PROLOGI DIVI HIERONYMI IN MALACHIAM PROPHETAM EXPLANATIO.

" Deus per Moysen. " Hieronymus in hoc Prologo duo facit, scilicet tangit causam suscepti operis, et materiam, ibi, " Nam reliqua quae lectione comprehen" sa sunt. "

In prima duo sunt, scilicet causa, et susceptum opus, ibi, " Ideo per Malachiam. "

In prima duo sunt, unum scilicet per se, et alterum ex incidenti.

" Deus per Moysen, " tamquam scilicet per ministrum, " populo Israeli praeceperat, " Levit, XXI et XXII, " Sacerdotes tabernaculi sui, " id est, tabernaculo suo deservientes, " omni corporali vitio liberos, " scilicet quod nec longo nec torto naso sint, nec claudi nec caeci, vel abscissi, vel attritis testiculis, sicut dicitur, Deut,XXXIIi, 1, " hostias aeque omni vitio vacuas, " id est, liberas, hoc est, non macrum, non claudum, nec caecum, nec debile, " sibi offerre. " Eccli. XXXVIII, 11 : Impingua oblationem. Psal. LXV, 15 : Holocausta medullata offeram tibi. Genes.IV, 4: Abel obtulit de primogenitis gregis sui, ei de adipibus eorum, etc.

" Quibus, " Sacerdotibus, " legem suam,)) praecipue quantum ad cultum templi, " ad regendum populum, " secundum formam legis scilicet, " ob hoc dederat, " id est, illa intentione, " ut per sacrificiorum oblationem " scilicet, quii bus purificaretur populus et placaretur Deus, " internuntii Dei et hominum facti, " vota scilicet populi Deo offerentes, et propitiationem Dei populo renuntiantes. Deuter. v, 5 : Ego sequester et medius fui inter Dominum et vos in tempore illo, ut annuntiarem vobis verbaejus, Exod, xviii, 19 et 20 : Esto tu populo in his quae ad Deum pertinent, ut referas quae dicuntur ad eum : ostendasque populo caeremonias, et ritum, colendi, viamque per quam ingredi debeant, et opus quod facere debeant. Et hoc est quod sequitur : " Populum praeceptis caelestibus facerent obedire. " 1 ad Corinth. XI, 1 : Imitatores mei estote, sicut et ego Christi. Ad Hebr, xiii, 17 : Obedite praepositis vestris, et subjacete eis. Ipsi enim pervigilant, quasi rationem pro animabus vestris reddituri,

" Unde, " hoc est, propter quam similitudinem, " Sacerdotes Angelos Dei esse hoc loco Scriptura testatur , " Et accipit similitudinem, Genes, xxviii, 12 et seq., ubi inter Dominum innixum scalae desuper, Angeli descendentes propitiationem Domini ad Jacob deferebant, et Angeli ascendentes vota Jacob ad Deum referebant: quod adhuc officium est Sacerdotum. Joan, I, 51 : Videbitis coitum apertum, et Angelos Dei ascendentes et descendentes super Filium hominis.

Et subdit de ingratitudine quasi ex incidenti, ut melius intelligatur causa suscepti operis :

" Sed quia tanti muneris gratiam, " supple, gratis sibi datam, ((contemnentes, " ipsi scilicet Sacerdotes ad minus habituali contemptu, qui peccato conjunctus est, " supradictus populus ac Sacerdotes : " utrique enim ingrati fuerunt. Sapient, XVI, 29.: Ingrati spes tamquam hibernalis glacies tabescet, et disperiet tamquam aqua supervacua. Eccli. XXIX, 22 : Ingratus sensu derelinquet liberantem se. " Sacrificia vitio deturpata, " corporali scilicet, claudum vel macrum vel debile offerentes. Malach, i, 14 : Maledictus dolosus, equi habet in grege suo masculum, ei votum faciens, immolat debile Domino, " Ipsi, " scilicet Sacerdotes offerentes, " criminibus atque impietatibus maculati. " Crimina sunt peccata majora, accusatione scilicet digna in judicio. Impietates autem dicuntur hic communia peccata contra legem Dei facta. Macula vero dicitur contagiosa turpitudo, ex peccato adhaerens animae. Et tales esse Sacerdotes, contra praeceptum Dei est. Levit, XXII, 9 : Custodiant Sacerdotes praecepta mea, ut non subjaceant peccato, ei moriantur in Sanctuario, cum polluerint illud. " Deo offerre coeperunt, " supple, sic maculati. Malach. I, 10 : Non est mihi voluntas in vobis, dicit Dominus exercituum: et munus non suscipiam de manu vestra,

" Ideo. " Tangit operis susceptionem. " Per Malachiam Prophetam, " quem scilicet ad hoc suscitavit, " Deus populum Israel increpans, " ut scilicet a peccato averteret, II ad Timoth. IV, 2 : Argue, obsecra, increpa in omni patientia, et doctrina, " Ait: " Malach. I, 2 : " Dilexi vos, dicit Dominus, " gratuita scilicet dilectione. Jerem, XXXI, 3 : In charitate perpetua dilexi te : ideo attraxi te, miserans. " Et dixistis, " tamquam scilicet ingrati et immemores beneficiorum meorum : " In quo dilexisti nos ? " Eccli. XXIX, 6 : Loquitur verba taedii, ei murmurationum. Et post pauca, v. 9 : Pro honore et beneficio reddet illi contumetiam .

