfecit. Josephus vero scribit, undecies centena millia fame et gladio periisse, et alia centum millia captivorum publice venundata. Ut autem tanta multitudo Jerosolymis reperiretur, causam azymorum fuisse refert, ob quam ex omni gente Judaeae ad Templum confluentes, urbe quasi carcere sunt reclusi: oportuit enim iisdem diebus Paschae eos interfici, in quibus Salvatorem crucifixerant.

Colligitur omne tempus in secundum annum Vespasiani, et novissimam 0595 eversionem Jerosolymarum, a quinto decimo Tiberii Caesaris anno, et ab exordio Evangelicae praedicationis, 12.

An. Dom.

Ann. ab Abr.

0595

 

Olymp. (213)

Romanorum.

3 A captivitate autem, quam ab Antiocho perpessi sunt, anni 239. Porro a Darii secundo anno, sub quo rursum Templum aedificatum est, anni 590. A prima autem aedificatione Templi sub Salomone usque ad novissimam ejus ruinam, quae sub Vespasiano facta est, anni 1102.

5 Vespasianus Capitolium aedificare orsus.

In Alexandria facta seditio.

Serapion philosophus et orator agnoscitur.

6 Achaia, Lycia, Rhodus, Byzantium, Samus, Thracia, Cilicia, Comagene, quae liberae antea et sub regibus amicis erant, in provincias redactae.

7 Colossus erectus habens altitudinis pedes 107.

Q. Asconius Pedianus scriptor historicus clarus habetur, qui 73 aetatis suae anno captus luminibus, 12 postea annis in summo honore consenescit.

8 Gabinianus celeberrimi nominis rhetor in Gallia docuit.

Tres civitates Cypri terraemotu corruerunt.

An. Dom.

Ann. ab Abr. (2090)

0597

 

Olymp. (214)

Romanorum.

9 Lues ingens Romae facta, ita ut per multos dies in ephemeriden decem millia ferme mortuorum hominum referrentur.

10 Vespasianus Colonias deduxit, et mortuus est profluvio ventris in villa propria circa Sabinos, anno aetatis 69.

Romanorum VIII, Titus regnavit annis 2, mensibus 2.

1 Titus filius Vespasiani in utraque lingua disertissimus fuit, et tantae bonitatis, ut cum quadam die recordatus fuisset in coena, nihil se illo die cuiquam praestitisse, dixit: Amici, hodie diem perdidi.

Mons Vesuvius ruptus in vertice tantum ex se jecit incendii, ut regiones vicinas et urbes cum hominibus exureret

2 Titus Musonium Rufum philosophum de exsilio revocat.

Titus amphitheatrum Romae aedificat et in dedicatione ejus quinque millia ferarum occidit.

Romanae Ecclesiae II constituitur Episcopus Cletus annis 12.

0599B Romae plurimae aedes incendio concremantur.

Titus morbo periit in ea villa, qua pater. pridie Idus Septembres, anno aetatis 42.

An. Dom.

Ann. ab Abr.

0599C

 

Olymp.

Romanorum IX, Domitianus, Titi frater junior, regnavit annis 15, mensibus 5.

1 Decreto senatus Titus inter deos refertur.

Domitiani uxor Augusta appellatur.

2 Domitianus quotidie secretam quietem consuevit sumere, in qua nihil aliud curabat, nisi muscas stylo praeacuto configere.

3 Domitianus eunuchos fieri prohibuit.

Tres virgines Vestae ob stuprum damnatae.

Plurimos senatorum Domitianus in exsilium mittit.

4 Secundus Alexandrinae Ecclesiae constituitur episcopus Abilius, qui praefuit annis 13.

5 Domitianus templum sine admixtione lignorum construit.

6 Primus Domitianus dominum se et deum appellare jussit.

Nasamones et Daci dimicantes contra Romanos victi.

7 Duo menses aliter appellati, September Germanicus, et October Domitianus.

Quinctilianus ex Hispania Calaguritanus, qui primus Romae publicam scholam et salarium e fisco accepit, claruit.

An. Dom.

Ann. ab Abr. (2100)

0601

 

Olymp.

Romanorum.

8 Domitianus plurimos nobilium in exsilium mittit, et occidit.

9 Domitianus mathematicos et philosophos Romana urbe pellit.

10 Multa opera Romae facta, in quibus Capitolium, Forum transitorium, divorum Porticus, Isium ac Serapium, Stadium, Horrea piperataria, Vespasiani templum, Minerva Chalcidica, Odeum, Forum Trajani, Thermae Trajanae et Titianae, Senatus, Ludus matutinus, Mica aurea, Meta sudans, et Pantheon.

11 Domitianus de Dacis et Germanis triumphat.

Domitianus tantae superbiae fuit, ut aureas et argenteas statuas sibi in Capitolio poni jusserit: Haecque et caetera omnia suo tantum titulo, sine ulla prisci auctoris memoria, signaret.

Maxima virginum Vestalium Cornelia convicta stupri, juxta legem viva defossa est.

12 Romanae Ecclesiae episcopus III praefuit Clemens annis 9.

Domitianus prohibuit vites in urbibus seri.

Flavius Josephus vicesimum librum Antiquitatum his temporibus scribit.

13 Domitianus multos nobilium perdidit, quosdam vero in exsilium misit.

14 Secundus post Neronem Domitianus Christianos persequitur, et sub eo apostolus Joannes in Patmon insulam relegatus, Apocalypsim vidit, quam Irenaeus interpretatur.

15 Domitianus rursum philosophos et mathematicos Roma per edictum extrudit.

Apollonius Tyaneus, et Euphrates insignes philosophi habentur.

An. Dom.

Ann. ab Abr. (2110)

0603

 

Olymp. (219)

Romanorum. (16)

16 Domitianus eos, qui de genere David erant, interfici praecipit, ut nullus Judaeorum regni reliquus foret.

Scribit Brutius, plurimos Christianorum sub Domitiano fecisse martyrium, inter quos et Flaviam Domitillam Flavii Clementis consulis ex sorore neptem in insulam Pontiam relegatam, quia se Christianam esse testata sit.

Multa signa atque portenta Romae et toto orbi facta.

Domitianus occisus in Palatio, et per vespillones ignobiliter exportatus anno aetatis 45, clypeique et imagines ejus passim ubique per Romam in terram sunt dejectae, et a populo per ignominiam publice conculcatae.

