213. De sancta Katharrna.

la. Odas hac in die laetas
Christo canat omnis aetas
Corde, voce, fidibus;

1b. Omnem spectat ad aetatem
Katharinae dignitatem
Cumulare laudibus.

2 a. Haec est illa Costi nata,
Cujus ortu decorata
Gloriatur Graecia,

2b. Haec est, quae mnam sibi datam
Christo reddit duplicatam
Oris eloquentia.

3 a. Scholis vacans, artes discens.
Altiora concupiscens
Studet evangelio.

3 b. Duo legens testamenta,
Vitae videt alimenta,
Christum in praesepio.

4 a. Cibo dulci retovetur,

Quo plus gustat, plus augetur
Sanctum desiderium:

4 b. Cibo confortatur isti,
Se configens cruci Christi
Currit ad martyrium.

5 a. Rex hinc terret, hincblanditur,
Haec nec timet nec lenitur
Pro mentis constantia;

5 b. Hinc terrores ut favillae,
Hinc res, servi vel ancillae
Spernuntur ut vilia.

6 a. Sapientes superantur,

Credunt Christo flammis dantur
Sed non perit fimbria:

6b. Carceratur virgo caesa,
Visitatur, fit illaesa
Superum praesentia.

7 a. Quam regina dnm solatur,
Ad certamen invitatur,
Favet ovans, coronatur,
Certat die tertia.

7 b. A columna dum cibatur
Virgo, rota fabricatur.
Orat, nexus dissipatur,
Sternitur plebs impia.

8a. Tot triumphans in tormentis
Ad superna cum ducentis
Praemittit Porphyrium ;

8 b. Impetrato, quidquid orat,
Ferit lictor, lac irrorat
Ferientis gladium.

9 a. Corpus coelitus sublatum
Est in Sina tumulatum,
Tumba manat oleum.

9 b. Sina signis illustratur,
Coelum sibi gloriatur
Addi sidus aureum.

10 a. Virgo, sidus honestatis,
Dux et decus probitatis,
Christi reos majestatis
Christo reconcilia.

10b. Vas virtutum, via morum,
Flos odoris, odor florum,
Nos tuere, nos coelorum
Transfer ad palatia.