PROLOGI SANCTI HIERONYMI IN OSEE PROPHETAM EXPLANATIO.

Hieronymus praemittit Osee Prologum in quo dicit duo : qualiter scilicet ad prophetiam venerit, et quid prophetaverit,

ibi scilicet, " Propter quod Deus ad Osee haec locutus est. "

In primo dicit duo, scilicet quis Propheta fuit, et quando prophetavit, et quod Spiritu Dei inspirante. Secundo, propter quid prophetavit : et hoc est:

" Temporibus Oziae, " de quo legitur IV Reg. XV, " et Joathan, " de quo ibidem, " et Achaz, " de quo IV Reg. XVI, " et Ezechiae, " de quo IV Reg. XVIII. Et subdit in communi : " Regum Juda, " hoc est, duarum tribuum, " et Jeroboam, " qui fuit pronepos J ehu, de quo IV Reg. XIV, " filii Joas, " de quo IV Reg. XIII, " regis Israel, Osee, filius Beeri, " de tribu scilicet Issachar, " ad prophetiam dicendam, " hoc est, ad enuntiandam, " Spiritu saucio " non spiritu hominis scilicet, II Petr. 1, 21 : Non voluntate Immanna allata est aliquando prophetia : sed Spiritu sancto inspirati , locuti sunt sancti Dei homines. Et hoc est : " Repletus est. " Repletio sonat plenitudinem prementem pectus ad vomitum, qui vomitus signat de intimis eructatum verbum. Prov. XXX, 1 : Verba Congregantis filii Vomentis, Psal. XLIV, 2 : Eructavit cor meum verbum bonum. Eructatio enim intimorum habet odorem et saporem.

Et subdit quare prophetiam recepit : " De memorato itaque numero regum, A ehas, rex Juda, et Jeroboam, rex Israel, " hoc est, decem tribuum, " Deum derelinquentes, " supple, quantum ad cultum, " ut historiae Regum, " hoc est, Liber Regum, " et Paralipomenon indicant, " supple, in praeassignatis locis, " etiam Israel, " hoc est, populum decem tribuum, " idololatriae crimen, " hoc est, criminosum peccatum, " imperio, " hoc est, praecepto " ac potestate sua, " supple, coactiva, " admittere coegerunt, " sicut Osee, vii, 5 et seq., declaratur.

" Propter quod, " destruendum scilicet peccatum idololatriae, " Deus ad Osee haec locutus est, dicens, " Jerem. XII, 25 : Misi ad vos omnes servos meos prophetas, per diem consurgens diluculo, et miliens,

Et subdit quid prophetet: et dicit tria, scilicet quid prophetet, et qualiter intelligendum, et quid intelligatur per filios. " Accipe uxorem fornicariam, sive fornicationum, " hoc est, qua) non fidem thori, nec justitiam debiti, vel bonum prolis attendit: sed. tantum libidinem corporis, propter quod Philosophus dicit, quod " fornicatrix inhonestior est quam " meretrix. Meretrix enim aliquid boni " attendit, quia mercedem : fornicatrix " autem nihil nisi libidinem. " " Et fac filios fornicationis, " qui scilicet nihil juris habeant nec in marito, nec in haereditate mariti, et abjici possunt, quandocumque voluerit maritus. Et exponit quod. dixit : " Fornicariam itaque, non elocati corporis meretricem : " meretrix enim locat corpus pro mercede, " sed gentilem, " supple, populum, " Deum " verum animae virum " ignorantem,)) supple, et ideo relinquen tem, " appellat. " Psal. LXXII, 27 : Perdidisti omnes, qui fornicantur abs te.

Et explanat quod dixit: " Quae," scilicet meretrix, " Dei creatoris sui amore contempto, " Deut. XXXII, 18 : Deum, qui te genuit, dereliquisti, et oblitus es Domini creatoris tui : " simulacrorum se subjecit desideriis, " per cultum scilicet idolorum. Jerem. II, 13 : Duo mala fecit populus meus : Me dereliquerunt fontem aquae vivae, et foderunt sibi cisternas, cisternas dissipatas , quae continere non valent aquas.