Romanorum X, Nerva, regnavit anno uno, mensibus 4. (1)

1 Alexandrinae ecclesiae III episcopus praefuit Cerdo annis 11.

Senatus decrevit, ut omnia quae Domitianus statuerat, in irritum deducerentur. Itaque multi, quos injuste ejecerat, de exsilio reversi: nonnulli bona propria receperunt. Aiunt et apostolum Joannem hoc tempore exsilio solutum, Ephesum secessisse, in qua urbe et hospitiolum, et amicos amantissimos sui habebat.

Justus a Tiberiade Judaeorum scriptor agnoscitur.

Nerva morbo periit in hortis Sallustianis anno aetatis 72 cum jam Trajanum adoptasset in filium.

Trajanus Agrippinae in Galliis imperator factus, natus Italicae in Hispania.

Romanorum XI, Trajanus, regnavit annis 19, mensibus 6.

1 Decreto senatus Nerva inter deos relatus est.

2 Joannem apostolum usque ad Trajani tempora Irenaeus episcopus permansisse scribit: 0605 post quem auditores ejus insignes fuerunt Papias Hieropolitanus episcopus et Polycarpus Smyrnaeus, et Ignatius Antiochenus.

An. Dom.

Ann. ab Abr.

0605

 

Olymp.

Romanorum.

3 Romanae Ecclesiae episcopatum IV suscepit Evaristus an. 9.

4 Trajanus de Dacis et Scythis triumphat.

5 Trajanus, victo rege Decebalo, Daciam fecit provinciam: Iberos, Sauromatas, Orsoenos, Arabes, Bosphoranos, Colchos in fidem accepit: Seleuciam, Ctesiphontem, Babylonem occupavit, et tenuit: in mari Rubro classem instituit, ut per eam Indiae fines vastaret.

6 Romae aurea domus incendio conflagravit.

7 Terraemotu quatuor urbes Asiae subversae, Elaea, Myrrhina, Pytanae, Cymae: et Graeciae duae, Opuntiorum, et Oritorum.

An. Dom.

Ann. ab Abr. (2120)

0607

 

Olymp. (222)

Romanorum.

10 Trajano adversus Christianos persecutionem movente, Simon filius Cleophae, qui Jerosolymis episcopatum tenebat, crucifigitur: cui succedit Justus.

11 Alexandrinae ecclesiae IV episcopus ordinatur nomine Primus, an. 12.

Ignatius quoque Antiochenae ecclesiae episcopus Romam perductus, bestiis traditur: post quem tertius episcopus constituitur Eron.

Plinius Secundus, cum quamdam provinciam regeret, et in magistratu suo plurimos Christianorum interfecisset, multitudine eorum perterritus, quaesivit a Trajano, quid facto opus esset, nuntians ei, Praeter obstinationem non sacrificandi, et antelucanos coetus ad canendum cuidam Christo ut Deo, nihil apud eos reperiri. Praeterea ad confoederandam disciplinam, vetari ab his homicidia, furta, adulteria, latrocinia, et his similia. Ad quae commotus Trajanus rescribit: Hoc genus quidem inquirendum non esse, oblatos vero puniri oportere. Tertullianus refert in Apologetico.

Romanae ecclesiae episcopatum V tenet Alexander ann. 10.

12 Plinius Secundus Novocomensis orator et historicus insignis habetur, cujus plurima ingenii opera exstant.

Tres Galatiae civitates terraemotu erutae.

An. Dom.

Ann. ab Abr.

0609

 

Olymp. (223)

Romanorum.

13 Pantheon Romae fulmine concrematum.

14 Post Justum Ecclesiae Jerosolymitanae episcopatum IV suscepit Zachaeus, post quem V Tobias, cui succedit VI Benjamin, ac deinde VII Joannes, et VIII Matthias, in cujus locum IX constituitur Philippus.

15 Trajanus Armeniam, Assyriam, Mesopotamiam fecit provincias.

16 Terraemotus Antiochiam pene totam subruit civitatem.

17 Judaei, qui in Libya erant, adversum cohabitatores suos alienigenas dimicant. Similiter in Aegypto, et in Alexandria, apud Cyrenem quoque, et Thebaidem magna seditione contendunt; verum gentilium pars superat in Alexandria.

18 Judaeis Mesopotamiae rebellantibus praecepit imperator Trajanus Lysiae Quieto, ut eos provincia exterminaret: adversus quos Quietus aciem instruens infinita millia eorum interfecit, et ob hoc procurator Judaeae ab imperatore decernitur.

19 Salaminam urbem Cypri, interfectis in ea gentilibus, subvertere Judaei.

Trajanus morbo in Selinunte perit, sive, ut alibi scriptum reperimus, apud Seleuciam 0611 Isauriae profluvio ventris exstinctus est, anno aetatis 63, mense 9, die 4. Ossa ejus in urnam auream collata, et in foro sub columna posita: solusque omnium intra Urbem sepultus est.

An. Dom.

Ann. ab Abr. (2130)

0611

 

Olymp. (224)

Romanorum XII, Hadrianus regnavit an. 21.

1 Hadrianus Italicae in Hispania natus, consobrinae Trajani filius fuit.

Hadrianus Alexandriam a Romanis subversam publicis instauravit expensis.

Hadrianus Trajani invidens gloriae, de Assyria, Mesopotamia, Armenia, quas ille provincias fecerat, revocavit exercitus.

2 Hadrianus Judaeos capit secundo contra Romanos rebellantes.

Senatus Trajanum in deos refert.

Hadrianus eruditissimus fuit in utraque lingua, sed in puerorum amore parum continens fuit.

Hadrianus reliqua tributorum urbibus relaxavit, chartis publice incensis: plurimos etiam ipsis tributis liberos praestitit.

0613 Romanae Ecclesiae episcopatum VI tenet Sixtus annis 10.

An. Dom.

Ann. ab Abr.

0613

 

Olymp. (225)

Romanorum.

3 Plutarchus Cheronaeus, et Sextus, et Agathobolus, et Oenomaus philosophi insignes habentur.

Alexandrinae Ecclesiae V constituitur episcopus Justus annis 11.

Bellum contra Sauromatas gestum.

4 Terraemotu facto Nicomedia ruit, et Nicaenae urbis plurima eversa sunt: ad quarum instaurationem Hadrianus de publico est largitus impensas.

Euphrates Stoicus philosophus moritur.

