PROLOGI D. HIERONYMI IN MICHAEAM EXPLANATIO.

" Temporibus. " In hoc Prologo Hie-

ronymus tria facit, scilicet tempora prophetiae describit, qualitates regum distinguit, tertio causam suscepti operis concludit : quae patent in littera.

" Temporibus Joathan, " de quo IV Regum xv, " et Achaz, " de quo IV Regum, XVI " et Ezechiae, " de quo

IV Regum XVIII, " et regum Juda," hoc est, duarum tribuum, " Michaeam Prophetam, " qui simpliciter Propheta dicitur, quia patrem Prophetam non habuit, " ob hanc prophetiam, " supple, enuntiandam. Deuter.XVIII, 15 : Prophetam de gente tua et de fratribus tuis sicut me, suscitabit tibi Dominus Deus tuus : ipsum audies. " Spiritu sancto repletum fuisse. " In hoc notatur Scripturae auctoritas, quae de fonte veritatis procedit. II Petr. I, 21 : Non voluntate humana allata est aliquando prophetia : sed Spiritu sancto inspirati, locuti sunt sancti Dei homines. Repletio etiam impletionem talem sonat quae pectus premat, et signat quod de abundantia interiori eructatio istorum sermonum procedit. Psal. XLIV, 2 : Eructavit cor meum verbum bonum. Act. II, 4 : Repleti sunt omnes Spiritu sancto, et coeperunt loqui variis Unguis, prout Spiritus sanctus dabat eloqui illis. " Lectio ipsa demonstrat, " hoc est, principium prophetiae.

Et subdit de regum istorum qualitate : " Sed de supradicto numero regum, " trium scilicet, " Joatham, " primum scilicet, " et Ezechiam, " tertium scilicet, " Deo ob religionem placuisse, " qua scilicet idola detestati sunt, " historia quarti libri Regum, " de Joathan in cap. XV, de Ezechia vero in cap. XVIII, " et secundi Paralipomenon indicat : " de Joathan quidem in cap.XXVII, 2, ubi sic dicitur : Fecit Joathan quod rectum erat coram Domino, juxta omnia quae fecerat Ozias, pater ejus. De Ezechia vero, II Paralip, XXIX, 2, sic dicitur : Fecit Ezechias quod erat placitum in conspectu Domini, juxta omnia quae fecerat David, pater ejus. " Achaz vero, derelicto Deo," hoc est, cultu Dei, " idola Samariae constat coluisse.)) Unde, IV Regum, XVI, 2 et 3 : Non fecit Achaz quod erat placitum in conspectu Domini Dei sui.. . Sed ambulavit in Viis regum Israel. Insuper et filium suum consecravit, transferens per ignem secundum idola Gentium, quae dissipavit Dominus coram filiis Israel. Et hoc est quod sequitur : " Quibus etiam filios suos, " ut scilicet factum Abrahae imitaretur , ut sicut patriarcha Deo, ita ipse idolis cariora sua pignora sacrificaret, " in sacrificium igni concremandos obtulerat: " sed Abraham obtulit, et non occidit : iste autem interfecit, quia daemones in sanguine delectantur.II Paralip, XXVIII, 3 : Ipse, scilicet Achaz, est qui adolevit incensum in valle Benennom, et lustravit filios suos in igne, juxta ritum Gentium, quas interfecit Dominus in adventu filiorum Israel.

Ex his concludit causam suscepti operis, dicens :

" Quam ob rem, Deus Samariam, " terram scilicet decem tribuum, " quae reges Israel, " omnes scilicet a Jeroboam usque ad Oseam, " et Juda, " hoc est, reges Juda, non omnes, sed multos : quia etiam tempore Joathae populus immolabat in excelsis. Eccli. XLIX, 5 : Praeter David, et Ezechiam, et Josiam, omnes, scilicet reges, peccatum commiserunt. " Memoratorum simulacrorum superstitione fefellerat. " " Superstitio est (ut di-" cit Augustinus) religio supra modum " servata. " Et hoc fit, quando religio turpibus et falsis innititur articulis. Hoc autem attribuitur Samariae, propter hoc quod error vitulorum aureorum primo a Samaria processit. " Increpans, " scilicet Deus per Prophetam Zachariam, III, 2 : Increpet Dominus in te, Satan,! et increpet Dominus in te, qui elegit Jerusalem ! " Indignationem suam, " Dei scilicet, " in eam," hoc, est, in Samariam, per exercitum scilicet Assyriorum, " processuram comminatus est. " Thren.II, 4 : Effudit quasi ignem indignationem suam. " Populo etiam Israel, " plebeio scilicet " praevaricator, " Isa. XLVIII, 8 : Quia praevaricans praev aric ab eris, ettransgressorem ex utero vocavi te, " et principibus ejus, " populi scilicet praevaricatoris. Isaiae, I, 23 : Principes tui infideles, socii furum. " Qui, " scilicet principes, " eumdem populum, " Samariae scilicet, " fallaci suasione , " ne scilicet populus rediret ad Deum suum si adoraret in Jerusalem, " ad colenda idola impulerant. " Osee, VII, 3 : In malitia''

sua laetificaverunt regem, et in mendaciis suis principes, " Verbis in sequentibus, " hoc est, in sequentibus verbis prophetiae, " captivitatem, " per Assyrios, " et interitum, " peste, et fame, et gladio, " affuturum, " supple, ordinatione Dei, " denuntiavit , " Propheta scilicet. Osee, VI, 5 : Dolavi in prophetis, et occidi eos in verbis oris mei.