18. In festo Exaltationis s. Crucis.

la. Honor crucis dilatetur
Et devote celebretur
Ipsius laudatio,

1b. Totus mundus jucundetur

Et in ciuce glorietur

Christiana natio.

2 a. Cruce Christus consecravit
Nos, cruore suo lavit
Perforatas lanceas

2 b. Clavos in hac toleravit,
Sputa, fel et coronavit
Hunc corona spinea.

3a. Crucis per mysterium
Caritatis serium
Christus demonstravit,

3 b. Cujus improperium

Vitam et imperium

Mundo reparavit.

4a. Crux character spiritalis,
Virtus est sacramentalis,
Renatorum gloria,

4b. Medicina corporalis
Christianis et mentalis
Crucis est memoria.

5 a. O crux, benedictum lignum,
Omni nempe laude dignum,
Salus es credentium.

5 b. Constantinus per hoc signum
Fugat hostes et malignum
Superat Maxentium.

6a. Adjuvit Heraclium,
Dum in ponte filium
Chosroe prostravit:

6b. Hostem hunc fidelium
Occidit et filium
Parvum baptizavit.

7 a. Ave lignum pretiosum,
Fructum portans gratiosum,
Christum regem gloriae;

7 b. Quod despectum etprobrosum
Fuit olim et poenosum,
Lignum fit victoriae.

8 a. In hoc Christus triumphavit,

Morte mortem superavit

Mortuos vivificans,

8b. Hoc infernum spoliavit,
Quos ibidem captivavit,
Secum hos glorificans.

9 a. Laudes ergo dominico
Ligno demas cum cantico
Voce laeta,

9b. Tactu cujus vivifico
Signa fiunt in publico
Non consueta.