5 Hadrianus in Libyam, quae a Judaeis vastata fuerat, Colonias deducit.

6 Hadrianus Atheniensibus leges petentibus ex Draconis et Solonis, reliquorumque libris jura composuit.

An. Dom.

Ann. ab Abr.

0615

 

Olymp. (226)

Romanorum.

7 Cephisus fluvius Eleusinam inundavit, quem Hadrianus ponte conjungens, Athenis hiemem exegit.

8 Jerosolymis X post Philippum constituitur episcopus Seneca, post quem XI Justius, cui successit XII Levi, post quem XIII Ephres, XIV Joses, XV Judas. Hi omnes usque ad eversionem, quam ab Hadriano perpessa est Jerusalem, ex circumcisione episcopi praefuerunt.

9 Hadrianus sacris Eleusinae initiatus, multa Atheniensibus dona largitus est.

Quadratus discipulus apostolorum, et Aristides Atheniensis noster philosophus, libros pro Christiana religione Hadriano dedere compositos. Et Serenus Granius legatus, vir apprime nobilis, litteras ad imperatorem mittit, iniquum esse dicens, clamoribus vulgi innocentium hominum sanguinem concedi, et ullo crimine, nominis tantum et sectae reos fieri. Quibus commotus Hadrianus Minutio Fundano proconsuli Asiae scripsit, sine objectu criminum Christianos non condemnandos. Cujus epistolae usque ad nostram memoriam durat exemplum.

10 Imperator Hadrianus Pater Patriae appellatur, et uxor ejus Augusta.

An. Dom.

Ann. ab Abr. (2140)

0617

 

Olymp. (227)

Romanorum.

12 Romanae ecclesiae episcopatum VII suscepit Telesphorus annis 11.

Antiochiae constituitur IV episcopus Cornelius.

Nicopolis et Caesarea terraemotu conciderunt.

13 Antinous puer egregius eximiae pulchritudinis, in Aegypto moritur, quem Hadrianus diligenter sepeliens (nam in deliciis habuerat) in deos refert, ex cujus nomine etiam urbs appellata est.

14 Alexandrinae ecclesiae VI episcopus praefuit Eumenes annis 13.

Templum Veneris ab Hadriano Romae factum.

15 Salvius Julianus perpetuum composuit edictum.

Hadrianus Athenis hiemem exigens, Eleusinam invisit.

Hadrianus, cum insignes et plurimas aedes Athenis fecisset, agonem edidit, bibliothecamque miri operis exstruxit.

An. Dom.

Ann. ab. Abr.

0619

 

Olymp. (228)

Romanorum.

16 Judaei in arma versi Palaestinam depopulati sunt, tenente provinciam Tynio Rufo, cui ad opprimendos rebelles Hadrianus misit exercitum.

Phavorinus et Polemon rhetores insignes habentur.

17 Basilides haeresiarches in Alexandria commoratur, a quo Gnostici.

Barcochebas , dux factionis Judaeorum, nolentes sibi Christianos adversum Romanum militem ferre subsidium, omnimodis cruciatibus necat.

Quadragesimale jejunium a Telesphoro per hoc tempus institutum, ac praeceptum, quidam scribunt.

18 Bellum Judaicum, quod in Palaestina gerebatur, finem accepit, rebus Judaeorum penitus oppressis. Ex quo tempore etiam introeundi eis Jerosolymam licentia ablata, primum Dei nutu, sicut prophetae vaticinati sunt, deinde Romanis interdictionibus.

Jerosolymis primus ex gentibus constituitur episcopus Marcus, cessantibus his, qui fuerant ex Judaeis.

20 Aelia ab Aelio Hadriano condita, et in fronte ejus portae, qua Bethleem egredimur, 0621 Sus sculptus in marmore, significans Romanae potestati subjacere Judaeos. Nonnulli a Tito Aelio filio Vespasiani exstructam arbitrantur.

An. Dom.

Ann. ab Abr. (2150)

0621

 

Olymp.

Romanorum. (21)

21 Hadrianus morbo intercutis aquae apud Baias moritur major sexagenario.

Romanorum XIII, T. Antoninus, cognomento Pius, cum liberis suis Aurelio et Lucio regnavit an. 22, mensibus. 3

1 Antoninus Pater Patriae appellatur.

Galenus medicus his temporibus claruit.

2 Romanae ecclesiae episcopatum VIII suscipit Hyginus an. 4.

Sub Hygino Romanae urbis episcopo Valentinus haeresiarches, et Cerdo magister Marcionis, Romam venerunt.

3 Justinus philosophus librum pro nostra religione conscriptum Antonino tradidit.

4 Heros V Antiochiae constituitur episcopus.

5 Marcus VII Alexandriae episcopatum suscipit an. 10.

Romae IX episcopus ordinatur Pius an. 15.

An. Dom.

Ann. ab Abr.

0623

 

Olymp.

Romanorum.

6 Valentinus haereticus agnoscitur, et permanet usque ad Anicetum. Sancitum est a Pio, ut Resurrectio Dominica, die Dominicae celebretur, quod a pluribus postea pontificibus confirmatum est.

7 Mesomedes Cretensis citharoedorum carminum musicus poeta agnoscitur.

8 Taurus Berytius Platonicae sectae philosophus clarus habetur.

9 Arrianus Philosophus Nicomediensis agnoscitur, et Maximus Tyrius.

10 Apollonius Stoicus natione Chalcidicus, et Basilides Scythopolitanus philosophi illustres habentur: qui Veri quoque Caesaris praeceptores fuerunt.

13 Crescens Cynicus agnoscitur, qui Justino nostri dogmatis philosopho, quia se gulosum et praevaricatorem philosophiae coarguebat, persecutionem suscitavit, in qua ille gloriose pro Christo sanguinem fudit.

16 Celadion VIII Alexandrinae ecclesiae episcopus praefuit an. 14.

18 Cassianus XVII Jerosolymae episcopatum post Marcum suscepit, post quem XVIII Publius, 0625 cui succedit XIX Maximus, XX Julianus, XXI Gaianus, XXII Symmachus, XXIII Caius, XXIV Julianus, XXV Capito.

An. Dom.

Ann. ab Abr.

0625

 

Olymp.

Romanorum.

21 Romanae ecclesiae episcopatum X tenet Anicetus annis 10, sub quo Polycarpus Romam veniens multos ab haeretico errore correxit.