Et subdit de successione :

" Sed cum. Dei praecepto Propheta in hac re paruisset, " fornicariam scilicet dicto modo ducendo, " conceptum ex ea filium, Iezrahel praecepit nominari , " ab eventu scilicet imponens nomen, eo quod sanguis innocens effusus in Iezrahel, redundare deberet in caput ejus. Et hoc est quod sequitur : " Deo pollicente, " Osee, l, 4, " post breve tempus, " duorum scilicet vel trium regum spatium, " sanguinem jezrael in domo Iehu, " hoc est, in generatione Iehu, de quo legitur IV Reg. IX et x, " vindicare, " hoc est, pro simili peccato similes paenas inferre.

Et hoc est quod sequitur :

" Cujus promissionis, " hoc est, comminationis, " haec causa est Iehu per Eliseum, " hoc est, per discipulum Eliae, " in regem inuncto, " sicut legitur IV Reg, IX, " ad defendendum, " hoc est, vindicandum " sanguinem Naboth, civis Jezrahel, " innocenter scilicet effusum, " quae, " scilicet J ezrahel, " tunc temporis metropolis erat " Samariae, " quem Jezabel, " quae fluxus sterquilinii interpretatur, " Achab regis Israel uxor, " qui pessimus erat, " interemerat, " hoc est, interimi praeceperat. Daniel. XIII, 53 : Innocentem et justum non interficies : " sicut Regum historia exponit . "

" Is, " scilicet Iehu, " cum graviter, " hoc est, gravi paena, " juxta Domini praeceptum, " sicut legitur IV Reg. IX, " vindicandi sanguinis causa, " innocentis scilicet Naboth, " in omnem memorati, " hoc est, Achab, " domum, " hoc est, generationem " desaevisset, " hoc est, saeviendo vindicasset, ita scilicet quod septuaginta filios Achab et nepotes ejus quadraginta interfecisset, sicut legitur IV Reg. x, " hoc peccato , " zelo scilicet, " Dominum dereliquisse invenitur, " adhaerens scilicet idolis :" cujus, " scilicet Iehu, " pronepote Jeroboam, " de quo legitur IV Reg. XIV. Filius enim Iehu erat Joas, nepos Joathaz, pronepos Jeroboam, " qui lectione comprehensus est, " hoc est, qui in lectione Osee in textu comprehensus est et nominatus, " originis suae facta, " hoc est, peccata paterna " imitante, " sicut genimina viperarum , " ac contra Dei praecepta, " qui idololatriam detestatur, " et religionem, " cultus divini scilicet, " cum populo Israel, " supple, consentiente, " agente, " scilicet idololatriam, " sanguis Naboth, " viri scilicet I ezrahelitae, " qui in loco certe Iezrahel, " hoc est, civitatis quae sic nominabatur, " fuerat profusus, " hoc est, abundanter effusus, Psal. LXXVIII, 10 : Innotescat... ultio sanguinis servorum tuorum, qui effusus est, " In domo Jehu, " hoc est, in generatione Jehu, " patris, " hoc est, atavi, " memorati jeroboae, " pronepotis sui scilicet, " propter peccata , " paterna scilicet, quae imitatus est, " redundaturus significatur, " per vindictam scilicet. Exod. XX, 5 : Ego sum Deus tuus fortis, zelotes, visitans iniquitatem patrum in filios, in tertiam ei quartam generationem,

" Hinc factum est, " hoc est, propter hoc, " ut ira Dei, " hoc est, punitio, " in populo Israel, " imitante scilicet idololatriam, " per denuntiationem Pro-

phetae, " Osee scilicet, " processura diceretur, " ut omnes scilicet involverat : " domui autem Juda , " hoc est, duabus tribubus, " misericordia lectione comprehensa, " hoc est, in lectione textus, Osee, I, 7, dicitur : Domui Juda miserebor, ei salvabo eos. " Ob hoc, " id est, propter hoc, " promissa est : quia Ezechias, rex Juda, filius Achaz, " (de Achaz legitur

IV Reg. XVI,) " sublatis idolis, " supple, de terra, " quae, " scilicet idola, " tam pater ejus, " scilicet Achaz, " quam caeteri reges, " avi scilicet, et proavi sui," consecraverunt , " vel. potius profanaverunt, " templum Dei purgasse, " ab idolis scilicet, " ac purificasse " a cultura idolorum et idololatris " monstratur, " scilicet sicut legitur, IV Reg. XVIII, 4 et seq.