0719B in Parmensi ms. compendiariis notis, per triennium in loco Africae portione Hypone. Labbeus legebat per Trigetium Africae portione, Hippone: alii per Trigetium in loco Africae, Hippone. Quae lectiones (inquit Basnagius) praeferri debent Canisianae isti, per triennium a loco Africae portione Hippone. Neque enim per triennium tantum assignata fuit Genserico illa Africae portio, sed ei concessa, ut pax restauraretur, binis ipsi impositis conditionibus, ne quid ulterius invaderet Gensericus, et Hunnericum filium obsidem daret. Firmata pace, Hunnericus ad patrem reversus est, et Gensericus conditionem Sacramento obsignatam violavit. Trigetius igitur fuit Legatus Romanorum, qui de pace cum Vandalis egit ea conditione, ut pars Africae illis cederet, altera Romanis subdita remaneret. Idem Trigetius fuit cum Leone pontifice ad Attilam missus: Ut pax truculentissimi regis expeteretur, suscepit hoc negotium cum viro consulari 0719C Abieno, et viro praefectorio Trigetio, beatissimus papa Leo, auxilio Dei fretus, quem sciret numquam priorum laboribus defuisse, ut narraturus est ipse Prosper ad annum 452. Vandalorum autem pax, hic 0720A indicata, sancita fuit in Hipponensi civitate, quam occupaverant, dum ad Superos abiret Augustinus. Basn. Omnium itaque rectissime impressa lectio habet.

0720A Alii legunt obtinuit. Sed melius obtrivit. At paulo accuratius sunt distinguenda, quae uno tenore, quasi eodem tempore transacta recenset Prosper. Duplici enim certamine pugnatum est ab Aetio adversus Burgundiones, qui Belgicam provinciam invaserant. In priori profligati sunt illi rebellantes, in posteriori vero caesa sunt viginti millia: vel, ut loquitur alius Prosper, universa pene gens fuit deleta. Denique anno sequenti, nempe 436, Gundericus rex ab Hunnis caesus est. Basn.