10. In festo Transfigurationis DN.
15. In Susceptione s. Coronae.
16. In Susceptione s. Coronae.
17. In Exaltatione sanctae Crucis.
18. In festo Exaltationis s. Crucis.
59. De Beata Maria Virgine. Tempore paschali.
61. De gaudiis beatae Mariae V.
65. In solemnitate sacratissimi Rosarii.
106. In festo omnium Sanctorum.
108. In Translatione sanctorum
112. De Communi unius Martyris.
114. De ss. quatuordecim Auxiliatoribus.
136. In Receptione capitis S. Barbarae.
171. In Translatione s. Genovefae.
172. In festo miraculorum s. Genovefae.
178. In festo miraculorum s. Genovefae. Secunda die.
174. In festo miraculorum s. Genovefae.
178. De s. Germano Antisiodorensi.
197. In Nativitate s. Johannis B.
198. In Nativitate s. Johannis B.
109. In Decollatione s. Johannis B.
200. In Decollatione s. Johannis B.
201. In Decollatione s. Johannis B.
202. De s. Johanne Evangelista.
203. De s. Johanne Evangelista.
204. De s. Johanne Evangelista.
223. In translatione s. Lucii.
224. In translatione s. Ludovici.
229. De ss. Maria Jacobi et Salome.
249. In Translatione s. Martini.
269. In festo s. Petri ad vincula.
284. In Inventione s. Stephani.
285. In Inventione s. Stephani.
287. De s. Thoma Gantuariensi.
292. De ss. Victorino et Floriano.
1. Gaude, virgo gloriosa,
Virgo munda, mundi rosa,
Munda verbi mansio ;
2 a. Tota munda nos emunda
Et fecunda nos fecunda
Christi puerperio.
2 b. Tu vitalis et regalis
Virga virens virginalis
Flore pudicitiae.
3 a. Fecundata novo rore,
Nova fronde, novo flore,
Fructu novae gratiae.
3 b. Ex hac virga viret ecclesia,
Tacta floret coelesti pluvia,
Regem parit gloriae.
4 a. Virgam regis, virgam gregis,
Virgam legis ex hac legis
Prodiisse virgula;
4 b. Virgam viae regiae,
Virgam lucis praeviae
Profert haec virguncula.
5 a. In hac virga magus cedit,
Mare fugit et obedit,
Unus caedit milia,
5 b. Et in fontem petra fluit.
Et de coelo manna pluit.
Sermo sonans omnia.
6 a. Virgo, virga salutaris,
Singularis portus maris,
Porta vitae praevia,
6 b. Nos immersos in profundo
Duc in portum et a mundo
Tua mundet gratia.
7 a. Pelle Scyllam et Sirenes,
Purga mentem, purga renes,
Planta morum germina
7 b. Et de mentis area
Lateres cum palea
Et lutum elimina.
8 a. Noster in te crescat zelus,
Inconcussa stet phaselus
Inter tot contraria,
8 b. Virga crucis remige
Nos in portum dirige
Per tot maris devia.
9 a. Tolle malum, tende velum,
Per te remum duc pbaselum
Ad coeli palatia ;
9 b. Tu sis nobis mediatrix,
Dux et cymbae gubernatrix
Per maris naufragia.
10 a. Tu de lignis levigatis,
Lignis Setim deauratis
Arca, legis scrinium;
10 b. Tu vas mannae sanctioris,
Vas dulcoris et honoris
Habens privilegium.
11a. Tu, Maria, maris stella,
Virginalis virgo cella,
Mater matris, fundens mella
De fluentis gratiae.
11b. Cum sis stella, da splendorem,
Cum sis virgo, profer florem
Castitatis et dulcorem
Maternae clementiae.
12 a. In te Salomonis lectus,
Auro fulvo circumtectus,
Ex electis est confectus
Floribus convallium;
12 b. In te tactus caritatis,
Byssus candens castitatis
Et supernae majestatis
Regale triclinium.
13 a. Tu medulla condimenti
Ollae mortis aegrae menti,
Caecis splendor firmamenti,
Lapis basis fulcimenti,
Captivis refugium.
13 b. Tu laterna deitatis,
Tu lucerna veritatis,
Tu pincerna pietatis,
Nobis summae claritatis
Confer participium.