22 Antoninus Pius suo patrimonio opulentissimus, proprias opes amicis liberalissime tribuit, aerarium vero publicum ditissimum reddidit.

Antoninus tantae aequitatis fuit, ut plurimae nationes depositis armis, suae solae sententiae paruerint.

23 Antoninus Pius apud Lorium villam suam, 12 ab Urbe milliario, moritur anno vitae suae 77.

Romanorum XIV, Marcus Antoninus, qui et Verus, regnavit; et L. Aurelius Commodus, annis 19, mense uno.

1 Hi primum aequo jure imperium administraverunt, cum usque ad hoc tempus, singuli Augusti fuerint.

2 Lucio Caesari Athenis sacrificanti ignis in coelo ab oriente in occidentem referri visus.

3 Vologesus rex Parthorum, vicinas sibi Romanas provincias depopulatus est.

Fronto orator insignis habetur, qui Marcum Antoninum Verum Latinis litteris erudivit.

4 Seleucia Syriae urbs cum 300 millibus hominum a Romanis capta.

An. Dom.

Ann. ab Abr. (2180)

0627

 

Olymp. (236)

Romanorum.

5 Apud Pisas Peregrinus philosophus rogo, quem ex lignis composuerat, incenso, semet superjecit.

6 L. Caesar de Parthis cum fratre triumphavit.

Agrippinus IX Alexandrinae ecclesiae episcopus praefuit annis 12.

7 Persecutione orta in Asia, Polycarpus et Pionius fecere martyrium, quorum scriptae quoque passiones feruntur.

Plurimi in Gallia gloriose ob Christi nomen interfecti, quorum usque in praesentem diem condita libris certamina perseverant.

8 Lues multas provincias occupavit, Roma ex parte vexata.

Romani contra Germanos, Marcomannos, Quados, Sarmatas, et Dacos dimicant.

Romanae ecclesiae episcopatum XI suscepit Soter an. 8.

Theophilus Antiochiae VI episcopus ordinatur, cujus plurima ingenii opera exstant.

An. Dom.

Ann. ab Abr.

0629

 

Olymp.

Romanorum.

9 Lucius imperator anno regni sui nono, sive, ut quidam putant, undecimo inter Concordiam et Altinum apoplexi exstinctus est, sedens cum fratre in vehiculo.

10 Antonino imperatori Melito Asianus Sardensis episcopus Apologeticum pro Christianis tradidit.

11 Apollinaris Asianus Hierapolitanus episcopus insignis habetur.

Dionysius episcopus Corinthiorum clarus habetur, et Pinytus Cretensis vir eloquentissimus.

Pseudoprophetia, quae Cataphrygas nominatur, accepit exordium, auctore Montano, Priscilla, Maximillaque insanis vatibus.

12 Tatianus haereticus agnoscitur, a quo Encratitae.

Bardesanes alterius haereseos princeps notus efficitur.

Oppianus Cilix poeta cognoscitur, qui Halieutica miro splendore conscribit.

Tanta per totum orbem pestilentia fuit, ut pene usque ad internecionem Romanus exercitus deletus fuerit.

13 Imperator Antoninus multis adversum se nascentibus bellis saepe ipse intererat, saepe duces nobilissimos destinabat, in quibus semel Pertinaci et exercitui, qui cum eo in Quadorum regione pugnabat, siti oppresso, pluvia divinitus missa est; cum econtrario Germanos et Sarmatas fulmina persequerentur, et plurimos eorum interficerent.

An. Dom.

Ann. ab Abr. (2190)

0631

 

Olymp.

Romanorum.

15 Exstant litterae Marci Aurelii gravissimi imperatoris, quibus illam Germanicam sitim, Christianorum forte militum precationibus, impetrato imbre, discussam contestatur.

16 Atticus Platonicae sectae philosophus agnoscitur.

Romanae Ecclesiae XII episcopatum suscipit Eleutherius V annis 15.

Antiochiae VII episcopus constituitur Maximinus.

17 Antoninus Commodum filium suum consortem regni facit.

18 Antoninus cum filio de hostibus triumphavit, quos, per triennium apud Carnuntum habens stativa castra, vastaverat.

19 Imperatores multis multa largiti sunt, et pecuniam, quae fisco debebatur, provinciis concedentes, tabulas debitorum in medio Romanae urbis foro incendi praeceperunt, ac ne quid bonitati deesset, severiores quasque leges novis Constitutionibus temperaverunt. Antoninus post victoriam, adeo in editione munerum magnificus fuit, ut centum simul leones exhibuerit.

Commodus a senatu Augustus appellatur.

Smyrna urbs Asiae terraemotu ruit, ad cujus instaurationem decennalis tributorum immunitas data est.

Antoninus in Pannonia morbo periit.

Julianus X Alexandrinae ecclesiae episcopatum sortitur annis 10.

Romanorum XV, Commodus, regnavit annis 13.

1 Commodus de Germanis triumphavit.

2 Templum Serapidis Alexandriae incensum.

3 Irenaeus episcopus Lugdunensis insignis habetur.

An. Dom.

Ann. ab Abr.

0633

 

Olymp.

Romanorum.

4 Thermae Commodianae Romae factae.

Commodus Septembrem mensem nomine suo appellavit.

5 Jerosolymis XXVI ordinatur episcopus Maximus. Post quem XXVII Antoninus, XXVIII Valens, XXIX Dulichianus, XXX Narcissus, XXXI Dius, XXXII Germanio, XXXIII Gordius, XXXIV rursum Narcissus.

7 Tantis apud Jerosolymam episcopis constitutis, non potuimus discernere tempora singulorum, eo quod usque in praesentem diem eorum episcopatuum anni minime inveniantur.

8 Apollonius Urbis senator, lecto senatui insigni volumine, quod de Christi fide composuerat, capite ob Christi fidem truncatus est.

In Capitolium fulmen ruit, et magna inflammatione facta, bibliotheca, et vicinae quoque aedes concrematae.

9 Alexandriae XI constituitur episcopus Demetrius annis 43.

Commodus imperator colossi capite sublato, suae imagini caput imposuit.

10 Serapion VIII Antiochiae episcopus ordinatur.

11 Commodus multos nobilium interficit, et spectacula populo Romano praebet insignia.

12 Incendio Romae facto palatium et aedes Vestae, plurimaque urbis pars solo coaequatur.

13 Commodus strangulatur in domo Vestiliani.

Romanorum XVI, Aelius Pertinax, regnavit mensibus 6.

