134. De sancta Barbara.

la. Novae laudes harmoniae

Coeli clangant hierarchiae

Pro Barbarae victoria,

2 a. Flos ex ramo pullulavit,

Qui radicem suffocavit,

Nata patris conamina

3 a. Clauditur et custoditur

Turri, dupla quae vestitur

Fenestrula lucifer

4 a. Pater gladium minatur,

Fugit, ut non occidatur,

Pro tunc electa puritas ;

5 a. Perquam moerens consolatur

Et ad bella confortatur

Poenarum Imminentium,

6 a. Ut non nubat, clam abscedit

Crine tracta dolens redit

Ad genitoris atria;

7 a. Verberata demammatur,

Vincta nervis perforatur,

Usta martello tunditur;

8 a. Hanc demum dum decollavit

Patrem fulmen coeli stravit

Mittens Cocyti glareis,

1b. Quae processit ut aurora,

Solem prima lucis hora

Noctis ducens de scoria.

2 b. Praesidisque Marciani

Cordis furias vesani

Vincens et cruciamina.

3 b. Una, petit, ut addatur,

Ut sic trinitas discatur,

Mens hominum salvifera.

4 b. Fons et niamior signo crucis

Signis fulgent, dono lucis

Carceralis obscuritas,

5 b. Genitor In eam stridet,

Dum subsannat et deridet

Deos et deas gentium.

6 b. In locustas grex pastoris

Commutatur proditoris,

Videns miratur patria.

7 b. Sanat Christus vulneratam,

Vestit angelus nudatam,

Gentis error confunditur.

8 b. Et sic granum trituratum

Est invectum depuratum

Coelicolarum areis.

9 a. Qua transacta tempestate

Vestis fulget claritate,

Quae non formidat tineam.

9 b. Stolam sanguine rubratam

Gestat, nive dealbatam,

Aureolam virgineam.

10 a. Sub qua laudes citharizat,

Agno carminum hymnizat

Novorum resonantia,

10b. Coram quo pro nobis munde

Plenam phialam effunde

Precum, virgo, fraglantia.

11a. Posce nobis adjuvamen

Et Instaura sublevamen

In stadio pugnantibus,

11b. Bravium ut consequamur

Et coronam mereamur

Promissam triumphantibus.