PROLOGI DIVI HIERONYMI IN ABDIAM PROPHETAM ENARRATIO.

" Jacob patriarcha. " Iste prologus in duas partes dividitur. In prima ostendit contra quem et propter quid Abdias prophetat. In secunda merita describit prophetantis, ibi," Hebraei hunc dicunt esse, "

In primo dicit quatuor,scilicet quod contra Esau propter odium, et contra similes Esau in odio, et contra Gentes judicium divinum processurum prophetat Abdias.

" Jacob patriarcha. " Patriarcha est princeps patrum, eo quod totum semen ejus in benedictione fuit . " Fratrem habuit Esau , qui, " scilicet Esau, " ob ruborem corporis sui . Edom hebraea lingua appellatus est. " Genes. XXV, 25 : Qui prior egressus est, rufus erat, et totus in morem petiis hispidus : vocatumque est nomen ejus Esau. Cognomen autem ab accidente impositum fuit Edom, " quod, " scilicet Edom, " latine sanguineus dicitur, " eo quod sanguis rubeus est.

Et subdit propter quid prophetat contra illum :

" Is, " scilicet Edom, " memoratum fratrem suum, " Jacob scilicet, " qui, " scilicet Jacob, " Israel nomen acceperat : " Genes.XXXVII, 28 : Nequaquam Jacob appellabitur nomen tuum, sed Israel. " Gravi odio commotus. " Gregorius : " Odium inveterata ira est. " Interimere conatus est. " Genes.XXVII, 41 : Veniet dies luctus patris mei, et occidam Jacob, fratrem meum.

Et subdit, quomodo nomen Edom in alios similes sibi in odio propagatur :

" Qua de causa omnes qui populum Israel, " spiritualem scilicet, " id est, filios patriarchae Jacob praedicti, " et intelligit de filiis spiritualibus, " Esau odium imitati. " Genes.XXXVII, 4 : Oderant eum, nec poterant ei quidquid pacifice loqui, " Persecuti sunt. " II ad Timoth.III, 12 : Omnes, qui pie volunt vivere in Christo Jesu, persecutionem patientur. " Esau et Edom, " propter similitudinem odii scilicet, " appellati sunt. " Exod. I, 13 et 14 : Oderant filios Israel aegyptII, et affligebant illudentes eis: atque ad amaritudinem perducebant vitam eorum. Genes. XXVII, 41 : Oderat ergo semper Esau Jacob pro benedictione qua benedixerat ei pater.

Et descendit ad speciale, subdens : " Et quia populus Israel, " hoc est, filiorum Israel, " de captivitate Chaldaeorum, " facta scilicet per Nabuchodonosor, " per Cyrum, regem Persarum, " de quo, Isa. xlv, 1 : Haec dicit Dominus christo meo Cyro, cujus apprehendi dexteram. " Nutu, " hoc est, instinctu, " Dei revocatus in Jerusalem. " II Paral. XXXVi, 22 et 23 : Suscitavit Dominus spiritum Cyri, regis Persarum : qui jussit praedicari in universo regno suo, etiam per scripturam, dicens : Haec dicit Cyrus, rex Persarum : Omnia regna terrae dedit mihi Dominus, Deus caeli, ei ipse praecepit mihi ut aedificarem ei domum in Jerusalem, quae est in Judaea. Quis ex vobis est in omni populo ejus ? sit Dominus Deus suus cum eo, et ascendat. Hoc idem continetur, I Esdrae, I, 1 et seq. " Ab alio regno, " quod scilicet Alexandro successit in Antiocho Epiphane, sicut dicitur, I Machab.I, 11, " graviter afflictus atque oppressus est. " Afflictus bello, oppressus servitute et tributis. "Ideo hoc regnum, " persecutorum scilicet, " quod more Esau, " primi scilicet inimici et invidentis, " praedictum populum, " Israel scilicet,

" persecutum est. " Psal. CVIII, 17 : Persecutus est hominem inopem et mendicum, et compunctum corde mortificare. " Per denuntiationem Abdiae Prophetae, " prophetiam scilicet, " increpatur. " II ad Timoth, IV, 2 : Argue, absecra, increpa in omni patientia et doctrina. " Quod non Dei indignatione, " hoc est, pro Dei indignatione, " sed sua, " propria scilicet, " virtute, " hoc est, fortitudine, " populum, " scilicet Dei, " superatum gloriabatur. " Isa. X, 13 : Dixit enim : In fotrtiudine manus meae feci, et in sapientia mea intellexi : et abstuli terminos populorum, et principes eorum depraedatus sum. " De quo regno, " persequente scilicet Ecclesiam, " olim, " diu ante, " per David in Psalmo CXXXVI, 7, dictum est, " istud scili- cet : " Memorare, Domine, filiorum Edom, " ad ultionem scilicet, " in die Jerusalem, " hoc est, in die laetitiae Jerusalem. Michaeae, VII, 10 : Et adspiciet inimica mea, et operietur confusione.

Et subdit de judicio processuro in

Gentes :

" Nam reliqua a , " praeinductis scilicet, " lectione comprehensa, " Abdiae scilicet, " futurum in Gentes, " hoc est, contra Gentes, " judicium, " hoc est, vindictam, " ob causas, " hoc est propter causas " lectione comprehensas, " in textu scilicet. Joel, III, 2 : Congregabo omnes gentes, et deducam eas in vallem Josaphat : et disceptabo cum eis. " Et regnum Dei, " supple, futuram esse, " in populo Israel significant . " Ultimum enim verbum prophetiae est : Et erit Domino regnum .