Pertinax septuagenario major, cum praefecturam Urbis ageret, ex senatusconsulto imperare jussus est.

Romae episcopatum suscipit XIII Victor annis, 10, cujus mediocria de religione exstant volumina.

0635 Pertinax, obsecrante senatu, ut uxorem suam Augustam, et filium suum Caesarem appellaret, contradixit: sufficere testatus, quod ipse regnaret invitus.

Pertinax occiditur in palatio, Juliani jurisperiti scelere: quem postea Severus apud Milvium (( Sc. Mulvium)) pontem interfecit.

An. Dom.

Ann. ab Abr. (2200)

0635

 

Olymp.

Romanorum XVII, Severus, regnavit annis 18.

1 Severus provincia Tripolitana oppido Lepti, solus ex Africa usque in praesentem diem, Romanis imperator fuit, et in honorem Pertinacis, quem Julianus occiderat, Pertinacem se cognominari jussit.

2 Clemens Alexandrinae ecclesiae presbyter, et Pantaenus Stoicus philosophus, in disputatione dogmatis nostri disertissimi habentur.

3 Narcissus Jerosolymitarum episcopus, et Theophilus Caesariensis, Polycrates quoque, et Bacchylus Asianae provinciae episcopi insignes habentur.

Candidus Christianorum disputator cautissimus notus efficitur.

4 Quaestione orta in Asia inter episcopos, an secundum legem Mosi, 14 mensis Pascha observandum esset, Victor Romanae urbis episcopus, et Narcissus Jerosolymarum, Polycrates quoque, et Irenaeus, et Bacchylus, plurimique ecclesiarum pastores, quid eis probabile visum fuerat, litteris ediderunt, quarum memoria ad nos usque perdurat.

5 Judaicum et Samariticum bellum ortum, vel resumptum.

6 Severus Parthos, et Adiabenos superavit, Arabesque interiores ita cecidit, ut regionem eorum Romanam provinciam faceret, ob quae Parthicus, Arabicus, et Adiabenicus cognominatus est.

7 Severo imperante, thermae Severianae apud Antiochiam, et Romae factae, et Septizonium exstructum.

An. Dom.

Ann. ab. Abr. (2210)

0637

 

Olymp.

Romanorum.

9 Zephyrinus, XIV, Romanae ecclesiae episcopatum suscepit annis 17.

Persecutione in Christianos facta, Leonides Origenis pater gloriosa martyrii morte transfertur.

10 Alexander ob confessionem Dominici nominis insignis habetur.

11 Clemens multa et varia conscribit.

12 Musanus nostrae philosophiae scriptor agnoscitur .

13 Clodio Albino, qui se in Gallia Caesarem fecerat, apud Lugdunum interfecto, Severus in Britannos bellum transfert: ubi ut receptas provincias ab incursione barbarica faceret securiores, vallum per 132 millia passuum a mari ad mare duxit.

Tertullianus Afer Centurionis proconsularis filius omnium Ecclesiarum sermone celebratur.

17 Origenes Alexandriae studiis eruditur.

18 Severus moritur Eboraci in Britannia.

Romanorum XVIII, Antoninus cognomento Caracalla, Severi filius , regnavit annis 7. (1)

1 Antiochiae IX episcopus constituitur Asclepiades.

0639 Alexander XXXV Jerosolymorum episcopus ordinatur, adhuc vivente Narcisso, et cum eo pariter Ecclesiam regit.

An. Dom.

Ann. ab. Abr. (2220)

0639

 

Olymp.

Romanorum.

2 Antoninus Caracalla cognominatus propter genus vestis, quod Romae erogaverat, et econtrario Caracallae ex ejus nomine Antoninianae dictae.

4 Antoninus Romae thermas sui nominis aedificavit.

5 Antoninus tam impatiens libidinis fuit, ut novercam suam Juliam uxorem duxerit.

6 Antoninus interficitur inter Edessam et Carras anno aetatis 43.

Romanorum XIX, Macrinus, regnavit anno uno. (1)

1 Macrinus praefecturam praetorii gerens, imperator factus.

Antiochiae X episcopus constituitur Philetus.

Circensibus Vulcanaliorum Romae amphitheatrum incensum.

Aggarus vir sanctus regnavit Edessae, ut vult Africanus.

Macrinus occiditur in Archelaide.

Romanorum XX, Marcus Aurelius Antoninus, regnavit an. 4.

1 Marcus Aurelius Antonini Caracallae, ut putabatur, filius, et sacerdos Eliogabali templi, adeo impudice in imperio suo vixit, ut nullum genus obscoenitatis omiserit.

2 Callistus XV Romanae Ecclesiae episcopatum suscepit an. 5.

An. Dom.

Ann. ab. Abr. (2230)

0641

 

Olymp.

Romanorum.

3 Eliogabalum templum Romae aedificatum.

4 In Palaestina Nicopolis, quae prius Emmaus vocabatur, urbs condita est, legationis industriam pro ea suscipiente Julio Africano scriptore Temporum.

Antoninus Romae occiditur tumultu militari, cum matre Semia Syra.

Romanorum XXI, Alexander, Mammaeae filius, regnavit an. 13.

1 Alexander Xerxem regem Persarum gloriosissime vicit, et disciplinae militaris tam severus corrector fuit, ut quasdam tumultuantes legiones integras exauctoraverit.

3 Urbanus XVI Romanae ecclesiae ordinatur episcopus annis 9.

4 Ulpianus jurisconsultus, assessor Alexandri insignis habetur.

5 Thermae Alexandrinae Romae aedificatae.

6 Geminus presbyter Antiochenus, et Hippolytus, et Beryllus episcopus Arabiae Bostrenus, clari scriptores habentur.

7 Antiochiae XI constituitur episcopus Zebennus.

An. Dom.

Ann. ab Abr. (2240)

0643

 

Olymp.

Romanorum.

8 Origenes Alexandriae clarus habetur.

9 Alexandrinae ecclesiae XII ordinatur episcopus Heraclas an. 16.

10 Alexander in matrem Mammaeam unice pius fuit, et ob id omnibus amabilis.

11 Origenes de Alexandria ad Caesaream Palaestinae transit.

12 Pontianus XVII Romanae ecclesiae episcopatum suscepit annis 5.

13 Alexander occiditur Moguntiaci tumultu militari.

Romanorum XXII, Maximinus, regnavit annis 3.

