0709A Ita Pontacus secundis curis restituit, cum antea in libris plerisque aliis, tacito hic urbis nomine, legeretur: Adversus Gothos vehementer utriusque potentiae partis, clade, etc. Basnagius ait: Quinque sunt hic notanda: primo reponenda est Pollentia, cujus loco apud Canisium legitur potentia. Ibi enim pugnatum est a Stilicone, cujus victoriam cecinit Claudianus:



O celebranda mihi cunctis Pollentia saeclis!

0709B Fuit urbs illa Liguriae ad Tanarum sita. Secundo nititur hoc Prosperi testimonio Baronius, ut probet Anastasium pontificem ad anni 402 mensem Aprilem, ejusque diem 27 vitam produxisse, quod reprehendit Pagius. Quippe vult obiisse Anastasium die 14 Decembris anni 401. Septem post dies Innocentium adiisse pontificatum, Prosperumque et Marcellinum errare, qui hoc anno Innocentii pontificatus initia assignent. Sed vereor ne erret criticus ille celeberrimus, dum scrupulose nimis dies computat, nititurque nimia cum fiducia catalogis pontificum aut similibus monumentis, quorum diversitas falsitatem aut novitatem probat: quippe qui catalogos circa dies, menses, immo et annos voluerit componere, incassum laboraverit, oleumque et operam perdiderit. Nos Prosperi vestigiis inhaerentes, credimus Anastasium sedem occupasse annos 3, dies 21, ita ut die natali Christi 25 Decembris anni 401 obierit, ut bene Prosper. Innocentius vero pontifex fuit ordinatus 0709C mense Januario anno 402: cumque sedem tenuerit annos 15, menses duos et dies 21, diem suum claudere debuit mense Martio desinente anni 417. Tertio observandum apud Labbeum assignari tantum annos 14 Innocentio primo, demptis diebus et mensibus. Ibi procul dubio mendum irrepsit, amanuensis incuria. Nec mirandum; si enim consulas plerosque pontificum catalogos, quos criticae suae fronti apposuit Pagius, ibi saepius reperias gravius peccasse, 0710A qui tantum 12 annos illi tribuunt. Quarto animadvertendum est, deesse in Chronico Labbeano omnia quae hic narrantur sub consulatu tum Theodosii, tum Honorii septimo, usque ad haec verba, Rhadagaisus, etc. Quinto denique, hoc anno Theodosius junior ab Arcadio creatus est Augustus, et anno sequenti consul factus est secundum morem usitatum. Basn.

0710A Cum Basnagii editione ms. quoque Parmensis dies 22 numerat.