64. In festo Mariae Nivis.

la. Eja, sponsa Christi, gaude,
Corde, voce, nova laude,
Militans ecclesia,

1b. Et coelestes hierarchiae
Jucundentur in hac die
Dulci cum symphonia.

2a. Totus orbis. collaetetur.
Totus chorus gratuletur
Supernorum civium,

2 b. Genitricis illibatae
Semper virginis beatae
Adsunt festa nivium.

3 a. Quae naturae contra ritum
Ex angusto infinitum

Fructum profert parvula:

3 b. Homo Deum, stella solem,
Nata patrem, virgo prolem
Antiquum juvencula.

4a. Novum creat virgo miram:
Dum sol virginale gyrum
In aestate media

4 b. Lustrat magno cum fervore,
Nivem dedit cum algore.
Miscuit contraria.

5 a. Romam agit in stuporem,
Dum nix datur praeter morem
Inconsuetum patriae:

5 b. Quid praetendit, dum nescitur,
Statim tellus apperitur
Tuae pro cultu latriae.

6 a. Hujus templi de btiuctura
Vidit visione pura
Pontifex Liberius

6 b. Genitricem praecellentem
Nocte sibi colloquentem.
Obedit celerius.

7 a. Somno vidit cum uxore
Matrem Christi cum fulgore
Nobilis patricius;

7 b. Mandans templum consummari
Et a cunctis venerari,
Exsequuntur citius.

8a. Templum pulchrum erexerunt

Et idem consecraverunt

Virginis sub titulo.

8 b. Cui signa clarent pura,
Quae non fiunt a natura
Ejus adminiculo.

9 a. Quam precemur corde puro.
Ut non locet in obscuro
Nostros tandem spiritus

9 b. Sed in regno claritatis
Nos collocet cum beatis
Post praesentes gemitus.