1 Maximinus primus ex corpore militari, sine senatus auctoritate, ab exercitu imperator electus est.

2 Maximinus adversum Ecclesiarum sacerdotes persecutionem facit.

3 Maximinus Aquileiae a Pupieno occiditur.

An. Dom.

Ann. ab Abr. (2250)

0645

 

Olymp.

Romanorum XXIII, Gordianus, regnavit annis 6.

1 Anteros XVIII Romae episcopus ordinatur mense uno, post quem XIX Fabianus annis 13.

2 Gordiano Romam ingresso, Pupienus et Albinus, qui imperium arripuerant, in palatio occisi.

6 Gordianus admodum adolescens, Parthorum natione superata, cum victor reverteretur ad patriam, fraude Philippi praefecti praetorio haud longe a Romano solo interfectus est.

Gordiano milites tumulum aedificant, qui Euphrati imminet, ossibus ejus Romam revectis.

Romanorum XXIV, Philippus, regnavit annis 7.

1 Philippus Philippum filium consortem regni facit, primusque omnium ex Romanis Imperatoribus Christianus fuit.

2 Regnantibus Philippis millesimus annus Romanae urbis expletus est, ob quam solemnitatem innumerabiles bestiae in circo magno interfectae ludique in campo Martio theatrales, tribus diebus ac noctibus populo pervigilante, celebrati.

3 Theatrum Pompeii incensum, et Hecatonstylon.

4 Quadragesimus missus natali Romanae urbis cucurrit, et agon mille annorum actus.

5 Philippus urbem nominis sui in Thracia construit.

An. Dom.

Ann. ab Abr. (2260)

0647

 

Olymp. (258)

Romanorum.

6 Alexandrinam Ecclesiam XXIII episcopus tenuit Dionysius an. 17.

7 Philippus senior Veronae, Romae junior occiditur.

Romanorum XXV, Decius, regnavit anno uno, mens. 3. (1)

1 Decius e Pannonia inferiore Budaliae natus fuit.

Decius cum Philippos, patrem et filium, interfecisset, ob odium eorum, in Christianos persecutionem movet: qua diaconus Laurentius Romae martyrium duxit.

Antonius monachus in Aegypto nascitur.

Romae amphitheatrum incensum.

Alexandro Jerosolymorum episcopo apud Caesaream Palaestinae ob martyrium interfecto, et Antiochiae Babyla, Mazabbanes, et Fabius episcopi constituuntur.

Decius cum filio in Abritto occiditur.

Romanorum XXVI, Gallus et Volusianus Galli filius regnaverunt annis 2, mensibus 4. (1)

1 Romanae ecclesiae episcopatum, post Fabiani gloriosam mortem, XX suscepit Cornelius 0649 annis 2, qui et ipse martyrio coronatus est. Exstant ad eum Cypriani octo epistolae.

Pestilens morbus multas totius orbis provincias occupavit, maximeque Alexandriam et Aegyptum, ut scribit Dionysius, et Cypriani de Mortalitate testis est liber.

Novatus presbyter Cypriani, Romam veniens, Novatianum, et caeteros confessores sibi sociat, eo quod Cornelius poenitentes apostatas recepisset.

Antiochiae XIII constituitur episcopus Demetrianus .

An. Dom.

Ann. ab. Abr.

0649

 

Olymp.

Romanorum. (2)

2 Lucius XXI Romanae Ecclesiae episcopatum tenet menses 8 . Post quem XXII Stephanus annis 3. Exstant ad utrumque Cypriani epistolae.

Gallus et Volusianus, cum adversum Aemilianum, qui in Moesia res novas moliebatur, ex Urbe profecti essent, in foro Flaminii, sive, ut alii putant, Interamnae interfecti sunt.

Aemilianus tertio mense invasae tyrannidis exstinctus est.

Romanorum XXVII, Valerianus et Gallienus regnaverunt annis 15.

1 Valerianus in Rhetia ab exercitu Augustus: Gallienus Romae a senatu Caesar appellatus est.

2 Xystus XXIII Romanae Ecclesiae episcopatum tenet annis 8.

3 Cyprianus primum Rhetor, deinde presbyter, ad extremum Carthaginensis episcopus martyrio coronatur.

4 Valerianus, in Christianos persecutione commota, statim a Sapore Persarum rege capitur, ibique servitute miserabili consenescit.

5 Sapor, rex Persarum, Syriam, Ciliciam et Cappadociam depopulatur.

6 Valeriano in Persas ducto, Gallienus pacem nostris reddidit.

Antiochiae XV constituitur episcopus Paulus Samosatenus.

7 Gallieno in omnem lasciviam dissoluto, Germani Ravennam usque venerunt.

8 Alamanni vastatis Galliis, in Italiam transiere.

9 Graecia, Macedonia, Pontus, Asia, depopulata per Gothos.

An. Dom.

Ann. ab. Abr. (2270)

0651

 

Olymp.

Romanorum.

10 Quadi et Sarmatae Pannonias occupaverunt.

Germanis Hispanias obtinentibus, Tarracon expugnata est.

Parthi Mesopotamiam tenentes, Syriam incursaverunt.

11 Alexandrinae ecclesiae XIV ordinatur episcopus Maximus an. 18.

Dionysius XXIV Romanae Ecclesiae episcopus constituitur annis 12.

Odenatus decurio Palmyrenus collecta agrestium manu ita Persas cecidit, ut ad Ctesiphontem castra poneret.

12 Hierosolymarum episcopatum tenet Hymenaeus.

13 Paulus Samosatenus a cunctorum praedicatione desciscens, Artemonis haeresim suscitavit: in cujus locum Antiochenae Ecclesiae XVI ordinatur episcopus Domnus.

14 Galliae per Posthumum, et Victorinum, et Tetricum receptae.

Gallienus Mediolani occiditur.

Romanorum XXVIII, Claudius regnavit anno uno, mensib. 9. (1)

1 In Alexandria Bruchium, quod per multos annos fuerat obsessum, tandem capitur.

Claudius Gothos, Illyricum et Macedoniam vastantes, superat, ob quae in curia clypeus ei aureus, et in Capitolio statua aurea collocata est.

Claudius Sirmii moritur.

An. Dom.

Ann. ab Abr. (2280)

0653

 

Olymp.