" Hebraei hunc. " In hac secunda par- te meritum tangit Prophetae in quatuor : in eleemosyna scilicet, in gloria sepulturae,in honore exaltationis,et in nomine. " Hebraei hunc dicunt esse, " quamvis per Scripturam confirmari non possit, " qui sub rege Samariae Achab, " de quo III Regum, XVIII, " et impiissima Jezabel, " quae fluxus sterquilinii interpretatur, " pavit centum Prophetas, " latitantes scilicet propter persecutionem jezabel, " in specubus. " Hoc ideo creditur, quia III Reg XVIII, 3 et seq., Achab Abdiam misit pro Elia,qui ibidem, V. 13, dixit Eliae : Numquid non indicatum est tibi,domino meo,quid fecerim cum interficeret Jezabel prophetas Domini, quod absconderim de prophetis Domini centum viros, quinquagenos et quinquagenos in speluncis, et paverim eos pane et aqua ? Sed quod idem sit iste Abdias et ille non est probatum. " Qui non curvaverunt genua ante Baal, " hoc est, idola non adoraverunt, " et de septem millibus erant , " quantum ad meritum, " quos Elias arguitur ignorasse. " Cum enim diceret Elias : Derelictus sum ego solus, et opinaretur se solum esse superstitem inter servos Dei, arguens eum, respondit Dominus : Derelinquam mihi in Israel septem millia virorum, quorum genua non sunt incurvata ante Baal. Et idem inducitur in epistola Pauli ad Roman. XI, 4 .

Et subdit de sepulcro :

" Sepulcrum quoque ejus. " Isa. XI, 10 : Erit sepulcrum ejus gloriosum. " Usque hodie, " per successiones scilicet generationum, " cum Mausoleo Elisei Prophetae. " Mausoleum sepulcrum a^dificatum et ornatum est, in quo defuncti praeclara facinora, ac res memoria dignae sunt descripta. Dicitur autem a Mausolo, Cariae rege, cui Artemisia uxor sepul-

XIX

18 crum aedificavit ita egregIIsopcribus,utinter septem orbis miracula numeretur. Attollitur enim in altitudinem viginti quinque

cubitis, et cingitur columnis triginta sex. A quo sepulcro omnia pretiosa sepulcra ex nomine ejus mausolea dicuntur. " Et Baptistae Joannis, " supple, mausoleo,

" in Sebaste, " civitate scilicet Samariae, " venerationi habetur, " sicut dignum est ossibus Sanctorum venerationem impendi. " Quae, " scilicet Sebaste, " olim Samaria dicebatur, " ut dicit Chrysostomus, a quodam Samer qui montem quem possedit, et civitatem quam ibi aedificavit, Samariam vocavit, quae cum metropolis facta esset terrae, ab ipsa tota terra nomen accepit. " Hanc, " scilicet civitatem, " Herodes rex ," qui alienigena in Judaea regnavit, " Antipatris filius, " qui de successoribus Antiochi fuit, " in honore Augusti Caesaris, " sub quo tempore regnavit, " graeco nomine vocavit Augustam . " Augustus enim in graece, latine sonat solemniter stans, vel solemnitatis additio ; propter quod etiam scriptores solemnizati, auctores dicuntur, et Deus auctor boni dicitur potius quam actor, quia solemnis est in boni profusione.

Et subdit de profectu honoris : " Hic igitur qui centum Prophetas paverat, " supple, merito illius eleemosynae et pietatis, " accepit gratiam prophetalem. " I ad Timoth, IV, 8 : Pietas ad omnia utilis est, promissionem habens vitae, quae nunc est, et futurae. Eccli.IV, 1 : Fili, eleemosynam pauperisne defraudes, et oculos tuos ne transuertas a paupere. " Et de duce exercitus, " corporalis scilicet, " fit dux Ecclesiae, " sicut Petrus de piscatore piscium factus est piscator hominum . Psal. LXVII, 28 : Principes Juda duces eorum. Isa. XXXII, 8 : Princeps, quae digna sunt principe, cogitabit, et ipse super duces stabit. " Tunc in Samaria, " quando dux erat Achab , " parvum gregem paverat, " centum scilicet viros tantum, " nunc, " supple, factus dux spiritualis, " in toto orbe Christi pascit Ecclesias, " pabulo scilicet verbi Dei, et mysteriorum. Matth. IV, 4 : Non in solo pane vivit homo, sed in omni verbo, quod procedit de ore Dei6 . Sapient.XVI, 26 :Non nativitatis fructus pascunt homines, sed sermo tuus hos, qui in te crediderint, conservat.

Et subdit de nominis dignitate : " Et sicut Stephanus " corona interpretatur secundum congruentiam sui nominis, " coronam meruit passionis, " primus scilicet et praecipuus. Psal. VIII, 6 : Gloria et honore coronasti eum, Domine, "Sic hic, " Propheta scilicet, " servitutis Dei, " interpretatione scilicet nominis, "cum Paulo Apostolo,)) qui in prima sua epistola ad Romanos, i, 1, scribit : Paulus Jesu Christi servas, " Nomine, " hoc est, nominis interpretatione, " gloriatur. " Pythagoras enim vult, quod nomen qualitatem indicet personae.

Et subdit renuntiationem : " Quia Abdias servus Domini in nostro, " hoc est, in latino " sonat eloquio. "