25S. De sancto Ottone.

la. Gratulare, sponsa Christi,

Quae per fidem genuisti

Virum tanti nominis.

1b. In quo pater gloriatur

Et virtutes operatur,

Gaude, mater nobilis.

2 a. Plaude manu, voce clama.

Antistitis per te fama

Crescat et memoria;

2b. Crevit enim ante Deum,

Qui beatum fecit eum

In coelesti gloria.

3 a. Vita cujus et doctrina

Quasi stella matutina

Lucet In perpetuum:

3 b. Per te flagrat haec lucerna,

Praebens Iter ad superna.

Deus exercituum.

4 a. Auro fecit effulgere

Vasa templi, quae fuere

Vasa contumeliae,

4b. Dum convertit ab errore

Pommeranos et squalore

Gentilis perfidiae.

5 a. Non In vase nec sub lecto

Constituta sed In tecto

Procul sparsit radios:

ob. Caritate rutikbat.

Veritate falminabat

Terrens adversarios.

6a. Ecce Joseph fortunatus.

Vir accrescens et probatus

In conspectu principis I

6b. Hic aperte declaratur.

Qua virtute dirigatur

Via viri simplicis.

7 a. Otto, prudens et fidelis

Dispensator qui In caelis

Certo gaudes titulo,

8 a. Praebe pias, pater, aures,

Qualescunque sume laudes,

Doctor celeberrime ;

7b. Ibi fruens coelibatu

Nos absolvas a reatu

Mortis et periculo.

8 b. Funde preces apud Christum,

Ut Instauret chorum Istum

Paci saluberrime.