Romanorum. (2)

2 Quintilius Claudii frater a senatu Augustus appellatus, decimo septimo imperii sui die Aquileiae occiditur.

Romanorum XXIX, Aurelianus regnavit annis 5, mensib. 6.

1 Antiochenae ecclesiae XVII ordinatur episcopus Tymaeus

Aurelianus, Tetrico apud Catalaunos prodente exercitum suum, Gallias recepit.

2 Zenobia apud Immas, haud longe ab Antiochia vincitur; quae, occiso Odenato marito, Orientis tenebat imperium. In qua pugna strenuissime adversum eam dimicavit Pompeianus dux cognomento Francus, cujus familia hodieque apud Antiochiam perseverat, et ex cujus Evagrius charissimus nobis stirpe descendit.

3 Eusebius Laodicenus episcopus insignis habetur.

Aurelianum Romae triumphantem Tetricus et Zenobia currum praecesserunt; e quibus Tetricus Corrector postea Lucaniae fuit, et Zenobia in Urbe summo honore consenuit, a qua hodieque Romae Zenobia familia nuncupatur.

4 Aurelianus templum Soli aedificat, et Romam firmioribus muris vallat.

Primus agon Solis ab Aureliano constitutus.

5 Aurelianus cum adversum nos persecutionem movisset, fulmen juxta eum comitesque ejus ruit, ac non multo post, inter Constantinopolim et Heracleam, in cenophrurio viae veteris occiditur.

Romanorum XXX, Tacitus regnavit menses 6 . (1)

1 Quo apud Pontum occiso, obtinuit Florianus imperium diebus 80.

Hoc quoque apud Tarsum interfecto:

Romanorum XXXI, Probus regnavit annis 6, menses 4. (1)

1 Felix XXV Romanae Ecclesiae episcopatum suscepit annis 5.

Probus Gallias a Barbaris iterum occupatas, ingenti virtute restituit.

Anatolius Laodicenus episcopus, philosophorum disciplinis eruditus, plurimo sermone celebratur.

An. Dom.

Ann. ab Abr. (2290)

0655

 

Olymp. (265)

Romanorum.

2 Secundo anno Probi juxta Antiochenos 325 annus fuit, justa Tyrios 402, vel 403 secundum quosdam, juxta Laodicenos 324, juxta Edessenos 589, juxta Ascalonitas 380.

Initium jubilaei 86.

Insana Manichaeorum haeresis in commune humani generis malum exorta.

3 Probus Gallos et Pannonios vineas habere permisit, Almumque et Aureum montem militari manu consitos provincialibus colendos dedit.

4 Antiochiae XVIII constituitur episcopus Cyrillus.

Saturninus Magister exercitus novam civitatem Antiochiae orsus est condere: qui postea imperium molitus invadere Apamiae, occiditur.

5 Eutychianus XXVI Romanae Ecclesiae episcopatum suscepit mensibus 8 post quem XXVII Gaius annis 15.

6 Probus tumultu militari apud Sirmium in turri, quae vocatur Ferrata, occiditur.

Alexandrinae Ecclesiae XV episcopus praefuit Theonas annis 19.

An. Dom.

Ann. ab Abr.

0657

 

Olymp.

Romanorum XXXII, Carus cum aliis Carino et Numeriano, an. 2.

1 Carus Narbonensis, cum omni Parthorum regione vastata Chochem et Ctesiphontem nobilissimas hostium urbes cepisset, super Tigrim castra ponens, fulmine ictus interiit.

2 Numerianus cum ob oculorum dolorem lecticula veheretur, insidiis Apri soceri sui occisus est, vix fetore cadaveris, post aliquot dies scelere comperto.

Carinus praelio victus apud Margum occiditur.

Romanorum XXXIII, Diocletianus regnavit annis 20.

1 Diocletianus Dalmata, scribae filius, imperator electus statim Aprum in militum concione percussit, jurans sine suo scelere Numerianum interfectum.

2 Diocletianus in consortium regni Herculium Maximianum assumpsit, qui rusticorum multitudine oppressa, quae factioni suae Baccaudarum nomen indiderat, pacem Galliis reddit.

4 Carausius, sumpta purpura, Britannias occupavit.

Narsaeus Orienti bellum intulit.

0659 Quinquegentiani Africam infestaverunt.

Aegyptum Achilleus obtinuit, ob quae Constantius et Galerius Maximianus Caesares assumuntur in regnum: quorum Constantius Claudii ex filia nepos fuit, Galerius in Dacia haud longe a Serdica natus. Atque ut eos Diocletianus etiam affinitate conjungeret, Constantius privignam Herculii Theodoram accepit, ex qua postea sex liberos Constantini fratres habuit; Galerius filiam Diocletiani Valeriam duxit, ambo uxores, quas habuerant, repudiare compulsi.

An. Dom.

Ann. ab Abr. (2300)

0659

 

Olymp.

Romanorum.

7 Busiris et Coptus contra Romanos rebellantes, ad solum usque subversae sunt.

8 Carporum et Basternarum gentes in Romanum solum translatae sunt.

9 Primus Diocletianus adorari se ut Deum jussit, et gemmas vestibus calceamentisque inseri, cum ante eum omnes imperatores in modum judicum salutarentur, et chlamydem tantum purpuream a privato habitu plus haberent.

10 Alexandria cum omni Aegypto per Achilleum ducem a Romana potestate desciscens, octavo obsidionis mense a Diocletiano capta est. Itaque plurimi per totam Aegyptum gravibus proscriptionibus exsiliisque vexati, interfectis his qui perduellionis causa exstiterant.

12 Marcellinus XXVIII Romanae Ecclesiae episcopatum suscepit annis 6.

Ecclesiae Jerosolymorum XXVII ordinatur episcopus Zabdas.

An. Dom.

Ann. ab Abr. (2310)

0661

 

Olymp. (270)

Romanorum.

13 Post decem annos per Asclepiodotum praefectum praetorii Britanniae receptae.

Juxta Lingonas a Constantio Caesare sexaginta millia Alemannorum caesa.

Galerius Maximianus victus a Narseo ante carpentum Diocletiani purpuratus cucurrit.

14 Veturius magister militiae Christianos milites persequitur, paulatim ex illo jam tempore persecutione adversus nos incipiente.

Galerius Maximianus, superato Narseo, et uxoribus, ac liberis, sororibusque ejus captis, a Diocletiano ingenti honore suscipitur.

