PROLOGI DIVI HIERONYMI IN NAHUM PROPHETAM EXPLICATIO.

" Nahum Prophetam, " In prologo isto Hieronymus determinat tempus prophetiae, et duplicem suscepti operis causam.

" Nahum Prophetam, " non Prophetae filium. Sapient. VII, 27 : Per nationes in animas sanctas se transfert, amicos Dei et Prophetas constituit. " Ante adventum regis Assyriorum, " nonprimum scilicet, quando decem tribus transtulit : sed secundum, quando Jerusalem obsedit . " Qui, " scilicet rex Assyriorum, " populum Israel, " hoc est, decem tribus, " captivum in suas regiones transtulerat , fuisse, Hebraeorum traditio confirmat. "

Et hoc probat, subdens : " Siquidem, " hoc est, certe, " in fine hujus lectionis, " hoc est, prophetiae, infra, III, 12 et seq., " praedicti regis adventum, " hoc est, Assyriorum in Judaeam, " idem Propheta, " hoc est, Nahum " annuntiare monstratur. " Nec an- nuntiare potuit, si tunc non fuit, et ideo oportuit eum fuisse ante adventum ipsius. Et hoc dupliciter esse potuit, scilicet quod fuerit septimo anno Osee (ut quidam dicunt) et quarto anno Ezechiae, sed non prophetaverit, et tunc intelligitur fuisse ante primum adventum Assyriorum : vel quod fuerit decimo quarto anno Ezechiae, et quod prophetaverit, et tunc intelligitur fuisse ante secundum adventum Assyriorum.

Et subjungit de causa suscepti operis : " Sed cum habitatores Ninive, " quae fuit metropolis Assyriorum, " Jona, " Propheta scilicet, ((interitum,civitatis praedicente, " Jonae, III,4 : Adhuc quadraginta dies, et Ninive subvertetur, " ne, " ipsi, scilicet habitatores, " divina ira denuntiatum interitum, " per Jonam scilicet, " sustinerent " in effectu sicut denuntiatus fuit, " peccatorum et impietatis paenitentiam egissent, " sicut dicitur Jonae, III, 5 et seq., " accepta Dei misericordia, " in salvatione scilicet civitatis. Jerem. XVIII, 8 : Si paenitentiam egerit gens illa a malo suo, quod locutus sum adversu eam, agam et ego paenitentiam super malo quod cogitavi ut facerem ei. " Gra-

vioribus se criminibus implicuerant. " II Petr, II, 20: Facta sunt eis posteriora deteriora prioribus,

" Qua de causa, " hoc est, propter quam causam, " memoratus Propheta, " Nahum scilicet, " Spiritu sancto plenus, " quantum ad inspirationem propheticam. II Petr. I, 21 : Spiritu sancto inspirati, locuti sunt sancti Dei homines. " Judicium Dei " hoc est, condemnationem Dei, " annuntians,)) in eos scilicet qui relapsi sunt in peccatum, " ita est locutus, " in principio scilicet prophetiae: "Deus zelans, et ulciscens Dominus, etc. " hoc est, ex zelo ulciscens. Exod. XX, 5: Ego sum Dominus Deus tuus fortis zelotes, visitans iniquitatem patrum in filios, in tertiam et quartam generationem .

" Jam enim, " Nahum scilicet prophetante, " decem tribus ab Assyriis ductae fuerant in captivitatem, " Osee scilicet anno septimo, et Ezechiae quarto , sicut dicitur, IV Reg. XVIII, 7 et seq., " sub Ezechia, rege Juda, " hoc est, regnante Ezechia: " sub quo, " scilicet Ezechia, " etiam nunc in consolationem populi transmigrati, " hoc est, decem tribuum captivatarum, " adversus Niniven, " quae fuit metropolis captivantium, " visio, " hoc est, certa revelatio, " cernitur, " a Nahum scilicet Propheta. Amos, iii, 7 : Non facit Dominus Deus verbum, nisi revelaverit secretum suum ad servos tuos Prophetas.

Quod autem fuerit consolatio, probat, subdens:

" Nec erat parva consolatio, " scilicet prophetia de destructione Assyriorum, " tam his qui jam Assyriis serviebant, " hoc est, decem tribubus captivatis, " quam reliquis, " duabus scilicet tribubus non captivatis, " qui sub Ezechia rege, " bono scilicet, " de tribu Juda et Benjamin, " super quas ipse regnavit, " ab eisdem hostibus, "hoc est, ab Assyriis, " obsidebantur, "in Jerusalem scilicet quando Sennacherib obsedit eam : " ut audirent, " per Prophetam scilicet, " Assyrios quoque, " se scilicet affligentes, " a Chaldaeis esse capiendos : " quia decem tribus per hoc jugum servitutis sperabant mitigandum, et duae tribus sese ab obsidione liberandos, " sicut in consequentibus libri hujus, " tertio scilicet capitulo infra , " demonstrabitur . "