Et subdit qualiter gratis dilexit, quasi respondens ingratis :

" Nonne frater erat Esau Jacob, dicit Dominus? " et sic, supple, nec ex utero materno nec ex semine paterno habuit Jacob, quod eum Deus prae Esau diligeret : oportuit ergo quod gratuita dilectione diligeret eum. Et hoc est : " Ei dilexi Jacob. " Osee, XIV, 5 : Diligam eos spontanee, quia aversus est furor meus ab eis. " Esau autem odio habui. " Non dicitur hic odium inimicitiae inveteratio, vel ira positive, sed privatio gratuitae dilectionis. Quicumque enim de massa perditionis quam Deus odio habet, non eligitur, et separatur per dilectionem, ma- net in odio et in ira. Ad Ephes. II, 3: Omnes eramus natura filii irae. Et hoc Hieronymus nititur explanare, subdens : " Esau autem fratrem Jacob, " et ex. hoc, supple, aequaliter diligibilem, " non iniqua, sed spontanea voluntate odio habitum a Deo, " probatur ex hoc dicto Apostoli, ad Romam IX, 11 et seq. : Cum enim nondum nati fuissent, aut aliquid boni egissent, aut mali, (ut secundum electionem, propositum Dei maneret.) Non ex operibus, sed ex vocante dictum est ei : quia major serviet minori . Et hoc similiter ostendit ab altera parte, subdens : " Vel sine meriti gratia, " quo scilicet hoc meruisset, " Jacob dilectum,)) supple, fuisse, " manifestum est, " ex eodem scilicet Apostoli verbo. Nihil enim egerant nec boni nec mali, qui nec nati fuerant : et ideo nec propter meritum boni Jacob elegit, nec propter meritum mali Esau reprobavit, sed spontanea voluntate.

" Cum, " id est, quamvis " secundum praescientiam suam, " Dei scilicet, qua omnia praevidet antequam fiant bona et mala, licet causet bona et non mala, " Esau quidem, " supple, praevideret ((effusionem sanguinis fraterni concupiscere, " hoc est, concupisciturum. Genes. XXVII, 41 : Dixit Esau in corde suo : Veniet dies lucius patris mei, et occidam Jacob, fratrem meum. " Jacob autem, " supple, in futurum, " in sui cognitione,)) qua scilicet Deum cognosceret beneplaciti cognitione, " observandam legem, " hoc est, propter servandam legem, " desiderare, " id est, desideraturum, " cognosceret. " Et est sensus : Quamvis mala In uno praevideret, et bona in altero : non tamen propter Illa bona alterum elegit, vel propter ista mala alterum reprobavit, sed aeterna et gratuita dilectione elegit Jacob. I Joan. IV, 19 : Nos ergo diligamus Deum, quoniam Deus prior dilexit nos. Temporale enim non potest esse causa aeterni, et injustum esset quod

propter mala quae non sunt nec fuerunt, sed tantum possibilia sunt in futurum, aliquis reprobaretur.

" Cujus rei gratia. " Subinfert quod ex tali necessitate suscepit opus prophetandi. " Supra dicto usus est exemplo,)) quod a patribus ad filios transferretur, " dicens : Jacob dilexi, Esau autem odio habui. " Et repetit quod non propter praescientiam meritorum utriusque hoc fecerit : " Quamvis ex operibus memoratorum, " Esau scilicet, et Jacob, " quorum Liber Geneseos meminit, " cap. XXV, " in quo unusquisque, " id est, " uterque " futurus erat proposito, " bono scilicet, vel malo, " manifeste constat : " Libro Geneseos referente, " ut scriptum est, " eodem scilicet capitulo, secundum Septuaginta : " Creverunt pueri, " aetate scilicet, et corpore, virtute et malitia : " et erat Esau, " qui scilicet odio habitus est a Deo, " homo agrestis, " id est, silvestris, " sciens venari, " quod in malo accipitur : " Jacob autem, " dilectus scilicet a Deo, " homo simplex," in malo scilicet, Ad Roman. XVI, 19 : Volo vos sapientes esse in bono, et simplices in malo, " manens in tabernaculo , " hoc est, domestica et ea quae sunt conscien- tiae diligens et custodiens. Psal. LXXXIII, 11 : Elegi abjectus esse in domo Dei mei, magis quam habitare in tabernaculis peccatorum.

" Nam reliqua. " Tangit hic materiam prophetiae : " quae lectione comprehensa sunt, " istius scilicet prophetiae, " praevaricationem populi Israel, " contra mandatum Domini scilicet, " in observandis sacrificiis Dei, " quod scilicet forte et pingue, non debile aut macrum offeratur, " increpationemque " sapientiae Dei " in eumdem, " scilicet populum Israel, " quod Deos alienos coluerit, " ante scilicet captivitatem, " significat : " et haec sunt materia prophetiae.

Attendendum autem quod Hieronymus dicit, quod quia Malachias Angelus ejus interpretatur, Malachiam Angelum fuisse quidam dicunt et sumpto corpore populo prophetasse : quod nos omnino non recipimus. Hebraei vero dicunt hunc fuisse Esdram, qui anno septimo Artaxerxis prophetavit post Zachariam et Aggaeum. Quidquid autem de hoc verum sit, non est nostrum diffinire, sed hoc scimus quia Propheta Domini fuit, et quaecumque locutus est, a Spiritu sancto dixit.