15 Thermae Diocletianae Romae factae, et Maximianae Carthagini.

Ecclesiae Jerosolymorum XXXVIII praefuit Hermon .

16 Antiochiae XIX constituitur episcopus Tyrannus.

17 Alexandrinae Ecclesiae XXI post Theonam, ordinatur episcopus Petrus, qui postea IX persecutionis anno gloriose martyrium perpetravit. Diocletianus et Maximianus Augusti, insigni pompa Romae triumpharunt , antecedentibus currum eorum Narsei conjuge, sororibus, liberis, et omni praeda, qua Parthos spoliaverant.

An. Dom.

Ann. ab Abr.

0663

 

Olymp. (271)

Romanorum.

19 Terraemotu horribili apud Tyrum et Sidonem multa opera conciderunt, et populus innumerabilis oppressus est.

Decimo nono anno Diocletiani, mense Martio, in diebus Paschae, ecclesiae subversae sunt.

Persecutio Christiana. Secundum Antiochenos an. 351.

20 Secundo anno persecutionis Diocletianus Nicomediae, Maximianus Mediolani purpuram deposuerunt

Galerius solus biennio Augustus imperium tenuit. (1)

1 Romae XXIX episcopus Eusebius constituitur mensibus 7, post quem XXX Ecclesiam tenet Miltiades annis 6.

An Dom.

Ann. ab Abr. (2320)

0665 μὲν ἐν ἀνατολῇ, ἐν δὲ Ἰταλίᾳ Σεῆρον. Chron. Pasch. p. 222.

Κελτῶν βασιλεύσας Κωνστάντιος ἐπὶ ἔτη ιγ ἀπέθανε· καὶ διεδέξατο αὐτὸν ὁ παῖς αὐτοῦ Κωνσταντῖνος, ὁ νόθος ἐξ Ἑλένης αὐτῷ γενόμενος. Idem ibidem.

0666 Ῥωμαίων ἐβασίλευσεν λέ ΚΩΝΣΤαΝΤΙΝΟΣ ἔτη λ′, μῆνας ι′. Ex eodem ibidem.

Οἱ ἐν Ῥώμῃ στρατιῶται (πραιτωριανοὶ) ἀνηγόρευσαν Μαξέντιον τὸν υἱὸν Μαξιμιανοῦ τοῦ Ἑρκουλίου, βασιλέα. Cedren. Hist. Comp. p. 213.

]

 

Olymp.

Romanorum. (2)

2 Maximinus et Severus a Galerio Maximiano Caesares facti.

Constantius decimo sexto imperii anno diem obiit in Britannia Eboraci, post quem filius ejus Constantinus ex concubina Helena procreatus, regnum invadit: quarto autem persecutionis anno, Constantinus regnare orsus.

Romanorum XXXIV, Constantinus regnavit annis 50, mensibus 10. (1)

1 Maxentius Herculii Maximiani filius a praetorianis militibus Romae Augustus appellatur.

An. Dom.

Ann. ab Abr.

0667

 

Olymp.

Romanorum.

2 Severus Caesar a Galerio Maximiano contra Maxentium missus, Ravennae secundo imperii sui anno interficitur.

Licinius a Galerio Carnuti imperator factus.

Herculius Maximianus a filia Fausta detectus, quod dolum Constantino viro suo pararet, Massiliae fugiens occiditur.

3 Quirinus episcopus Siscianus gloriose pro Christo interficitur: nam, manuali mola ad collum ligata, e ponte praecipitatus in flumen, diutissime supernatavit et cum spectantibus collocutus, ne sui terrerentur exemplo, vix orans ut mergeretur, obtinuit.

4 Galerius Maximianus moritur vicesimo imperii sui anno, quod partim Caesar, partim Augustus exercuit.

5 Silvester XXXI Romanorum Ecclesiae ordinatur episcopus annis 22.

6 Maximinus, persecutione in Christianos facta, cum jam a Licinio puniendus esset, apud Tarsum moritur, anno imperii sui sexto.

An. Dom.

Ann. ab Abr.

0669

 

Olymp. (274)

Romanorum.

7 Alexandrinae ecclesiae XVIII ordinatur episcopus Achillas.

Maxentius juxta pontem Milvium a Constantino superatus occiditur anno imperii sui sexto.

Pax nostris a Constantino redditur.

Bellum Cibalense adversum Licinium.

Jerosolymarum XXXIX episcopus constituitur Macarius.

Diocletianus haud procul a Salonis in villa sua Spalato moritur, et solus omnium inter deos privatus refertur.

10 Crispus et Constantinus, filii Constantini, et Licinius adolescens Licinii Augusti filius, Constantini ex sorore nepos, Caesares appellantur: quorum Crispum Lactantius Latinis litteris erudivit, vir omnium suo tempore eloquentissimus; sed adeo in hac vita pauper, ut plerumque etiam necessariis indiguerit, nedum deliciis.

11 Licinius Christianos de palatio suo pellit.

An. Dom.

Ann. ab Abr. (2330)

0671

 

Olymp.

Romanorum.

12 Basileus Amasiae Ponti episcopus sub Licinio martyrio coronatur. Alexandrinae ecclesiae XVIII ordinatur episcopus Alexander: a quo Arius presbyter de Ecclesia ejectus, multos suae impietati sociat; ad quorum perfidiam coarguendam synodus 318 episcoporum, in Nicaea urbe Bithyniae congregata, omnes haereticorum machinas Homousii oppositione dejecit. Et fuit synodus prima. Helena Constantini mater, divinis monita visionibus, beatissimum Crucis signum, in quo mundi salus pependit, apud Jerosolymam reperit.

19 Constantius filius Constantini Caesar factus.

Licinius Thessalonicae contra jus sacramenti, privatus occiditur.

0673 Nazarius rhetor insignis habetur.

An. Dom.

Ann. ab Abr. (2340)

0673

 

Olymp.

Romanorum. (20)

20 Crispus filius Constantini, et Licinius junior Constantiae Constantini sororis et Licinii superioris filius, crudelissime interficiuntur, anno imperii sui nono.

Vicennalia Constantini Nicomediae acta, et sequenti anno Romae edita.

An. Dom. (329)

Ann. ab Abr. (2343)

0675

 

Olymp.

Romanorum.

An. Dom.

Ann. ab Abr.