63. In festo Mariae Nivis.

1 a. Miris modis et praeclaris
Olim virgo praeclicaris
Et rutilans Maria,

1b. Ab aeterno ordinans,
Sed per tempus declarans
Et nitescis nivea.

2 a. Ritu nivis coeli civis

Statum sumis non ab imis
In ortu clarissima,

2 b. Ima regis, foeda tegis,
Munda venis, corda lenis,
In partu purissima.

3 a. Arens tellus non gravatur,
Nive nitens fecundatur
Descensu lenissimo;

3 b. Egens quivis consolatur,
Virginis nam jucundatur
Respectu gratissimo.

4 a. Poros terrae nix concludit,
Iter feris intercludit
Et pandit vestigia:

4b. Et tu dulcis claude fores,
Ne erumpant pravi mores
Hostisque malitia.

5 a. Nive visus oblectatur,
Sed acies hebetatur
Ejus perspicacia;

5 b. Te laudare mens conatur,
Sed praecellis et arctatur,
Prae sui angustia.

6 a. Bonis tuis provocatur,
Sed excedunt et fraenatur
Tui excellentia:

6 b. Nec natura nec scriptura
Plene laudant nec figura,
Superas nam omnia.

7 a. Aemula ens naturae ars
Laudis tuae utrumque pars
Succumbit inopia ;

7 b. Chori stupent angelorum,
Nam omnium beatorum
Transcendis vestigia.

8 a. Et si nequis enarrari,
Debent tamen famulari
Tibi quaevis infima;

8 b. Sub sacrata nivis domo
Teneretur cuncta homo
Virtutum insignia.

9 a. Nam non potest singulari,
Modo saltem generali
Recolat praeconia;

9 b. Utque cunctis es parata,
Tua sunt annotata
Larga beneficia.

10 a. Per haec tui recordemur,
Invocantes te purgemur
Et purgati illustremur
Ex tui memoris;

10 b. Super nivem dealbemur,
Dealbati coronemur,
Coronati praemiemur
Felices in gloria.