123. De sancto Alphego.

1. Ad haec colenda gaudia,

2 a. Quae Alphegi triumphalis
adornat victoria,

2b. Mellmuae trinitati
persolvamus cantica

3 a. Cujus fidei clara
assumens Insignia

8 b. Ad nimium redegit
maligni molimina.

4 a. Dum fortis patiendo
mortem ad usque suam
odivit animam,

4b. Ut vitam In aeternam
mortis jure calcato
custodiret eam.

5 a. Omni plenus gratia
multa dedit Insignia
Virtutum verbi semina
spargens semper In credula
carnalium corda.

5 b. Sed plebs veri nescia
agens mente lapidea
Sancta Dei famina
spernit ac omnimodam
prorumpit In Iram.

6 a. Stat martyr ovans,
Jesum adorat,
cujus vicem gerebat,
pro Illo mori gaudebat.

6b. Oves commendat
Christo servandas
sanguine sternens viam,
qua graderetur ad vitam.

7 a. Passus obscura carceris
antra, vincla,
dira tormenta,

7 b. Saxorum Inter vulnera
sanctam coelo
reddidit animam.

8a. Quid ergo saevis,
invida pestis,
pestis antiqua,

8b. A moriente
Christo devicta
atque calcata?

9 a. Virtus hunc sustollet
ad gloriam,

te Invidia
trahit ad poenam.
Ecce quam laeta
cantat haec turma
martvris alma

9 b. Trophaea dignam
Christo dans doxam,
qui tulit palmam.

Ecce nunc, quem murmur
non fregerat,
aeternaliter
vivit et regnat.

10 a. Per haec tua felicia,
pater, rogamus gaudia,

10b. Quae hodie omnifica
tibi cessit potentia,

11a. Aufer a nobis meritam
mali auditus sententiam,

11b. Qua confundentur superba
omni cessante superbia,

12. Et fac nobis perviam
regni coelestis januam.